2 ബില്യൺ ഡോളറിന്റെ കെമിക്കൽ പ്രോജക്ടുകൾക്കായി റിലയൻസും ടാ സിസും ഒരുമിക്കുന്നു.

റുവൈസിൽ 2 ബില്യൺ ഡോളറിന്റെ കെമിക്കൽ പ്രോജക്‌റ്റുകൾക്കായി സ്ട്രാറ്റജിക് ജോയിന്റ് വെഞ്ച്വർ (ജെവി) രൂപീകരിച്ച് റിലയൻസ് ഇൻഡസ്ട്രീസ് ലിമിറ്റഡ് (ആർ‌ഐ‌എൽ) അബുദാബി കെമിക്കൽസ് ഡെറിവേറ്റീവ്സ് കമ്പനിയായ ആർ‌എസ്‌സി ലിമിറ്റഡുമായി (ടി‌സി‌ഇ‌സി). ടാ സിസ് ഇഡിസി & പിവിസി എന്നാണ് സംരംഭത്തിന് പേരിട്ടിരിക്കുന്നത്. കരാർ പ്രകാരം സംരംഭം ക്ലോർ-ആൽക്കലി, എഥിലീൻ ഡൈക്ലോറൈഡ് (ഇഡിസി), പോളി വിനൈൽ ക്ലോറൈഡ് (പിവിസി) ഉൽപ്പാദന കേന്ദ്രം നിർമ്മിക്കുകയും പ്രവർത്തിപ്പിക്കുകയും ചെയ്യും.

സംസ്‌കരിച്ച പഴം – പച്ചക്കറികൾക്കുള്ള പിഎൽഐ പദ്ധതിക്ക് നെസ്‌ലെ ഇന്ത്യയ്ക്ക് അനുമതി

സംസ്‌കരിച്ച പഴങ്ങൾക്കും പച്ചക്കറികൾക്കും വേണ്ടിയുള്ള പ്രൊഡക്ഷൻ ലിങ്ക്ഡ് ഇൻസെന്റീവ് (പിഎൽഐ) പദ്ധതിക്കായി നെസ്‌ലെ ഇന്ത്യക്ക്
സർക്കാർ അംഗീകാരം. ജൂണിൽ ഭക്ഷ്യ സംസ്കരണ മേഖലയ്ക്കുള്ള കേന്ദ്രത്തിന്റെ പിഎൽഐ സ്കീമിനായി കമ്പനി നിർദ്ദേശം സമർപ്പിച്ചിരുന്നു. പാക്കേജ്ഡ് ഫുഡ് കമ്പനികളുടെ നിക്ഷേപ നിർദ്ദേശങ്ങളുടെ 60 അപേക്ഷകൾക്ക് ഭക്ഷ്യ സംസ്കരണ വ്യവസായ മന്ത്രാലയം അംഗീകാരം നൽകിയിട്ടുണ്ട്. ഐടിസി, ഹിന്ദുസ്ഥാൻ യുണിലിവർ, ബ്രിട്ടാനിയ ഇൻഡസ്ട്രീസ്, ടാറ്റ കൺസ്യൂമർ പ്രൊഡക്ട്‌സ്, അമുൽ തുടങ്ങിയവ ഇതിൽ ഉൾപ്പെടുന്നത്.

എസ്‌ബിഐയിൽ നിന്ന് ഓർഡർ നേടി ഇന്റലക്‌ട് ഡിസൈൻസ് അരീന

സ്റ്റേറ്റ് ബാങ്ക് ഓഫ് ഇന്ത്യ (എസ്‌ബിഐ) അതിന്റെ ഡിജിറ്റൽ വെൽത്ത് മാനേജ്‌മെന്റ് ട്രാൻസ്‌ഫോർമേഷൻ അജണ്ടയ്‌ക്കായി ഇന്റലക്‌ട് വെൽത്ത് ക്യൂബ് – ഡിജിറ്റൽ വെൽത്ത് മാനേജ്‌മെന്റ് സ്യൂട്ട് തിരഞ്ഞെടുത്തതായി ഇന്റലക്‌ട് ഡിസൈൻ അരീന ലിമിറ്റഡ് (ഐ‌ഡി‌എഎൽ) അറിയിച്ചു..വെൽത്ത് മാനേജ്‌മെന്റ് ബിസിനസിനാണ് എസ്ബിഐ മുൻഗണന നൽകുന്നത്. ഡിജിറ്റൽ ചാനലുകളിലൂടെ പോർട്ട്‌ഫോളിയോ നിക്ഷേപിക്കാനും ഇടപാടുകൾ നടത്താനും ഉപഭോക്താക്കൾക്ക് സൗകര്യം നൽകിക്കൊണ്ട് പ്രമുഖ ഫണ്ട് ഹൗസുകളിൽ നിന്നുള്ള വിഭാഗങ്ങളിലുടനീളം മികച്ച ഉൽപ്പന്നങ്ങൾ വാഗ്ദാനം ചെയ്യുക എന്നതാണ് ഇതിന്റെ പ്രാഥമിക ദൗത്യം.

കോൾ ഇന്ത്യയിൽ നിന്ന് 2,683 കോടിയുടെ ഓർഡർ നേടി ദിലീപ് ബിൽഡ്‌കോൺ

മധ്യപ്രദേശിലെ ജമുന കോട്‌മയിലെ അമദാർഡ് ഒസിപിയുടെ പുതിയ ഓവർബാർഡൻ (ഒബി) നീക്കം ചെയ്യുന്നതിനുള്ള കരാർ ഖനന ജോലികൾക്കായി സൗത്ത് ഈസ്റ്റേൺ കോൾഫീൽഡ്‌സ് (എസ്‌ഇസി) നടത്തിയ ടെൻഡറിൽ ഏറ്റവും കുറഞ്ഞ (എൽ-1) ലേലക്കാരനായി ദിലീപ് ബിൽഡ്‌കോൺ ലിമിറ്റഡ്. 1,795 ദിവസത്തേക്കാണ് കരാർ. 2,683.02 കോടി രൂപയുടേതാണ് ഓർഡർ.

പതഞ്ജലി ഉൽപ്പന്നങ്ങളുടെ വിതരണാവകാശം എഡി ഫുഡ്‌സിന്റെ അനുബന്ധ സ്ഥാപനത്തിന്

പതഞ്ജലി ആയുർവേദുമായി ഒരു പ്രത്യേക വിതരണ കരാറിൽ ഏർപ്പെട്ട് എഡി ഫുഡ്‌സ് ലിമിറ്റഡിന്റെ പൂർണ ഉടമസ്ഥതയിലുള്ള ഉപസ്ഥാപനമായ എഡിഎഫ് ഫുഡ്‌സ്. യുകെയിലും പടിഞ്ഞാറൻ യൂറോപ്പിലും ബ്രിട്ടനിലും പതഞ്ജലി ഉൽപ്പന്നങ്ങൾ വിതരണം ചെയ്യുന്നതാണ് കരാർ. ഇത് എഡി ഫുഡ്‌സിന്റെ ഉൽപ്പന്ന പോർട്ട്‌ഫോളിയോ വിപുലീകരിക്കുന്നതിനും ചില്ലറ വ്യാപാരികൾക്ക് കോംപ്ലിമെന്ററി ശ്രേണി വാഗ്ദാനം ചെയ്യുന്നതിനും സഹായിക്കും.

കാൺപൂർ മെട്രോ പ്രോജക്റ്റിന്റെ പരിഹാര ദാതാവായി എസ്ബിഐ ഓറിയോൺപ്രോ

ഓട്ടോമാറ്റിക് ഫെയർ കളക്ഷൻ (എഎഫ്‌സി) സംവിധാനം നടപ്പിലാക്കുന്നതിനായി കാൺപൂർ മെട്രോ പ്രോജക്റ്റിന്റെ (കെഎംപി) പരിഹാര ദാതാവായി ഓറിയോൺപ്രോ സൊല്യൂഷൻസ് ലിമിറ്റഡിനെ തിരഞ്ഞെടുത്ത് സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ). എഎഫ്‌സി സിസ്റ്റം നടപ്പിലാക്കുന്നതും 10 വർഷത്തേക്ക് അറ്റകുറ്റപ്പണികൾ നടത്തുന്നതും പദ്ധതിയിൽ ഉൾപ്പെടുന്നു. 140 കോടി രൂപയാണ് പദ്ധതിയുടെ മൂല്യം.

രണ്ടാഴ്‌ചയ്‌ക്കുള്ളിൽ 5 മില്യൺ ഡോളർ നിക്ഷേപിച്ചില്ലെങ്കിൽ സ്‌പൈസ് ജെറ്റ് ലിക്വിഡേഷൻ നേരിടേണ്ടിവരും: മദ്രാസ് ഹൈക്കോടതി

രണ്ടാഴ്ചയ്ക്കുള്ളിൽ 5 മില്യൺ ഡോളർ (37.70 കോടി രൂപ) നിക്ഷേപിക്കണമെന്ന വ്യവസ്ഥയ്ക്ക് വിധേയമായി സ്പൈസ് ജെറ്റ് ലിമിറ്റഡിന്റെ ആസ്തികൾ ഏറ്റെടുക്കുന്നതിന് ഔദ്യോഗിക ലിക്വിഡേറ്ററെ നിയമിക്കാനുമുള്ള മുൻ ഉത്തരവ് മദ്രാസ് ഹൈക്കോടതി (എച്ച്സി) സ്റ്റേ ചെയ്തു. എയർക്രാഫ്റ്റ് എഞ്ചിനുകൾ, മൊഡ്യൂളുകൾ, ഘടകങ്ങൾ എന്നിവയുടെ അറ്റകുറ്റപ്പണികൾക്കും ഓവർഹോളിംഗിനുമായി സ്വിസ് ആസ്ഥാനമായുള്ള എസ്ആർ ടെക്‌നിക്‌സിന് 24 മില്യൺ ഡോളർ നൽകുന്നതിൽ എയർലൈൻ പരാജയപ്പെട്ടു.

ഫ്ലിപ്കാർട്ടിൽ രജിസ്റ്റർ ചെയ്ത വിൽപ്പനക്കാർക്ക് ഐസിഐസിഐ ബാങ്കിന്റെ ഓവർഡ്രാഫ്റ്റ് സൗകര്യം

ഇ-കൊമേഴ്‌സ് പ്ലാറ്റ്‌ഫോമിൽ രജിസ്റ്റർ ചെയ്തിട്ടുള്ള വ്യക്തിഗത വിൽപ്പനക്കാർക്കും ബിസിനസുകൾക്കും 25 ലക്ഷം രൂപ വരെ ഇൻസ്റ്റന്റായും പൂർണ്ണമായും ഡിജിറ്റൽ ഓവർഡ്രാഫ്റ്റ് (ഒഡി) സൗകര്യം വാഗ്ദാനം ചെയ്യുന്നതിനായി ഐസിഐസിഐ ബാങ്ക് ഫ്ലിപ്കാർട്ടുമായി സഹകരിച്ചു. ഫ്ലിപ്കാർട്ടിൽ രജിസ്റ്റർ ചെയ്ത വിൽപ്പനക്കാർക്ക് ഫ്ലിപ്കാർട്ട് സെല്ലർ ഹബ്ബ് വഴി ഡിജിറ്റൽ ഒഡി സൗകര്യത്തിനായി അപേക്ഷിക്കാം.

ഇൻസ്റ്റന്റ് പേയ്‌മെന്റ് സൊല്യൂഷൻ അവതരിപ്പിച്ച് റൂട്ട് മൊബൈൽ

കമ്മ്യൂണിക്കേഷൻസ് കൊമേഴ്‌സ് ലളിതമാക്കുന്നതിനും തടസ്സമില്ലാത്ത ആശയ വിനിമയം സാധ്യമാക്കുന്നതിനുമായി രൂപകൽപ്പന ചെയ്‌ത ഇൻസ്റ്റന്റ് പേയ്‌മെന്റ് പരിഹാരമായ ക്ലിക്ക് 2 പേ ലോഞ്ച് ചെയ്യുന്നതായി റൂട്ട് മൊബൈൽ പ്രഖ്യാപിച്ചു. ഇത് 360-ഡിഗ്രി കമ്മ്യൂണിക്കേഷൻസ് കൊമേഴ്‌സ് സൊല്യൂഷനാണ്. എല്ലാ ബിസിനസ് കമ്മ്യൂണിക്കേഷൻ ചാനലുകളും ഇതിൽ ഉൾപ്പെടുന്നു.

ഇന്നത്തെ വിപണി വിശകലനം ഇന്ന് 17401 എന്ന നിലയിൽ ഫ്ലാറ്റായി വ്യാപാരം ആരംഭിച്ച നിഫ്റ്റി 1740-500ന് അടുത്തായി പ്രതിബന്ധം നേരിട്ടു. പിന്നീട് ലളിതമായി ഇത് മറികടന്ന സൂചിക മുന്നേറ്റം നടത്തി. തുടർന്ന് കഴിഞ്ഞ ദിവസത്തേക്കാൾ 127 പോയിന്റുകൾ/0.73 ശതമാനം മുകളിലായി 17525 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 37847 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി താഴേക്ക് നീങ്ങി. ശേഷം 37700ൽ ശക്തമായ സപ്പോർട്ട് എടുത്ത സൂചിക ദിവസത്തെ താഴ്ന്ന നിലയിൽ നിന്നും 1.65 […]
പ്രധാനതലക്കെട്ടുകൾ State Bank of India: ജൂൺ പാദത്തിൽ കമ്പനിയുടെ അറ്റാദായം 6.70 ശതമാനം ഇടിഞ്ഞ് 6068 കോടി രൂപയായി. നികുതിക്ക് ശേഷമുള്ള ലാഭം എന്നത് മുൻ പാദത്തിൽ 6504 കോടി രൂപയായിരുന്നു.Titan: ജൂൺ പാദത്തിൽ അറ്റാദായം മൂന്ന് മടങ്ങ് വർദ്ധിച്ച് 790 കോടി രൂപയായി. Tata Motors: ഫോർഡ് ഇന്ത്യയുടെ സാനന്ദ് ആസ്ഥാനമായുള്ള നിർമ്മാണ പ്ലാന്റ് 725.7 കോടി രൂപയ്ക്ക് ഏറ്റെടുക്കാൻ കമ്പനിയുടെ അനുബന്ധ സ്ഥാപനം കരാറിൽ ഒപ്പുവച്ചു. Marico: ജൂൺ പാദത്തിൽ കമ്പനിയുടെ ഏകീകൃത […]
ഇന്നത്തെ വിപണി വിശകലനം ഇന്ന് 17423 എന്ന നിലയിൽ വ്യാപാരം ആരംഭിച്ച നിഫ്റ്റി 4 മണിക്കൂറോളം അസ്ഥിരമായി നിന്നു. ശേഷം താഴേക്ക് വീണ സൂചിക 17350ൽ സപ്പോർട്ട് രേഖപ്പെടുത്തി.തുടർന്ന് കഴിഞ്ഞ ദിവസത്തേക്കാൾ 15 പോയിന്റുകൾ/0.09 ശതമാനം മുകളിലായി 17397 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 37868 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി താഴേക്ക് നീങ്ങി. ശേഷം 38150 ശക്തമായ സപ്പോർട്ട് ആയി മാറി. ഇവിടെ നിന്നും തിരികെ കയറിയ സൂചിക നേരിയ നേട്ടം […]

Advertisement