2022-23 സാമ്പത്തിക വർഷത്തിലെ ആദ്യത്തെ വായ്പാനയം പ്രഖ്യാപിച്ച് ആർബിഐ. റിസർവ് ബാങ്ക് ഗവർണർ ശക്തികാന്ത ദാസ് ഇത് സംബന്ധിച്ച് ഇന്ന് നടത്തിയ നിർണായ പ്രസ്താവനകളാണ് ചുവടെ നൽകുന്നത്. 

  • തുടർച്ചയായി പതിനൊന്നാം തവണയും റിപ്പോ നിരക്കിൽ മാറ്റമില്ലാതെ നിലനിർത്താനാണ് ആർബിഐയുടെ തീരുമാനം. റിപ്പോ നിരക്ക് 4 ശതമാനത്തിൽ തന്നെ തുടരും. ഒരു സെൻട്രൽ ബാങ്ക് (ആർബിഐ) രാജ്യത്തെ  മറ്റു ബാങ്കുകൾക്ക് പണം വായ്പയായി നൽകുന്നതിന് ഈടാക്കുന്ന പലിശ നിരക്കിനാണ് റിപ്പോ നിരക്ക് എന്ന് പറയുന്നത്.

  • റിവേഴ്സ് റിപ്പോ നിരക്കും മാറ്റമില്ലാതെ തന്നെ 3.35 ശതമാനത്തിൽ നിലനിർത്താൻ ധനനയ കമ്മിറ്റി തീരുമാനിച്ചു. വാണിജ്യ ബാങ്കുകൾ സെൻട്രൽ ബാങ്കിന് വായ്പ നൽകുന്നതിന് മേൽ ഈടാക്കുന്ന പലിശ നിരക്കാണ് റിവേഴ്സ് റിപ്പോ നിരക്ക്.

  • നിലവിലെ നിരക്ക് അതേപടി നിലനിർത്താൻ എംപിസി ഏകകണ്ഠമായി വോട്ട് ചെയ്തതായി ആർബിഐ ഗവർണർ പറഞ്ഞു. വളർച്ച വർദ്ധിപ്പിക്കുന്നതിനായി സമ്പദ്‌വ്യവസ്ഥയിലേക്ക് കൂടുതൽ പണം ഇറക്കിവിടാൻ സെൻട്രൽ ബാങ്ക് തയ്യാറാണെന്നാണ് ഇതിനർത്ഥം.

  • എന്നാൽ പണപ്പെരുപ്പം 2-6 ശതമാനം എന്ന ലക്ഷ്യത്തിൽ തന്നെ നിൽക്കുമെന്ന് ഉറപ്പുവരുത്താനായി നിലവിലെ വിപണിക്ക്  അനുകൂലമായ നിലപാട് പിൻവലിക്കുന്നതിൽ ആർബിഐ ശ്രദ്ധ കേന്ദ്രീകരിക്കും.

  • ആർബിഐ ലിക്വിഡിറ്റി അഡ്ജസ്റ്റ്‌മെന്റ് ഫെസിലിറ്റി (എൽഎഎഫ്) സ്റ്റാൻഡിംഗ് ഫസിലിറ്റി പുനഃസ്ഥാപിച്ചു-ഒന്ന് ലിക്വിഡിറ്റി ആഗിരണം ചെയ്യാനും മറ്റൊന്ന് ലിക്വിഡിറ്റി സമ്പദ് വ്യവസ്ഥയിലേക്ക് കടത്തിവിടാനുമാണ്. അധിക ലിക്യുഡിറ്റി കടത്തിവിടുന്നതിനും /ആഗിരണം ചെയ്യുന്നതിനും സ്റ്റാൻഡിംഗ് ഡെപ്പോസിറ്റ് ഫെസിലിറ്റി (എസ്ഡിഎഫ്) നിരക്ക് എന്നത് 3.75 ശതമാനം ആയിരിക്കും. സാമ്പദ് വ്യവസ്ഥയിലേക്ക് കൂടുതൽ പണം ഒഴുക്കിവിടുന്നതിനായി എംഎസ്എഫ് നിരക്ക് 4.25 ശതമാനമാക്കി നിലനിർത്തും.

  • അതേസമയം ഇന്ത്യയുടെ മൊത്ത ആഭ്യന്തര ഉൽപ്പാദന (ജിഡിപി) വളർച്ചാ പ്രവചനം 2023 സാമ്പത്തിക വർഷത്തിൽ 7.2 ശതമാനമായി ആർബിഐ വെട്ടിക്കുറച്ചു. നേരത്തെ ഇത് 7.8 ശതമാനം ആകുമെന്നാണ് പ്രവചിച്ചിരുന്നത്.

  • സിപിഐ പണപ്പെരുപ്പം 2023 സാമ്പത്തിക വർഷത്തിൽ 5.7 ശതമാനമാകുമെന്നാണ് പ്രവചനം. നേരത്തെ ഇത് 4.5 ശതമാനം ആകുമെന്നാണ് പ്രവചിച്ചിരുന്നത്.

    പണപ്പെരുപ്പം സംബന്ധിച്ച കണക്കുകൂട്ടൽ ഇങ്ങനെ: 

    ഒന്നാം പാദത്തിൽ 6.3 ശതമാനം
    രണ്ടാം പാദത്തിൽ 5 ശതമാനം
    മൂന്നാം പാദത്തിൽ 5.4 ശതമാനം 
    നാലാം പാദത്തിൽ 2023 സാമ്പത്തിക വർഷത്തേക്ക് 5.1 ശതമാനം ആകുമെന്ന്  ആർബിഐ കണക്കുകൂട്ടുന്നു.

    

റഷ്യ-ഉക്രൈൻ യുദ്ധം പണപ്പെരുപ്പം ഉയരാൻ കാരണമായി. സാമ്പത്തിക വളർച്ചയ്ക്കും ഇത് വൻ തിരിച്ചടിയായി. കോൺടാക്റ്റ്-ഇന്റൻസീവ് സേവനങ്ങൾ പകർച്ചവ്യാധിക്ക് മുമ്പുള്ള നിലവാരത്തിന് താഴെയായി തുടരുമ്പോഴും ആഭ്യന്തര സാമ്പത്തിക പ്രവർത്തനങ്ങൾ വീണ്ടെടുക്കൽ കാണിക്കുന്നത് തുടരുന്നു.

മെച്ചപ്പെട്ട ബിസിനസ്സ്, വായ്പാ വളർച്ച, അനുകൂലമായ സാമ്പത്തിക സ്ഥിതി എന്നിവ  നിക്ഷേപ പ്രവർത്തനങ്ങളുടെ ആക്കം കൂട്ടിയേക്കാം. വലിയ ഫോറെക്സ് കരുതൽ ധനം സമ്പദ്‌വ്യവസ്ഥയെ സുഖകരമായി പിന്തുണയ്ക്കുന്നതായും കാണാം. 

ഇന്നത്തെ വിപണി വിശകലനം ഇന്ന് 17401 എന്ന നിലയിൽ ഫ്ലാറ്റായി വ്യാപാരം ആരംഭിച്ച നിഫ്റ്റി 1740-500ന് അടുത്തായി പ്രതിബന്ധം നേരിട്ടു. പിന്നീട് ലളിതമായി ഇത് മറികടന്ന സൂചിക മുന്നേറ്റം നടത്തി. തുടർന്ന് കഴിഞ്ഞ ദിവസത്തേക്കാൾ 127 പോയിന്റുകൾ/0.73 ശതമാനം മുകളിലായി 17525 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 37847 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി താഴേക്ക് നീങ്ങി. ശേഷം 37700ൽ ശക്തമായ സപ്പോർട്ട് എടുത്ത സൂചിക ദിവസത്തെ താഴ്ന്ന നിലയിൽ നിന്നും 1.65 […]
പ്രധാനതലക്കെട്ടുകൾ State Bank of India: ജൂൺ പാദത്തിൽ കമ്പനിയുടെ അറ്റാദായം 6.70 ശതമാനം ഇടിഞ്ഞ് 6068 കോടി രൂപയായി. നികുതിക്ക് ശേഷമുള്ള ലാഭം എന്നത് മുൻ പാദത്തിൽ 6504 കോടി രൂപയായിരുന്നു.Titan: ജൂൺ പാദത്തിൽ അറ്റാദായം മൂന്ന് മടങ്ങ് വർദ്ധിച്ച് 790 കോടി രൂപയായി. Tata Motors: ഫോർഡ് ഇന്ത്യയുടെ സാനന്ദ് ആസ്ഥാനമായുള്ള നിർമ്മാണ പ്ലാന്റ് 725.7 കോടി രൂപയ്ക്ക് ഏറ്റെടുക്കാൻ കമ്പനിയുടെ അനുബന്ധ സ്ഥാപനം കരാറിൽ ഒപ്പുവച്ചു. Marico: ജൂൺ പാദത്തിൽ കമ്പനിയുടെ ഏകീകൃത […]
ഇന്നത്തെ വിപണി വിശകലനം ഇന്ന് 17423 എന്ന നിലയിൽ വ്യാപാരം ആരംഭിച്ച നിഫ്റ്റി 4 മണിക്കൂറോളം അസ്ഥിരമായി നിന്നു. ശേഷം താഴേക്ക് വീണ സൂചിക 17350ൽ സപ്പോർട്ട് രേഖപ്പെടുത്തി.തുടർന്ന് കഴിഞ്ഞ ദിവസത്തേക്കാൾ 15 പോയിന്റുകൾ/0.09 ശതമാനം മുകളിലായി 17397 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 37868 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി താഴേക്ക് നീങ്ങി. ശേഷം 38150 ശക്തമായ സപ്പോർട്ട് ആയി മാറി. ഇവിടെ നിന്നും തിരികെ കയറിയ സൂചിക നേരിയ നേട്ടം […]

Advertisement