സൊമാറ്റോ ഐപിഒ അവസാന ദിനം 38.25 തവണ സബ്സ്ക്രെെബ് ചെയ്യപ്പെട്ടു

9375 കോടി രൂപ സമാഹരിക്കാനായി സൊമാറ്റോ നടത്തിയ ഐപിഒ അവസാന ദിനം 38.25 തവണ സബ്സ്ക്രെെബ് ചെയ്യപ്പെട്ടു. വിതരണത്തിന് അനുവദിച്ച 71.92 കോടി ഓഹരികൾക്കായി 2,751.25 കോടി ഓഹരികൾക്ക് ഉള്ള അപേക്ഷ ലഭിച്ചു. റീട്ടെയിൽ നിക്ഷേപകർക്കായി കരുതിവച്ചിരിക്കുന്ന  ഭാഗം 7.45 തവണ സബ്‌സ്‌ക്രൈബു ചെയ്യപ്പെട്ടു.

എച്ച്ഡിഎഫ്സി എഎംസി ക്യു 1 ഫലം, അറ്റാദായം 14 ശതമാനം വർദ്ധിച്ച് 345.45 കോടി രൂപയായി

ജൂണിലെ ഒന്നാം പാദത്തിൽ എച്ച്ഡിഎഫ്സി എഎംസിയുടെ പ്രതിവർഷ അറ്റാദായം  14 ശതമാനം വർദ്ധിച്ച് 345.45 കോടി രൂപയായി. അറ്റാദായം മുൻ പാദത്തെ അപേക്ഷിച്ച് 9.3 ശതമാനമായി വർദ്ധിച്ചു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 23 ശതമാനം വർദ്ധിച്ച് 507.1 കോടി രൂപയായി.

16600 കോടി രൂപയുടെ ഐപിഒയ്ക്ക് അപേക്ഷ നൽകി വണ്‍ 97 കമ്മ്യൂണിക്കേഷന്‍

പേടിഎമ്മിന്റെ മാതൃ സ്ഥാപനമായ വണ്‍ 97 കമ്മ്യൂണിക്കേഷന്‍ 16600 കോടി രൂപയുടെ ഐപിഒയ്ക്കായി സെബിക്ക് അപേക്ഷ  നൽകി. 1 രൂപ മുഖ വിലയ്ക്ക് 8,300 കോടി രൂപയുടെ ഫ്രഷ് ഇഷ്യുവും ഓഫർ ഫോർ സെയിലിലൂടെ 8300 കോടി രൂപയുടെ ഓഹരികളും ഐപിഒയുടെ ഭാഗമാകും. 

1,624 കോടി രൂപയുടെ  ഓർഡറുകൾ സ്വന്തമാക്കി ജെഎംസി പ്രോജക്ട്‌സ്

1,624 കോടി രൂപയുടെ പുതിയ ഓർഡറുകൾ സ്വന്തമാക്കി ജെഎംസി പ്രോജക്ട്‌സ് ഇന്ത്യ ലിമിറ്റഡ്. ഘാന, ദക്ഷിണാഫ്രിക്ക എന്നിവിടങ്ങളിലെ റോഡ് പദ്ധതിക്കായും ഇന്ത്യയിലെ ചില കെട്ടിട നിർമാണ പദ്ധതികൾക്കായുമാണ് ഓർഡർ ലഭിച്ചത്. കമ്പനിയുടെ ഓർഡർ വരവ് നടപ്പ് സാമ്പത്തിക വർഷത്തിൽ  4,659 കോടി രൂപയായി.

പെട്രോൾ പമ്പുകളിൽ ഇവി ചാർജിംഗ് സ്റ്റേഷനുകൾ സ്ഥാപിക്കുന്നതിനായി ടാറ്റാ പവറുമായി കരാറിൽ ഏർപ്പെട്ട് എച്ച്.പി.സി.എൽ

രാജ്യത്തെ പെട്രോൾ പമ്പുകളിൽ ഇലക്ട്രിക് വെഹിക്കിൾ ചാർജിംഗ് സ്റ്റേഷനുകൾ സ്ഥാപിക്കുന്നതിനായി ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡുമായി കെെകോർത്ത് ടാറ്റാ പവർ. കരാർ പ്രകാരം, ടാറ്റാ പവർ ഇവി ഉപയോക്താക്കൾക്കായി എച്ച്പിസിഎല്ലിന്റെ റീട്ടെയിൽ ഔട്ട്‌ലെറ്റുകളിൽ ഇവി ചാർജിംഗ് ഇൻഫ്രാസ്ട്രക്ചർ സ്ഥാപിക്കും. 

എൽ ആൻഡ് ടി ഫിനാൻസ് ക്യു 1 ഫലം, അറ്റാദായം 20 ശതമാനം വർദ്ധിച്ച് 178 കോടി രൂപയായി

ജൂണിലെ ഒന്നാം പാദത്തിൽ എൽ ആൻഡ് ടി ഫിനാൻസിന്റെ പ്രതിവർഷ അറ്റാദായം 20 ശതമാനം വർദ്ധിച്ച് 178 കോടി രൂപയായി. അറ്റാദായം മുൻ പാദത്തെ അപേക്ഷിച്ച് 33 ശതമാനമായി കുറഞ്ഞു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 7 ശതമാനം കുറഞ്ഞ്  3140 കോടി രൂപയായി.

ഡെൻ നെറ്റ്‌വർക്ക്സ് ക്യു 1 ഫലം, അറ്റാദായം 29 ശതമാനം ഇടിഞ്ഞ് 41 കോടി രൂപയായി

ജൂണിലെ ഒന്നാം പാദത്തിൽ ഡെൻ നെറ്റ്‌വർക്ക്സിന്റെ പ്രതിവർഷ അറ്റാദായം 29 ശതമാനം ഇടിഞ്ഞ് 41 കോടി രൂപയായി. അറ്റാദായം മുൻ പാദത്തെ അപേക്ഷിച്ച്  ശതമാനമായി ഉയർന്നു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള  പ്രതിവർഷ വരുമാനം 0.6 ശതമാനം വർദ്ധിച്ച് 302 കോടി രൂപയായി.

തത്വ ചിന്തൻ ഫാർമ കെം ഐപിഒ, ആദ്യ ദിനം 4.5 തവണ സബ്സ്ക്രെെബ് ചെയ്യപ്പെട്ടു

500 കോടി രൂപ സമാഹരിക്കാനായി തത്വ ചിന്തൻ ഫാർമ കെം നടത്തിയ ഐപിഒ ആദ്യ ദിനം 4.51  തവണ സബ്സ്ക്രെെബ് ചെയ്യപ്പെട്ടു. വിതരണത്തിന് അനുവദിച്ച 32.61 ലക്ഷം ഓഹരികൾക്കായി 1.46 കോടി ഓഹരികൾക്ക് ഉള്ള അപേക്ഷ ലഭിച്ചു. റീട്ടെയിൽ നിക്ഷേപകർക്കായി കരുതിവച്ചിരിക്കുന്ന  ഭാഗം 8.24 തവണ സബ്‌സ്‌ക്രൈബു ചെയ്യപ്പെട്ടു.

പുനരുൽപ്പാദിപ്പിക്കാവുന്ന, താപ ബിസിനസ്സുകളുടെ പുനഃസംഘടനയ്ക്ക് അംഗീകാരം നൽകി ജെഎസ്ഡബ്ല്യു എനർജി ബോർഡ് ഗ്രീൻ (പുനരുപയോഗിക്കാവുന്ന), ഗ്രേ (താപ) ബിസിനസുകളുടെ പുനഃസംഘടനയ്ക്ക് ജെഎസ്ഡബ്ല്യു എനർജി ലിമിറ്റഡിന്റെ ബോർഡ് ഓഫ് ഡയറക്‌ടേഴ്‌സിന്റെ അംഗീകാരം. നിലവിലുള്ളതും വരാനിരിക്കുന്നതുമായ എല്ലാ പുനരുപയോഗ ഊർജ ബിസിനസുകളും കമ്പനിയുടെ പൂർണ ഉടമസ്ഥതയിലുള്ള ഉപസ്ഥാപനമായ ജെഎസ്ഡബ്ല്യു എനർജി നിയോ ലിമിറ്റഡിന് കീഴിലായിരിക്കും. ഫണ്ട് ശേഖരണത്തിനും ഓഹരി ഉടമകൾക്ക് മൂല്യം അൺലോക്ക് ചെയ്യുന്നതിനും കാര്യക്ഷമമായ ഒരു ഹോൾഡിംഗ് ഘടന സജ്ജീകരിക്കുന്നതിനും ഇത് സഹായിക്കും. കോവിഡ്-19 പ്രതിരോധത്തിനായി ഐടിസി നാസൽ […]
ഇന്നത്തെ വിപണി വിശകലനം റിലയൻസ്, ഇൻഫോസിസ് ഓഹരികളുടെ പിന്തുണയോടെ മാസത്തെ എക്സ്പെയറിയിൽ ലാഭത്തിൽ അടച്ച് നിഫ്റ്റി. 17421 എന്ന നിലയിൽ വലിയ വ്യാപാരം ആരംഭിച്ച നിഫ്റ്റി താഴേക്ക് വീഴാൻ ശ്രമം നടത്തി. എന്നാൽ കഴിഞ്ഞ ദിവസത്തെ താഴ്ന്ന നില പരീക്ഷിച്ച സൂചിക ഇവിടെ നിന്നും തിരികെകയറി. 17550 ശക്തമായി മറികടക്കാൻ സാധിക്കാതിരുന്നതിനെ തുടർന്ന് സൂചിക അസ്ഥിരമായി നിന്നു.തുടർന്ന് കഴിഞ്ഞ ദിവസത്തേക്കാൾ 121 പോയിന്റുകൾ/ 0.70 ശതമാനം മുകളിലായി 17536 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. ബാങ്ക് […]
2021-ന്റെ ആരംഭത്തിൽ പഞ്ചാബ് നാഷണൽ ബാങ്ക് ഹൗസിംഗ് ഫിനാൻസ് മുൻഗണനാ ഓഹരികളും കൺവെർട്ടിബിൾ ബോണ്ടുകളും വിതരണം ചെയ്തു കൊണ്ട്  4,000 കോടി രൂപ സമാഹരിക്കാൻ പദ്ധതിയിട്ടു. പിഎൻബി ഹൗസിംഗ് ഫിനാൻസ് ഈ ഓഹരികൾ സ്വകാര്യ ഇക്വിറ്റി സ്ഥാപനമായ കാർലൈൽ ഗ്രൂപ്പിന്റെ നേതൃത്വത്തിലുള്ള നിക്ഷേപ സ്ഥാപനങ്ങൾക്കും ആദിത്യ പുരിയുടെ കുടുംബ നിക്ഷേപ സ്ഥാപനങ്ങൾക്കും മറ്റ് ഒരു കൂട്ടം ഓഹരി ഉടമകൾക്കും അനുവദിക്കാൻ തീരുമാനിച്ചു. എന്നാൽ പ്രോക്സി ഉപദേശക സ്ഥാപനമായ എസ്ഇഎസ്, സെബിക്ക് മുമ്പാകെ ഒരു പ്രശ്നം ഉന്നയിക്കുകയും അത് […]

Advertisement