287 കോടിക്ക് ടൈമിനെ ഏറ്റെടുത്ത് വരാന്ത ലേണിംഗ്

287 കോടി രൂപയ്ക്ക് ടൈെം അഡ്വാൻസ്ഡ് എജ്യുക്കേഷൻ ആക്ടിവിറ്റീസ് പ്രൈവറ്റ് ലിമിറ്റഡിനെ ഏറ്റെടുക്കാൻ കരാറിൽ ഒപ്പുവച്ച് വരാന്ത ലേണിംഗ് സൊല്യൂഷൻസ് ലിമിറ്റഡ്. ഏറ്റെടുക്കലിൽ വിഇടിഎ ബ്രാൻഡിന് കീഴിലുള്ള സ്‌പോക്കൺ ഇംഗ്ലീഷ് ട്രെയിനിംഗിന്റെ ബിസിനസ്സും ടൈം കിഡ്സിന് കീഴിലുള്ള പ്രീ-സ്‌കൂൾ പ്രവർത്തനങ്ങളും ഉൾപ്പെടുന്നു. എംബിഎ, നീറ്റ്, ജെഇഇ കോച്ചിം​ഗ് പ്രീ-സ്കൂൾ വിഭാ​ഗങ്ങളിലേക്കുള്ള ചുവടുവയ്പ്പിന് വരാന്തയെ സഹായിക്കും.

5,000 എക്സ്പ്രസ് ടി ഇലക്ട്രിക് സെഡാനുകൾ വിന്യസിക്കാൻ ലിഥിയം അർബൻ ടെക്കിനോട് സഹകരിച്ച് ടാറ്റ മോട്ടോഴ്‌സ്

കമ്പനിയിലെ ജീവനക്കാരുടെ ഗതാഗതത്തിനായി ഇന്ത്യയിലുടനീളം 5,000 എക്സ്പ്രസ് ടി ഇലക്ട്രിക് സെഡാനുകൾ വിന്യസിക്കാൻ ലിഥിയം അർബൻ ടെക്‌നോളജീസുമായി സഹകരിച്ച് ടാറ്റ മോട്ടോഴ്‌സ്. ഘട്ടം ഘട്ടമായി കമ്പനി ഡെലിവറി ആരംഭിക്കുകയും അടുത്ത വർഷത്തോടെ ഡെലിവറി പൂർത്തിയാക്കുകയും ചെയ്യും. 2021 ജൂലൈയിൽ ടാറ്റ മോട്ടോഴ്‌സ് ഫ്ലീറ്റ് ഉപഭോക്താക്കൾക്ക് മാത്രമായാണ് എക്സ്പ്രസ് ബ്രാൻഡ് അവതരിപ്പിച്ചത്. ഈ ബ്രാൻഡിന് കീഴിലുള്ള ആദ്യത്തെ വാഹനമായിരിക്കും എക്സ്പ്രസ് ടി ഇവി.

എംജെ ഫീൽഡിൽ നിന്ന് 12 എംഎംഎസ്‌സിഎംഡി ഗ്യാസ് ലേലം വിളിക്കാൻ ആർ‌ഐ‌എൽ

കിഴക്കൻ തീരപ്രദേശങ്ങളിലെ കൃഷ്ണ ഗോദാവരി ഡി 6 ബ്ലോക്കിലെ എം‌ജെ ഫീൽഡിൽ നിന്ന് പ്രതിദിനം 12 ദശലക്ഷം മെട്രിക് സ്റ്റാൻഡേർഡ് ക്യുബിക് മീറ്റർ (എംഎംഎസ്‌സിഎംഡി) ഗ്യാസ് ലേലം വിളിക്കാൻ ഒരുങ്ങി റിലയൻസ് ഇൻഡസ്ട്രീസ് ലിമിറ്റഡ് (ആർഐഎൽ). കെജി ഡി 6 ബ്ലോക്കിൽ ആർ‌ഐ‌എൽ പര്യവേഷണങ്ങൾ വികസിപ്പിച്ചുകൊണ്ടിരിക്കുന്ന മൂന്നാമത്തെയും അവസാനത്തെയും സെറ്റാണ് എംജെ ഫീൽഡ്. ബ്ലോക്കിൽ ആർ‌ഐ‌എല്ലിന് 66.67% ഓഹരിയുമുണ്ട്. അതേസമയം അതിന്റെ പങ്കാളി ഭാരത് പെട്രോളിയത്തിന്റെ ഓഹരി 33.33% ആണ്.

ലൈഫ്‌സ്റ്റൈൽ ഫാഷനുകൾ, സപ്ലൈ ചെയിൻ സൊല്യൂഷൻസ്, കൺസ്യൂമർ, എന്റർപ്രൈസസ് എന്നിവയിൽ ശ്രദ്ധ കേന്ദ്രീകരിക്കാൻ ഫ്യൂച്ചർ ഗ്രൂപ്പ്

ഫ്യൂച്ചർ ലൈഫ്‌സ്റ്റൈൽ ഫാഷനുകൾ, ഫ്യൂച്ചർ സപ്ലൈ ചെയിൻ സൊല്യൂഷൻസ്, ഫ്യൂച്ചർ കൺസ്യൂമർ, ഫ്യൂച്ചർ എന്റർപ്രൈസസ് എന്നിവയുടെ പുനർനിർമാണത്തിലും സംരക്ഷണത്തിലും ശ്രദ്ധ കേന്ദ്രീകരിച്ച് ഫ്യൂച്ചർ ഗ്രൂപ്പ്. റിലയൻസ് റീട്ടെയിലുമായുള്ള 24,713 കോടി രൂപയുടെ കരാർ കടക്കാർ നിരസിച്ചതിനെ തുടർന്നാണ് നടപടി. ഫ്യൂച്ചർ ഗ്രൂപ്പിന്റെ മുൻനിര സ്ഥാപനമായ ഫ്യൂച്ചർ റീട്ടെയിൽ ലിമിറ്റഡ് നാഷണൽ കമ്പനി ലോ ട്രിബ്യൂണലിന് മുമ്പാകെ കോർപ്പറേറ്റ് പാപ്പരത്ത പരിഹാര പ്രക്രിയയെ അഭിമുഖീകരിക്കുകയാണ്. എഫ്ആർഎല്ലിന് ഏകദേശം 18,000 കോടി രൂപയുടെ കടവുമുണ്ട്.

ബയോസിമിലാർ അഫ്ലിബെർസെപ്‌റ്റിന്റെ ക്ലിനിക്കൽ പരീക്ഷണത്തിന് ശിൽപ മെഡികെയറിന് എൻ‌ഒ‌സി

ബയോസിമിലാർ അഫ്ലിബെർസെപ്‌റ്റിനായി ക്ലിനിക്കൽ പഠനങ്ങൾ നടത്താനായി ഡ്രഗ്‌സ് കൺട്രോളർ ജനറൽ ഓഫ് ഇന്ത്യയെ (ഡിസിജിഐ) സമീപിക്കാൻ ശിൽപ ബയോളജിക്കൽസ് പ്രൈവറ്റ് ലിമിറ്റഡിന് (എസ്‌ബി‌പി‌എൽ) ബയോടെക്‌നോളജി വകുപ്പിലെ ആർ‌സി‌ജി‌എമ്മിൽ നിന്ന് നോ-ഒബ്ജക്ഷൻ സർട്ടിഫിക്കറ്റ് (എൻ‌ഒ‌സി) ലഭിച്ചു. വെറ്റ് മാക്യുലർ ഡീജനറേഷൻ, മെറ്റാസ്റ്റാറ്റിക് കൊളോറെക്റ്റൽ ക്യാൻസർ എന്നിവയുടെ ചികിത്സയ്ക്കാണ് ബയോസിമിലാർ ഉപയോഗിക്കുന്നത്.

എവറെഡി ഇൻഡസ്ട്രീസ് ക്യു 4 ഫലങ്ങൾ: അറ്റ ​​നഷ്ടം 38.4 കോടി രൂപയായി

മാർച്ചിൽ അവസാനിച്ച പാദത്തിൽ 38.41 കോടി രൂപയുടെ നഷ്ടം രേഖപ്പെടുത്തി എവറെഡി ഇൻഡസ്ട്രീസ് ഇന്ത്യ ലിമിറ്റഡ് (ഇഐഐഎൽ). 2021 സാമ്പത്തിക വർഷത്തിന്റെ നാലാം പാദത്തിൽ 442.5 കോടി രൂപയും 2022 സാമ്പത്തിക വർഷത്തിന്റെ മൂന്നാം പാദത്തിൽ 23.71 കോടി രൂപയുമാണ് കമ്പനിയുടെ അറ്റ ​​നഷ്ടം രേഖപ്പെടുത്തിയിരിക്കുന്നത്. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള വരുമാനം പ്രതിവർഷം 12% കുറഞ്ഞ് 241 കോടി രൂപയായ. ഇന്ത്യയിലെ മുൻനിര ബാറ്ററി, ലൈറ്റിംഗ്, ഫ്ലാഷ്ലൈറ്റുകൾ, അപ്ലയൻസ് സൊല്യൂഷൻസ് കമ്പനികളിൽ ഒന്നാണ് ഇഐഐഎൽ.

ഓഹരി വിൽപ്പനയിലൂടെ 2500 കോടി രൂപ സമാഹരിക്കാൻ‌ ബാങ്ക് ഓഫ് ഇന്ത്യ

ക്വാളിഫൈഡ് ഇൻസ്റ്റിറ്റ്യൂഷണൽ പ്ലേസ്‌മെന്റ് (ക്യുഐപി) അല്ലെങ്കിൽ പ്രിഫറൻഷ്യൽ ഇഷ്യൂ രൂപത്തിൽ പുതിയ ഓഹരികൾ വിൽക്കുന്നതിലൂടെ 2,500 കോടി രൂപ വരെ സമാഹരിക്കാനുള്ള പദ്ധതികൾ പ്രഖ്യാപിച്ച് ബാങ്ക് ഓഫ് ഇന്ത്യ. മിനിമം ഷെയർഹോൾഡിംഗ് മാനദണ്ഡങ്ങൾ പാലിക്കുന്നതിനായി മൊത്തം പ്രൊമോട്ടർ ഹോൾഡിംഗ് 75% ന് തുല്യമോ അതിൽ താഴെയോ ആയി കുറയ്ക്കാനാണ് ലക്ഷ്യമിടുന്നത്. നിലവിൽ സർക്കാരിന് ബാങ്ക് ഓഫ് ഇന്ത്യയിൽ 81.41% ഓഹരിയുണ്ട്.

ജിഎംഡിസി ക്യു 4 ഫലങ്ങൾ: അറ്റാദായം 177 കോടി രൂപയായി

മാർച്ചിൽ അവസാനിച്ച പാദത്തിൽ 176.99 കോടി രൂപ അറ്റാദായം രേഖപ്പെടുത്തി ഗുജറാത്ത് മിനറൽ ഡെവലപ്‌മെന്റ് കോർപ്പറേഷൻ (ജിഎംഡിസി). 2021 സാമ്പത്തിക വർഷത്തിന്റെ നാലാം പാദത്തിൽ ഇത് 184.63 കോടി രൂപയുടെ അറ്റ ​​നഷ്ടമാണ് കമ്പനി രേഖപ്പെടുത്തിയിരുന്നത്. അതേസമയം കമ്പനിയുടെ ഏകീകൃത വരുമാനം പ്രതിവർഷം 80.3% വർധിച്ച് 1,096.97 കോടി രൂപയായിട്ടുണ്ട്. കൂടാതെ ഓഹരി ഒന്നിന് 4.30 രൂപ വീതം ‌ജിഎംഡിസിയുടെ ബോർഡ് ലാഭവിഹിതം പ്രഖ്യാപിച്ചിട്ടുണ്ട്.

മഹാരാഷ്ട്ര സ്‌കൂട്ടേഴ്‌സ് ക്യു 4 ഫലങ്ങൾ: അറ്റാദായം 44 ശതമാനം ഇടിഞ്ഞ് 1.57 കോടി രൂപയായി

മാർച്ചിൽ അവസാനിച്ച പാദത്തിൽ മഹീന്ദ്ര സ്‌കൂട്ടേഴ്‌സ് ലിമിറ്റഡിന്റെ അറ്റാദായം 44.13 ശതമാനം ഇടിഞ്ഞ് 1.57 കോടി രൂപയായി. മുൻ പാദത്തെ അപേക്ഷിച്ച് അറ്റാദായം 52.4% കുറഞ്ഞു‌. ഇതേ കാലയളവിൽ പ്രവർത്തനങ്ങളിൽ നിന്നുള്ള വരുമാനം 21.85% കുറഞ്ഞ് 5.83 കോടി രൂപയായി. കൂടാതെ ഓഹരി ഒന്നിന് 80 രൂപ ലാഭവിഹിതവും കമ്പനിയുടെ ബോർഡ് പ്രഖ്യാപിച്ചിട്ടുണ്ട്.

സാപിയൻസുമായി പങ്കാളികളായി മൈൻഡ്ട്രീ

ഇൻഷുറൻസ് കമ്പനികളെ ഡിജിറ്റൽ പരിവർത്തനത്തിന് സഹായിക്കുന്നതിനായി സാപിയൻസ് ഇന്റർനാഷണൽ കോർപ്പറേഷനുമായി സഹകരിക്കാൻ മൈൻഡ്‌ട്രീ ലിമിറ്റഡ്. പങ്കാളിത്തം വടക്കേ അമേരിക്കയിൽ ശ്രദ്ധ കേന്ദ്രീകരിക്കുകയും പിന്നീട് യൂറോപ്പിലേക്കും ഏഷ്യയിലേക്കും വ്യാപിപ്പിക്കുകടയും ചെയ്യും. സാപിയൻസിന്റെ ഇൻഡസ്ട്രീ ലീഡിം​ഗ്, ക്ലൗഡ്-നേറ്റീവ് സ്യൂട്ട് ഓഫ് ബാങ്കിംഗ് & ഇൻഷുറൻസ് ആപ്ലിക്കേഷനുകളും മൈൻഡ്‌ട്രീയുടെ ആഴത്തിലുള്ള ഡൊമെയ്‌ൻ പരിജ്ഞാനവും ഡെലിവറി കഴിവുകളും ഇൻഷുറൻസ് കമ്പനികളുടെ സ്കെയിൽ വർദ്ധിപ്പിക്കാനും ഉപഭോക്തൃ സംതൃപ്തി മെച്ചപ്പെടുത്താനും സഹായിക്കും.

തത്വ ചിന്തൻ ക്യു 4 ഫലങ്ങൾ: അറ്റാദായം 17% കുറഞ്ഞ് 17.5 കോടി രൂപയായി

മാർച്ചിൽ അവസാനിച്ച പാദത്തിൽ തത്വ ചിന്തൻ ഫാർമ കെം ലിമിറ്റഡിന്റെ ഏകീകൃത അറ്റാദായം 17% ഇടിഞ്ഞ് 17.5 കോടി രൂപയായി. മുൻ പാദത്തെ അപേക്ഷിച്ച് അറ്റാദായം 23 ശതമാനം കുറഞ്ഞു. ഇതേ കാലയളവിൽ പ്രവർത്തനങ്ങളിൽ നിന്നുള്ള വരുമാനം പ്രതിവർഷം 9.3% കുറഞ്ഞ് 98.5 കോടി രൂപയായി. ഇബിഐടിഡിഎ 17.55% കുറഞ്ഞ് 22.31 കോടി രൂപയാകുകയും ചെയ്തു. കൂടാതെ ഓഹരി ഒന്നിന് കമ്പനിയുടെ ബോർഡ് 2 രൂപ അന്തിമ ലാഭവിഹിതം പ്രഖ്യാപിച്ചിട്ടുണ്ട്.

ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 226 പോയിന്റുകൾക്ക് മുകളിലായി 15926 എന്ന നിലയിൽ വ്യാപാരം ആരംഭിച്ച നിഫ്റ്റിക്ക് ഓപ്പണിംഗ് നിലമറികടന്ന് മുന്നേറാൻ സാധിച്ചില്ല. ദുർബലമായി താഴേക്ക് നീങ്ങിയ സൂചിക രാവിലത്തെ പകുതിയിൽ അധികം നേട്ടവും ഇല്ലാതെയാക്കി. തുടർന്ന് കഴിഞ്ഞ ദിവസത്തേക്കാൾ 132 പോയിന്റുകൾ/0.85 ശതമാനം മുകളിലായി 15832 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. ഇന്ന് ഗ്യാപ്പ് അപ്പിൽ 498 പോയിന്റുകൾക്ക് മുകളിലായി 34126 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി സാവധാനം […]
പ്രധാനതലക്കെട്ടുകൾ Zomato: ക്വിക്ക് കൊമേഴ്‌സ് കമ്പനിയായ ബ്ലിങ്ക് കൊമേഴ്‌സിന്റെ 33,018 ഇക്വിറ്റി ഓഹരികൾ 4,447.48 കോടി രൂപയ്ക്ക് ഓൾ-സ്റ്റോക്ക് ഇടപാടിൽ ഏറ്റെടുക്കാൻ ബോർഡ് അംഗീകാരം നൽകിയതായി കമ്പനി എക്‌സ്‌ചേഞ്ചുകളെ അറിയിച്ചു. Dr Reddy’s Laboratories: യുഎസ് ആസ്ഥാനമായ എറ്റോൺ ഫാർമയുടെ ബ്രാൻഡഡ്, ജനറിക് ഇൻജക്‌ടബിൾ ഉൽപ്പന്ന പോർട്ട്‌ഫോളിയോ ഏറ്റെടുക്കുന്നതായി കമ്പനി പ്രഖ്യാപിച്ചു. CSB Bank: ബാങ്കിന്റെ പാർട്ട് ടൈം ചെയർപേഴ്സണായി ഭാമ കൃഷ്ണമൂർത്തിയെ ബോർഡ് നിയമിച്ചതായി ബിഎസ്ഇ ഫയലിംഗിൽ വ്യക്തമാക്കി. SIS: കമ്പനിയുടെ ഇക്വിറ്റി ഓഹരികൾ തിരികെ […]
ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 100 പോയിന്റുകൾക്ക് മുകളിലായി 15657 എന്ന നിലയിൽ വ്യാപാരം ആരംഭിച്ച നിഫ്റ്റി അധികം ചാഞ്ചാട്ടത്തിന് വിധേയമായി കാണപ്പെട്ടില്ല. 100 പോയിന്റുകൾക്ക് ഉള്ളിൽ തന്നെയാണ് സൂചിക വ്യാപാരം നടത്തിയത്. ഇന്നലത്തെ പ്രതിബന്ധമായിരുന്ന 15630 ഇന്ന് സപ്പോർട്ടായി പ്രവർത്തിച്ചു. തുടർന്ന് കഴിഞ്ഞ ദിവസത്തേക്കാൾ 142 പോയിന്റുകൾ/0.92 ശതമാനം മുകളിലായി 15699 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 33434 എന്ന താഴ്ന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി വശങ്ങളിലേക്കാണ് ഇന്ന് […]

Advertisement