ഒരു കോടി ഡോസ് കൊവിഡ്  വാക്സിൻ വിതരണം ചെയ്യാൻ ഒരുങ്ങി കാഡില ഹെൽത്ത് കെയർ

ഓക്ടോബറിൽ കൊവിഡ് വാക്സിനായ സൈക്കോവ് ഡിയുടെ ഒരു കോടി ഡോസ് വാക്സിൻ വിതരണം ചെയ്യാൻ ഒരുങ്ങി കാഡില ഹെൽത്ത് കെയർ. മിന്റാണ് ഇതു സംബന്ധിച്ച വാർത്ത പുറത്തുവിട്ടത്. 12 നും 18 നും ഇടയിൽ പ്രായമുള്ളവർക്ക് വാക്സിൻ നൽകുന്നതിനുള്ള അം​ഗീകാരവും സൈക്കോവ് ഡിക്ക് ലഭിച്ചിട്ടുണ്ട്. ഒക്ടോബർ ആദ്യവാരത്തോടെ ഇന്ത്യ 100 കോടി വാക്സിൻ എന്ന ലക്ഷ്യം കൈവരിക്കുമെന്നാണ് പ്രതീക്ഷ.

മ്യൂച്വൽ ഫണ്ട് ബിസിനസ്  വിൽക്കാൻ അം​ഗീകാരം നൽ‌കി ഐഡിഎഫ്സി ബോർഡ്

ഐഡിഎഫ്സി അസറ്റ് മാനേജ്മെന്റ് കമ്പനിയുടെ മ്യൂച്വൽ ഫണ്ട് ബിസിനസ് വിൽക്കാൻ ഐഡിഎഫ്സിയുടേയും ഐഡിഎഫ്സി ഫിനാൻഷ്യൽ ഹോൾഡിംഗ് കമ്പനി ലിമിറ്റഡിന്റെയും ബോർഡ് ഓഫ് ഡയറക്ടേഴ്സ് അനുമതി നൽകി. ഐഡിഎഫ്സി ഫിനാൻഷ്യൽ ഹോൾഡിംഗ് കമ്പനിയുടെ നേരിട്ടുള്ള സഹോദര സ്ഥാപനമാണ് ഐഡിഎഫ്സി അസറ്റ് മാനേജ്മെന്റ് കമ്പനി. 2021 മാർച്ച് 31 ലെ റിപ്പോർട്ടുകൾ പ്രകാരം ഐഡിഎഫ്സി അസറ്റ് മാനേജ്മെന്റ് കമ്പനിയുടെ 99.96 ശതമാനം ഓഹരികളും ഐഡിഎഫ്സിയുടെ  കൈവശമാണുള്ളത്.

റിപ്പോ അടിസ്ഥാനമാക്കിയുള്ള വായ്പ നിരക്ക് 6.55 ശതമാനമായി കുറച്ച് പഞ്ചാബ് നാഷണൽ ബാങ്ക്

റിപ്പോ-ലിങ്ക്ഡ് വായ്പാ നിരക്ക് 25 ബേസിസ് പോയിന്റുകൾ കുറച്ച് 6.55 ശതമാനമാക്കി പഞ്ചാബ് നാഷണൽ ബാങ്ക്. നേരത്തെ ഇത് 6.80 ശതമാനമായിരുന്നു.  റിസർവ് ബാങ്ക് ഓഫ് ഇന്ത്യയുടെ റിപ്പോ നിരക്ക് പോലുള്ള മാനദണ്ഡങ്ങളെ അടിസ്ഥാനമാക്കിയുള്ള വ്യക്തിഗതമോ ‌റീട്ടെയിലോ ആയിട്ടുള്ള വായ്പയാണ് ആർഎൽഎൽആർ. അതേസമയം വാണിജ്യ ബാങ്കുകൾക്ക് അവരുടെ ഹ്രസ്വകാല ആവശ്യങ്ങൾക്കായി ആർബിഐ പണം നൽകുന്ന നിരക്കാണ് റിപ്പോ നിരക്ക്.

ജർമ്മനിയിൽ നിന്നും 691 കോടി രൂപയുടെ ഓർഡർ സ്വന്തമാക്കി രാജേഷ് എക്സ്പോർട്ട്സ്

രാജേഷ് എക്സ്പോർട്ട്സ് ലിമിറ്റഡിന് ജർമ്മനിയിൽ നിന്നും 691 കോടി രൂപയുടെ ഓർഡർ ലഭിച്ചു. രാജേഷ് എക്സ്പോർട്ട്സിന്റെ ഡിസൈനർ ആഭരണങ്ങൾക്കാണ് ഓർഡർ ലഭിച്ചിരിക്കുന്നത്. പ്രതിവർഷം 250 ടൺ സ്വർണ്ണാഭരണങ്ങൾ ഉത്പാദിക്കാൻ ശേഷിയുള്ളതാണ് രാജേഷ് എക്സ്പോർട്ട്സിന്റെ നിർമാണ കേന്ദ്രം. കമ്പനി അന്താരാഷ്ട്ര വിപണിയിൽ നിന്നും ഓർഡറുകൾ പ്രതീക്ഷിക്കുന്നുണ്ട്. ഇന്ത്യയിലെ സ്വർണ്ണാഭരണ നിർമാണത്തിലെ പ്രമുഖ റീട്ടെയിലറാണ് രാജേഷ് എക്സ്പോർട്ട്സ്.

ബോയിങ്ങിന്റെ യുദ്ധവിമാനങ്ങൾക്കായുള്ള എയറോസ്ട്രക്ചർ അസംബ്ലികൾ നിർമിക്കാൻ ഡൈനാമാറ്റിക് ടെക്

ബോയിംഗിന്റെ ഏറ്റവും പുതിയ എഫ് -15 ഇ എക്സ് ഈഗിൾ II യുദ്ധവിമാനങ്ങൾക്കായി എയ്റോസ്ട്രക്ചർ അസംബ്ലികൾ നിർമിക്കുന്നതിനുള്ള കരാർ ഡൈനാമാറ്റിക് ടെക്നോളജീസ് ലിമിറ്റഡിന്. 2021-22 സാമ്പത്തിക വർഷം മുതൽ കമ്പനി  എയ്റോസ്ട്രക്ചർ അസംബ്ലികൾ നൽകി തുടങ്ങും. ഡൈനാമാറ്റിക് ടെക്കിന്റെ ബെംഗളൂരുവിലെ കേന്ദ്രത്തിലാണ് എയ്റോസ്ട്രക്ചറുകൾ നിർമിക്കുക.

അദാനി ഡാറ്റാ സെന്ററിന്റെ ചെന്നൈ പ്രോജക്റ്റ് ഓർഡർ മറൈൻ ഇലക്ട്രിക്കൽസിന്

അദാനി ഡാറ്റാ സെന്ററിന്റെ ചെന്നൈ പ്രോജക്ടിനായുള്ള എച്ച്ടി പാനലുകളും ആർഎംയു പാനലുകളും വിതരണം ചെയ്യുന്നതിനായുള്ള ഓർഡർ മറൈൻ ഇലക്ട്രിക്കൽസ് ഇന്ത്യ ലിമിറ്റഡിന് ലഭിച്ചു. 6.25 കോടി രൂപയുടേതാണ് ഓർഡർ. വിവിധ വൈദ്യുത ഉപകരണങ്ങളിലേക്കും ഡിസ്ട്രിബ്യൂഷൻ ബോർഡുകളിലും വൈദ്യുതി വിതരണം ചെയ്യാനാണ് എച്ച്ടി പാനലുകൾ ഉപയോ​ഗിക്കുന്നത്. ഇലക്ട്രിക്കൽ ഓട്ടോമേഷൻ, ഇൻഫർമേഷൻ, കമ്മ്യൂണിക്കേഷൻ ടെക്നോളജി സൊല്യൂഷൻസ് മേഖലയിലെ സംയോജിത സാങ്കേതിക സേവന ദാതാവാണ് മറൈൻ ഇലക്ട്രിക്കൽസ്.

ബോട്ട്മാൻ ടെക്കിലെ 100% ഓഹരികളും ഏറ്റെടുക്കാൻ മാട്രിമോണി ഡോട്ട് കോം 

ബോട്ട്മാൻ ടെക് പ്രൈവറ്റ് ലിമിറ്റഡിന്റെ മുഴുവൻ ഓഹരികളും ഏറ്റെടുക്കുന്നതുമായി ബന്ധപ്പെട്ട ക്ലോസിംഗ് വ്യവസ്ഥകൾ പൂർത്തിയാക്കി മാട്രിമോണി ഡോട്ട് കോം. ഡൽഹി ആസ്ഥാനമാക്കിയുള്ള ഓൺലൈൻ വെഡ്ഡിങ്ങ് സർവ്വീസ് ഷാദിസാഗ ഡോട്ട് കോമിന്റെ പ്രമോട്ടറാണ് ബോട്ട്മാൻ ടെക്. 15 പ്രധാന നഗരങ്ങളിലായി നാൽപ്പതിനായിരത്തിൽ അധികം വിൽപ്പനക്കാരുണ്ട് ബോട്ട്മാൻ ടെക്കിന്. ബോട്ട്മാൻ ടെക്കിലെ ഓഹരി ഏറ്റെടുക്കൽ മാട്രിമോണി ഡോട്ട് കോമിന് അതിന്റെ വടക്ക്, പടിഞ്ഞാറൻ മേഖലകളിലെ സാന്നിധ്യം ശക്തിപ്പെടുത്താൻ സഹായിക്കും.

ഓഹരിക്ക് 90 രൂപ ഇടക്കാല ലാഭവിഹിതം പ്രഖ്യാപിച്ച് ബജാജ് ഹോൾഡിംഗ്സ് ബോർഡ്

ബജാജ് ഹോൾഡിംഗ്സ് & ഇൻവെസ്റ്റ്മെന്റ് ലിമിറ്റഡിന്റെ (ബിഎച്ച്ഐഎൽ) ഡയറക്ടർ ബോർഡ് ഓഹരിക്ക് 90 രൂപ ഇടക്കാല ലാഭവിഹിതം പ്രഖ്യാപിച്ചു. ലാഭവിഹിതത്തിന് അർഹരായ അംഗങ്ങളെ കണ്ടെത്തുവാനുള്ള അവസാന തീയ്യതി  2021 സെപ്റ്റംബർ 29നാണ്. ഇന്ത്യയിലെ നോൺ ബാങ്കിംഗ് ഫിനാൻഷ്യൽ കമ്പനിയാണ് ബജാജ് ഹോൾഡിംഗ്സ് & ഇൻവെസ്റ്റ്മെന്റ് ലിമിറ്റഡ്.

വാക്സിൻ ലഭിക്കുന്നതിനായി സെറം ഇൻസ്റ്റിറ്റ്യൂട്ടിന് 15 ശതമാനം ഓഹരി വിൽക്കാൻ ഒരുങ്ങി ബയോകോൺ യൂണിറ്റ്

വാക്സിൻ ലഭിക്കുന്നതിനായി സെറം ഇൻസ്റ്റിറ്റ്യൂട്ടിന്റെ അനുബന്ധ സ്ഥാപനത്തിന് 15 ശതമാനം ഓഹരി വിൽക്കാൻ ബയോകോൺ യൂണിറ്റ് ലിമിറ്റഡിന്റെ ബയോളജിക്‌സ് യൂണിറ്റ്. ഇതിലൂടെ 15 വർഷത്തേക്ക് 100 മില്ല്യൺ ഡോസ് വാക്സിൻ ബയോകോണിന് ലഭിക്കും. ഏകദേശം 4.9 ബില്യൺ ഡോളറിന്റേതാണ് (36,050 കോടി രൂപ) കരാർ. 730 മില്ല്യൺ ഡോളറാണ് ബയോകോൺ യൂണിറ്റിന്റെ 15 ശതമാനം ഓഹരിയുടെ മൂല്യം. ഇതോടെ ഇരുസ്ഥാപനങ്ങളും ചേർന്ന് വാക്സിനുകൾ നിർമിക്കുകയും വിതരണം ചെയ്യുകയും ചെയ്യും.  

ഐഇഎക്സ് ക്യു 2 ഫലം, അറ്റാദായം 75 ശതമാനം വർദ്ധിച്ച് 77 കോടി രൂപയായി സെപ്റ്റംബറിലെ രണ്ടാം പാദത്തിൽ ഇന്ത്യൻ എനർജി എക്സ്ചേഞ്ചിന്റെ (ഐഇഎക്സ്) ഏകീകൃത അറ്റാദായം 75 ശതമാനം വർദ്ധിച്ച് 77 കോടി രൂപയായി. മുൻ പാദത്തെ അപേക്ഷിച്ച് അറ്റാദായം 25 ശതമാനം വർദ്ധിച്ചു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 33 ശതമാനം വർദ്ധിച്ച് 7096 കോടി രൂപയായി. അസംസ്കൃതവസ്തുക്കളുടെ വില 56% വർദ്ധിച്ച് 109 കോടി രൂപയായി. അതേസമയം കമ്പനി 2: […]
ഇന്നത്തെ വിപണി വിശകലനം നിഫ്റ്റി ലാഭമെടുപ്പിന് വിധേയമായപ്പോൾ എക്കാലത്തെയും പുതിയ ഉയർന്ന നില സ്വന്തമാക്കി ബാങ്ക് നിഫ്റ്റി. 120 പോയിന്റുകളുടെ ഗ്യാപ്പ് അപ്പിൽ 18384 എന്ന നിലയിൽ വ്യാപാരം ആരംഭിച്ച നിഫ്റ്റി ഇന്ന്  വലിയ തോതിൽ ലാഭമെടുപ്പിന് വിധേയമായി. ഐടി, റിലയൻസ് ഓഹരികൾ ചേർന്ന് കൊണ്ട് സൂചികയെ താഴേക്ക് വലിച്ച് 18200ന് കീഴെ എത്തിച്ചു. ഇവിടെ നിന്നും തിരികെ കയറാൻ ശ്രമം നടത്തിയെങ്കിലും സാധിച്ചില്ല. പിന്നാലെ 18050 എന്ന സപ്പോർട്ടിലേക്ക് സൂചിക വീണു. നിക്ഷേപ സ്ഥാപനങ്ങൾ ഓഹരികൾ […]
ഒരു കമ്പനിയിൽ നിക്ഷേപിക്കുന്നതിന്  മുമ്പായി തന്നെ അടിസ്ഥാന പരമായി പലപഠനങ്ങളും നമ്മൾ നടത്താറുണ്ട്. മിക്കപ്പോഴും പല സാമ്പത്തിക അനുപാതങ്ങളും പുതുതായി വരുന്നവരെ ആശയകുഴപ്പത്തിലാക്കാറുണ്ട്. ഇന്നത്തെ ഈ ലേഖനത്തിലൂടെ ലിവറേജ് റേഷ്യോ, വാല്യുവേഷൻ റേഷ്യോ എന്നിങ്ങനെ രണ്ട് തരം സാമ്പത്തിക അനുപാതങ്ങളെ പറ്റിയാണ് മാർക്കറ്റ്ഫീഡ് ചർച്ചചെയ്യുന്നത്. ഇതിനായി ടാറ്റാ സ്റ്റീൽ എന്ന കമ്പനിയെയും അതിന്റെ എതിരാളിയായ ജെഎസ്ഡബ്ല്യു സ്റ്റീൽ, ജിൻഡാൽ സ്റ്റീൽ എന്ന കമ്പനിയെയും നമുക്ക് ഉദാഹരണമായി എടുത്തു കൊണ്ട് വിശകലനം ചെയ്യാം. ഒരു അനുപാതം വച്ചുകൊണ്ട് മാത്രം […]

Advertisement