എൻഎക്സ്പി സെമികണ്ടക്ടേഴ്സിന്റെ ഡിജിറ്റൽ പരിവർത്തനത്തിനായി ടിസിഎസ്

ഡച്ച് ചിപ്പ് നിർമ്മാതാക്കളായ എൻഎക്സ്പി സെമികണ്ടക്ടേഴ്സ് എൻവി ഡിജിറ്റൽ രൂപമാറ്റത്തിന് ഒരുങ്ങുന്നു. ഇതിന്റെ പ്രവർത്തനങ്ങൾ ദ്രുത​ഗതിയിലാക്കാൻ ടാറ്റാ കൺസൾട്ടൻസിയെയാണ് തിരഞ്ഞെടുത്തിരിക്കുന്നത്. ഇതിന്റെ ഭാഗമായി, ആപ്പുകൾ, ഐടി ഇൻഫ്രാസ്ട്രക്ചർ, ജോലിസ്ഥലങ്ങളിലെ സേവനങ്ങൾ എന്നിവയിലുടനീളം ടിസിഎസ് എൻഎക്സ്പിയുടെ ഇന്റ​ഗ്രേറ്റഡ് ഐടി സ്ട്രാറ്റർജികൾ ഉപയോ​ഗിക്കും.  എൻഎക്സ്പിയുടെ ഡിജിറ്റൽ ഫൗണ്ടേഷൻ നിർമ്മിക്കുന്നതിനായി ടിസിഎസ് ക്ലൗഡ് അഡോപ്ഷനും ത്വരിതപ്പെടുത്തും.

കൊവിഡ് മൂലമുണ്ടാകുന്ന രോഗങ്ങളുടെ ചികിത്സയ്ക്കായി പരീക്ഷണങ്ങളുമായി എൻസൈം

നീണ്ട കൊവിഡ്  ലക്ഷണങ്ങൾ ചികിത്സിക്കുന്നതിനായി എൻസൈമുകളുടെയും പ്രോബയോട്ടിക്കുകളുടെയും ക്ലിനിക്കൽ നിയന്ത്രിത പരീക്ഷണങ്ങൾ  പ്രഖ്യാപിച്ച് അഡ്വാൻസ്ഡ് എൻസൈംസ് ലിമിറ്റഡ്. കമ്പനിയുടെ സിസ്റ്റമാറ്റിക് എൻസൈമും പ്രോബയോട്ടിക് സപ്ലിമെന്റുകളുമായ ഇമ്മ്യൂണോഎസ്ഇബിയും പ്രോബിയോഎസ്ഇബി സി എസ് സി യും നീണ്ട കൊവിഡ്  ലക്ഷണങ്ങൾ പരിഹരിക്കുന്നതിനുള്ള പരീക്ഷണത്തിന്റെ ഘട്ടങ്ങൾ വിജയകരമായി പൂർത്തീകരിച്ചു. കൊവിഡിനു ശേഷം ലക്ഷണങ്ങൾ കാണിച്ച 200 രോഗികളിലായിരുന്നു പരീക്ഷണം.

45.6 കോടി രൂപയുടെ ഓഹരി തിരികെ വാങ്ങാൻ അനുമതി നൽകി  ഗോൾഡിയം ഇന്റർനാഷണൽ

ഇക്വിറ്റി ഓഹരികൾ തിരികെ വാങ്ങാനുള്ള നിർദ്ദേശം ഗോൾഡിയം ഇന്റർനാഷണൽ ലിമിറ്റഡിന്റെ ബോർഡ് ഓഫ് ഡയറക്ടേഴ്സ് അംഗീകരിച്ചു. ഓഹരി ഒന്നിന് 1,200 രൂപ നിരക്കിൽ മൊത്തം 45.60 കോടി രൂപയുടെ 3.80 ലക്ഷം ഷെയറുകളാണ് കമ്പനി തിരികെ വാങ്ങുക. ഡയമണ്ട് ആഭരണങ്ങളുടെ നിർമ്മാതാവും വിതരണക്കാരുമാണ് ഗോൾഡിയം ഇന്റർനാഷണൽ.

അപ്പോളോ ട്യൂബ്സിന്റെ ആറ് ഉത്പ്പന്നങ്ങൾക്ക് ഡിസൈൻ പേറ്റന്റ് ലഭിച്ചു

എപിഎൽ അപ്പോളോ ട്യൂബ്സ് ലിമിറ്റഡിന്റെ പുതിയ ഉത്പന്നങ്ങൾക്ക് കൺട്രോളർ ജനറൽ ഓഫ് പേറ്റന്റ്സ്, ഡിസൈൻസ് & ട്രേഡ്മാർക്ക്സ് ഓഫീസിന്റെ അം​ഗീകാരം ലഭിച്ചു.  ആറ് രജിസ്ട്രേഷനുകളാണ് അനുവദിച്ചിരിക്കുന്നത്.  അപ്പോളോ റിഫ്ലക്ടർ , അപ്പോളോ ഫെൻസ്, അപ്പോളോ ഓവൽ, അപ്പോളോ പ്ലാങ്ക്, ഒക്ടഗോൺ, ചെക്കേർഡ് കോയിൽ എന്നിവയ്ക്കാണ് രജിസ്ട്രേഷൻ അനുവദിച്ചത്. ഇതോടെ  കമ്പനിയുടെ പ്രൊഡക്ട് പോർട്ട്ഫോളിയോ 16 ആയി ഉയർന്നു.

നാപ്രോക്സൺ സോഡിയം ഗുളികകൾ തിരിച്ചുവിളിച്ച് ഗ്രാനുൽസ് ഇന്ത്യ

ഒരു ബാച്ച് നാപ്രോക്സെൻ സോഡിയം 220 എംജി ഗുളികകൾ തിരിച്ച് വിളിച്ച് ഗ്രാനൂൾസ് യു.എസ്.എ. കറന്റ്ഗുഡ് മാനുഫാക്ചറിംഗ് പ്രാക്ടീസിലെ  വ്യതിയാനം കാരണമാണ് തീരുമാനം. ഒരു ബാച്ചിൽ 11.4 ദശലക്ഷം യൂണിറ്റ് നാപ്രോക്സൺ ഗുളികകളുണ്ട്, ഇതിൽ 0.9 ദശലക്ഷം യൂണിറ്റുകൾ വിപണിയിൽ എത്തിച്ചു, ഇവയാണ് തിരികെ വിളിച്ചത്. എന്നാൽ ഈ നീക്കം കമ്പനിയുടെ സാമ്പത്തിക നിലയെ കാര്യമായി ബാധിക്കില്ലെന്ന് അധികൃതർ വ്യക്തമാക്കി. 

അസമിലെ റോഡ് പദ്ധതിക്കായി അശോക ബിൽഡ്കോണിന് കത്ത് ലഭിച്ചു

അസമിലെ റോഡ് പദ്ധതിക്കായി അശോക ബിൽഡ്‌കോണിൺ  ലിമിറ്റഡിന് ഹൈവേയ്സ് & ഇൻഫ്രാസ്ട്രക്ചർ കോർപ്പറേഷനിൽ നിന്നും കത്ത് ലഭിച്ചു. അസമിലെ ക്വാരം ടാരോ വില്ലേജ്-ദില്ലൈ സെക്ഷനിലെ എൻഎച്ച് -29 ന്റെ നാലു വരി പാതയുടെ നിർമ്മാണത്തിനായാണ് പദ്ധതി.

300 ദശലക്ഷം ഡോളറിന്റെ ​​കടം കുറച്ച് വേദാന്ത റിസോഴ്സസ്

2022 സാമ്പത്തിക വർഷത്തിന്റെ ആദ്യ പകുതിയിൽ അറ്റ കടത്തിന്റെ 300 മില്യൺ ഡോളർ (2, 2,200 രൂപ) തിരിച്ചടച്ച് വേദാന്ത റിസോഴ്സസ് ലിമിറ്റഡ്. നടപ്പു സാമ്പത്തിക വർഷത്തിന്റെ അടുത്ത പകുതിയിൽ കമ്പനി 500 മില്യൺ ഡോളറിന്റെ കടം  കുറയ്ക്കുമെന്നും പ്രതീക്ഷിക്കുന്നു.

ക്രിപ്‌റ്റോകറൻസി ട്രേഡുകൾക്ക് മേൽ നികുതി  ചുമത്താൻ ഒരുങ്ങി കേന്ദ്ര സർക്കാർ

ക്രിപ്‌റ്റോകറൻസി ട്രേഡുകൾക്ക് മേൽ നികുതി  ചുമത്താൻ ഒരുങ്ങി കേന്ദ്ര സർക്കാർ.  ബ്ലോക്ക്‌ചെയിൻ സാങ്കേതികവിദ്യ ഉപയോഗിക്കാൻ സർക്കാർ അനുമതി നൽകുമെന്നും ക്രിപ്റ്റോകളെ നിരോധിക്കാതെ ഒരു ട്രേഡബിൾ അസറ്റ് ക്ലാസായി കണക്കാക്കുമെന്നും റിപ്പോർട്ടിൽ പറയുന്നുണ്ട്. ക്രിപ്‌റ്റോകറൻസികളെക്കുറിച്ചുള്ള കരട് ബിൽ കേന്ദ്ര മന്ത്രിസഭ ഉടൻ അവതരിപ്പിക്കും.

ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 226 പോയിന്റുകൾക്ക് മുകളിലായി 15926 എന്ന നിലയിൽ വ്യാപാരം ആരംഭിച്ച നിഫ്റ്റിക്ക് ഓപ്പണിംഗ് നിലമറികടന്ന് മുന്നേറാൻ സാധിച്ചില്ല. ദുർബലമായി താഴേക്ക് നീങ്ങിയ സൂചിക രാവിലത്തെ പകുതിയിൽ അധികം നേട്ടവും ഇല്ലാതെയാക്കി. തുടർന്ന് കഴിഞ്ഞ ദിവസത്തേക്കാൾ 132 പോയിന്റുകൾ/0.85 ശതമാനം മുകളിലായി 15832 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. ഇന്ന് ഗ്യാപ്പ് അപ്പിൽ 498 പോയിന്റുകൾക്ക് മുകളിലായി 34126 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി സാവധാനം […]
പ്രധാനതലക്കെട്ടുകൾ Zomato: ക്വിക്ക് കൊമേഴ്‌സ് കമ്പനിയായ ബ്ലിങ്ക് കൊമേഴ്‌സിന്റെ 33,018 ഇക്വിറ്റി ഓഹരികൾ 4,447.48 കോടി രൂപയ്ക്ക് ഓൾ-സ്റ്റോക്ക് ഇടപാടിൽ ഏറ്റെടുക്കാൻ ബോർഡ് അംഗീകാരം നൽകിയതായി കമ്പനി എക്‌സ്‌ചേഞ്ചുകളെ അറിയിച്ചു. Dr Reddy’s Laboratories: യുഎസ് ആസ്ഥാനമായ എറ്റോൺ ഫാർമയുടെ ബ്രാൻഡഡ്, ജനറിക് ഇൻജക്‌ടബിൾ ഉൽപ്പന്ന പോർട്ട്‌ഫോളിയോ ഏറ്റെടുക്കുന്നതായി കമ്പനി പ്രഖ്യാപിച്ചു. CSB Bank: ബാങ്കിന്റെ പാർട്ട് ടൈം ചെയർപേഴ്സണായി ഭാമ കൃഷ്ണമൂർത്തിയെ ബോർഡ് നിയമിച്ചതായി ബിഎസ്ഇ ഫയലിംഗിൽ വ്യക്തമാക്കി. SIS: കമ്പനിയുടെ ഇക്വിറ്റി ഓഹരികൾ തിരികെ […]
ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 100 പോയിന്റുകൾക്ക് മുകളിലായി 15657 എന്ന നിലയിൽ വ്യാപാരം ആരംഭിച്ച നിഫ്റ്റി അധികം ചാഞ്ചാട്ടത്തിന് വിധേയമായി കാണപ്പെട്ടില്ല. 100 പോയിന്റുകൾക്ക് ഉള്ളിൽ തന്നെയാണ് സൂചിക വ്യാപാരം നടത്തിയത്. ഇന്നലത്തെ പ്രതിബന്ധമായിരുന്ന 15630 ഇന്ന് സപ്പോർട്ടായി പ്രവർത്തിച്ചു. തുടർന്ന് കഴിഞ്ഞ ദിവസത്തേക്കാൾ 142 പോയിന്റുകൾ/0.92 ശതമാനം മുകളിലായി 15699 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 33434 എന്ന താഴ്ന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി വശങ്ങളിലേക്കാണ് ഇന്ന് […]

Advertisement