ടെക് മഹീന്ദ്ര ക്യു 4 ഫലം; അറ്റാദായം 17.4 ശതമാനം ഇടിഞ്ഞ് 1081 കോടി രൂപയായി

മാർച്ചിലെ നാലാം പാദത്തിൽ ടെക് മഹീന്ദ്രയുടെ അറ്റാദായം മുൻ പാദത്തെ അപേക്ഷിച്ച് 17.4 ശതമാനം ഇടിഞ്ഞ് 1081 കോടി രൂപയായി. പ്രതിവർഷ അറ്റാദായം 34.6 ശതമാനം വർദ്ധനവ് രേഖപ്പെടുത്തി. ഇതേകാലയളവിൽ കമ്പനിയുടെ വരുമാനം മുൻ പാദത്തെ അപേക്ഷിച്ച് 0.9 ശതമാനം വർദ്ധിച്ച് 9730 കോടി രൂപയായി. ഓഹരി ഒന്നിന് 30 രൂപ വീതം കമ്പനി ഇടക്കാല ലാഭവിഹിതം പ്രഖ്യാപിച്ചു.

റിലയൻസ്,  ബിപി എന്നിവർ സംയുക്തമായി ചേർന്ന് കൊണ്ട് രണ്ടാമത്തെ  ഡീപ് വാട്ടർ ഗ്യാസ് ഫീൽഡിൽ നിന്ന് ഉത്പാദനം ആരംഭിച്ചു

റിലയൻസ് ഇൻഡസ്ട്രീസ് ലിമിറ്റഡും യുകെ ആസ്ഥാനമായുള്ള ബിപി പി‌എൽ‌സിയും തങ്ങളുടെ രണ്ടാമത്തെ  ഡീപ് വാട്ടർ ഗ്യാസ് ഫീൽഡിൽ നിന്ന് ഉത്പാദനം ആരംഭിച്ചു. മൊത്തം അഞ്ച് കിണറുകൾ ഉപയോഗിച്ച് നാല് ജലസംഭരണികളിൽ നിന്ന് സാറ്റലൈറ്റ് ക്ലസ്റ്റർ ഫീൽഡ് വാതകം ഉത്പാദിപ്പിക്കും.

എച്ച്.ഡി.എഫ്.സി ലെെഫ് ക്യു 4 ഫലം;  അറ്റാദായം 2 ശതമാനം വർദ്ധിച്ച് 317 കോടി രൂപയായി

മാർച്ചിലെ നാലാം പാദത്തിൽ എച്ച്.ഡി.എഫ്.സി ലെെഫിന്റെ പ്രതിവർഷ അറ്റാദായം 2 ശതമാനം വർദ്ധിച്ച് 317.94 കോടി രൂപയായി. ഇതേകാലയളവിൽ കമ്പനിയുടെ പ്രതിവർഷ പ്രീമിയം വരുമാനം 23 ശതമാനം വർദ്ധിച്ച് 12868 കോടി രൂപയായി. ഓഹരി ഒന്നിന് 2 രൂപ വീതം കമ്പനി ഇടക്കാല ലാഭവിഹിതം പ്രഖ്യാപിച്ചു.

യുഎസ് ആസ്ഥാനമായുള്ള ഡക്ക് ക്രീക്ക് ടെക്നോളജീസുമായി മൈൻഡ് ട്രീ കെെകോർത്തു

യുഎസ് ആസ്ഥാനമായുള്ള ഡക്ക് ക്രീക്ക് ടെക്നോളജീസുമായി  കെെകോർത്ത് മൈൻഡ് ട്രീ. ഇതിലൂടെ പോളിസി, ബില്ലിംഗ്, ക്ലെയിമുകൾ, ഡാറ്റ സ്ഥിതിവിവരക്കണക്കുകൾ, ഇൻഷുറൻസ് സാങ്കേതിക പരിഹാരങ്ങൾ എന്നിവ കമ്പനി തീർപ്പാക്കും.

എസ്.ബി.ഐ കാർഡ്സ് ക്യു 4 ഫലം;  അറ്റാദായം 110 ശതമാനം വർദ്ധിച്ച് 175 കോടി രൂപയായി

മാർച്ചിലെ നാലാം പാദത്തിൽ എസ്.ബി.ഐ കാർഡ്സിന്റെ പ്രതിവർഷ അറ്റാദായം 110 ശതമാനം വർദ്ധിച്ച് 175 കോടി രൂപയായി. ഇതാകാലയളവിൽ കമ്പനിയുടെ മൊത്തം വരുമാനം ഇടിഞ്ഞ് 2468 കോടി രൂപയായി. പലിശയിനത്തിലുള്ള വരുമാനം 1072 കോടിയായി.

മൊൽനുപിരാവിർ കാപ്സ്യൂളുകളുടെ മൂന്നാം ഘട്ട ക്ലിനിക്കൽ പരീക്ഷണത്തിനായി അംഗീകാരം നേടി നാക്റ്റോ

കൊവിഡ്  ചികിത്സയ്ക്കായി ഉപയോഗിക്കുന്ന മൊൽനുപിരാവിർ കാപ്സ്യൂളുകളുടെ മൂന്നാം ഘട്ട ക്ലിനിക്കൽ പരീക്ഷണത്തിന്റെ അംഗീകാരത്തിനായി നാക്റ്റോ ഫാർമ ലിമിറ്റഡ് സെൻട്രൽ ഡ്രഗ്സ് കൺട്രോൾ ഓർഗനൈസേഷന് അപേക്ഷ നൽകി. റിഡ്ജ്ബാക്ക് ബയോതെറാപ്പിറ്റിക്സിനൊപ്പം അമേരിക്കൻ ഫാർമ കമ്പനി മെർക്കാണ് ക്യാപ്സ്യൂൾ വികസിപ്പിച്ചെടുത്തത്.

കാസ്ട്രോൾ ഇന്ത്യ ക്യു 4 ഫലം;  അറ്റാദായം 95 ശതമാനം വർദ്ധിച്ച് 243 കോടി രൂപയായി

മാർച്ചിലെ നാലാം പാദത്തിൽ കാസ്ട്രോൾ ഇന്ത്യയുടെ പ്രതിവർഷ അറ്റാദായം 95 ശതമാനം വർദ്ധിച്ച് 243  കോടി രൂപയായി. ഇതാകാലയളവിൽ കമ്പനിയുടെ മൊത്തം വിൽപ്പന 65.5 ശതമാനം വർദ്ധിച്ച് 1138  കോടി രൂപയായി. 

പവർ മെക്ക് പ്രോജക്ട് ലിമിറ്റഡിന് 343.44 കോടി രൂപയുടെ പദ്ധതിക്കായി കത്ത് ലഭിച്ചു

പവർ മെക്ക് പ്രോജക്ട് ലിമിറ്റഡിന് 343.44 കോടി രൂപയുടെ കരാറിനായി സിംഗാരെനി കൊളിയറീസ് കമ്പനിയിൽ നിന്ന് കത്ത് ലഭിച്ചു. തെലങ്കാനയിലെ പെഗഡപ്പള്ളിയിലെ 2×660 മെഗാവാട്ട് സിംഗാരെനി താപവൈദ്യുത നിലയത്തിന്റെ പ്രവർത്തനവും പരിപാലനവും ഉൾക്കൊള്ളുന്നതാണ് പദ്ധതി.

ബയോകോൺ ബയോളജിക്‌സിന് യൂറോപ്യൻ കമ്മീഷനിൽ നിന്നും കാൻസറിനെതിരെയുള്ള മരുന്നിന് അംഗീകാരം ലഭിച്ചു

ബയോകോൺ ബയോളജിക്‌സിന് യൂറോപ്യൻ കമ്മീഷനിൽ നിന്നും അബെവ്മി 100 & 400 മില്ലിഗ്രാം എന്നിവയുടെ  മാർക്കറ്റിംഗ് അംഗീകാരം ലഭിച്ചു. വിയാട്രിസ് ഇങ്കുമായി ചേർന്ന് വികസിപ്പിച്ചെടുത്ത മരുന്ന് കാൻസർ രോഗത്തിനെതിരായി ഉപയോഗിക്കുന്നതാണ്. ബയോകൺ ലിമിറ്റഡിന്റെ അനുബന്ധ സ്ഥാപനമാണ് ബയോകോൺ ബയോളജിസ്.

സ്വതന്ത്ര വ്യാപാര കരാറിൽ പങ്കാളികളാകാൻ ബ്രിട്ടനും ന്യൂസിലന്റും 16 മാസത്തെ ചർച്ചകൾക്ക് ശേഷം താരിഫ് കുറയ്ക്കാനും സേവന വ്യാപാരം മെച്ചപ്പെടുത്താനുമായി സ്വതന്ത്ര വ്യാപാര കരാറിൽ ഒപ്പിടാൻ തീരുമാനിച്ച് ബ്രിട്ടനും ന്യൂസിലൻഡും. കരാർ പ്രാബല്യത്തിൽ വരുന്ന ദിവസം മുതൽ ഇരു രാജ്യങ്ങൾക്കുമായി ഉൽപന്നങ്ങളുടെ തീരുവ 97% ഒഴിവാക്കുമെന്നും കരാർ 1 ബില്യൺ ഡോളറിന്റെ ജിഡിപി വർധനവ് ഉണ്ടാക്കുമെന്നും ന്യൂസിലന്റ് പ്രധാനമന്ത്രി ജസിന്ദ ആർഡെർൻ പറഞ്ഞു. കരാറിലൂടെ ബുൾഡോസറുകൾ, വൈൻ, ബസുകൾ, വസ്ത്രങ്ങൾ എന്നിവയുടെ നിരക്കുകൾ കുറയ്ക്കും. അതേസമയം കരാർ […]
ഐഇഎക്സ് ക്യു 2 ഫലം, അറ്റാദായം 75 ശതമാനം വർദ്ധിച്ച് 77 കോടി രൂപയായി സെപ്റ്റംബറിലെ രണ്ടാം പാദത്തിൽ ഇന്ത്യൻ എനർജി എക്സ്ചേഞ്ചിന്റെ (ഐഇഎക്സ്) ഏകീകൃത അറ്റാദായം 75 ശതമാനം വർദ്ധിച്ച് 77 കോടി രൂപയായി. മുൻ പാദത്തെ അപേക്ഷിച്ച് അറ്റാദായം 25 ശതമാനം വർദ്ധിച്ചു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 33 ശതമാനം വർദ്ധിച്ച് 7096 കോടി രൂപയായി. അസംസ്കൃതവസ്തുക്കളുടെ വില 56% വർദ്ധിച്ച് 109 കോടി രൂപയായി. അതേസമയം കമ്പനി 2: […]
ഇന്നത്തെ വിപണി വിശകലനം നിഫ്റ്റി ലാഭമെടുപ്പിന് വിധേയമായപ്പോൾ എക്കാലത്തെയും പുതിയ ഉയർന്ന നില സ്വന്തമാക്കി ബാങ്ക് നിഫ്റ്റി. 120 പോയിന്റുകളുടെ ഗ്യാപ്പ് അപ്പിൽ 18384 എന്ന നിലയിൽ വ്യാപാരം ആരംഭിച്ച നിഫ്റ്റി ഇന്ന്  വലിയ തോതിൽ ലാഭമെടുപ്പിന് വിധേയമായി. ഐടി, റിലയൻസ് ഓഹരികൾ ചേർന്ന് കൊണ്ട് സൂചികയെ താഴേക്ക് വലിച്ച് 18200ന് കീഴെ എത്തിച്ചു. ഇവിടെ നിന്നും തിരികെ കയറാൻ ശ്രമം നടത്തിയെങ്കിലും സാധിച്ചില്ല. പിന്നാലെ 18050 എന്ന സപ്പോർട്ടിലേക്ക് സൂചിക വീണു. നിക്ഷേപ സ്ഥാപനങ്ങൾ ഓഹരികൾ […]

Advertisement