പേടിഎം ക്യു 2 ഫലം, അറ്റ നഷ്ടം 473 കോടി രൂപയായി വർദ്ധിച്ചു

സെപ്റ്റംബറിലെ രണ്ടാം പാദത്തിൽ 473 കോടി രൂപയുടെ നഷ്ടം രേഖപ്പെടുത്തി.പേടിഎമ്മിന്റെ മാതൃ കമ്പനിയായ വൺ 97 കമ്മ്യൂണിക്കേഷൻസ് ലിമിറ്റഡ്. കഴിഞ്ഞ വർഷം ഇതേ പാദത്തിൽ 437 കോടി രൂപയുടെ നഷ്ടം കമ്പനി രേഖപ്പെടുത്തിയിരുന്നു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 64 ശതമാനം വർദ്ധിച്ച് 1,090 കോടി രൂപയായി. കമ്പനിയുടെ ചെലവ് 37.75 ശതമാനം വർദ്ധിച്ച് 1,600 കോടി രൂപയായിട്ടുണ്ട്. അതേസമയം രണ്ടാം പാദത്തിൽ മൊത്ത വ്യാപാര മൂല്യം (ജിഎംവി) രണ്ടാം പാദത്തിൽ 107 ശതമാനം വർദ്ധിച്ച് 1,95,600 കോടിയായി.

പുതിയ കൊവിഡ് വകഭേദം; ജാഗ്രത വേണമെന്ന് പ്രധാനമന്ത്രി നരേന്ദ്ര മോദി

പുതിയ കോവിഡ് വകഭേദം ഒമിക്‌റോണിന്റെ പശ്ചാത്തലത്തിൽ ശനിയാഴ്ച കോവിഡ് -19 സംബന്ധിച്ച് ഉന്നത തലയോഗം വിളിച്ച് പ്രധാനമന്ത്രി നരേന്ദ്ര മോദി. വൈറസ് വ്യാപനം തടയുന്നതിനുള്ള മുൻകരുതലുകൾക്ക് കൂടുതൽ പ്രാധാന്യം കൊടുക്കണമെന്നും പൗരന്മാർ ജാഗ്രത പുലർത്തണമെന്നും മോദി പറഞ്ഞു. അപകടസാധ്യതയുള്ള രാജ്യങ്ങളിൽ പ്രത്യേക ശ്രദ്ധ കേന്ദ്രീകരിച്ച് അന്താരാഷ്‌ട്ര ആഗമനങ്ങളെ നിരീക്ഷിക്കേണ്ടതിന്റെ ആവശ്യകതയും കൊവിഡ് ടെസ്റ്റ് നെറ്റ് നടത്തേണ്ടതിന്റെ ആവശ്യകതയും അദ്ദേഹം എടുത്തു പറഞ്ഞു.

26 ശതമാനം വരെ പ്രൊമോട്ടർ ഹോൾഡിംഗ് അനുവദിക്കാനുള്ള ആർബിഐ നീക്കത്തെ സ്വാഗതം ചെയ്ത് ഹിന്ദുജാസ്

സ്വകാര്യമേഖലയിലെ വായ്പക്കാരിൽ 26 ശതമാനം വരെ പ്രൊമോട്ടർ ഹോൾഡിംഗ് അനുവദിക്കാനുള്ള റിസർവ് ബാങ്ക് ഓഫ് ഇന്ത്യയുടെ (ആർബിഐ) നീക്കത്തെ സ്വാഗതം ചെയ്ത് ഹിന്ദുജ ഗ്രൂപ്പ്. ഇൻഡസ്ഇൻഡ് ബാങ്കിന്റെ പ്രൊമോട്ടറായ ഹിന്ദുജാസിന്റെ സ്ഥാപനമായ ഐഐഎച്ച്എൽ മൗറീഷ്യസ് കൈവശാവകാശം മുൻകാല പരിധിയായ 15 ശതമാനത്തിൽ നിന്ന് 26 ശതമാനമായി ഉയർത്തണമെന്ന് ആവശ്യപ്പെട്ട് ആർബിഐക്ക് അപേക്ഷ സമർപ്പിച്ചിരുന്നു. നിലവിൽ ആർബിഐയിൽ നിന്നുള്ള മാർഗ്ഗ നിർദ്ദേശങ്ങൾക്കായി കാത്തിരിക്കുകയാണ് ഐഐഎച്ച്എൽ.

പ്രീപെയ്ഡ് പ്ലാനുകളിലെ അധിക ഡാറ്റാ ആനുകൂല്യങ്ങൾ പിൻവലിച്ച് എയർടെൽ

പ്രീപെയ്ഡ് പ്ലാനുകളിൽ ആപ്പ് വഴി നൽകിയിരുന്ന ഡാറ്റാ ഇൻ-ആപ്പ് കൂപ്പണുകൾ പിൻവലിച്ച് ഭാരതി എയർടെൽ ലിമിറ്റഡ്. വിവിധ പ്ലാനുകളും ഓഫറുകളും സംബന്ധിച്ച് ഉപഭോക്താക്കളിലുള്ള ആശയക്കുഴപ്പം ഇല്ലാതാക്കാനാണിത്. തിരഞ്ഞെടുത്ത പാക്കുകളിലാണ് ഇൻ-ആപ്പ് കൂപ്പണുകൾ പിൻവലിക്കുന്നത്. താരിഫ്ഡ് വോയ്‌സ് പ്ലാനുകൾ, അൺലിമിറ്റഡ് വോയ്‌സ് ബണ്ടിലുകൾ, ഡാറ്റ ടോപ്പ്-അപ്പുകൾ എന്നിവയുൾപ്പെടെ വിവിധ പ്രീപെയ്ഡ് ഓഫറുകളിൽ 20 മുതൽ 25 ശതമാനം വരെ താരിഫ് വർദ്ധനവ് കമ്പനി പ്രഖ്യാപിച്ചിരുന്നു. പുതുക്കിയ നിരക്ക് വെള്ളിയാഴ്ച മുതൽ നിലവിൽ വന്നിട്ടുണ്ട്.

തമിഴ്‌നാട് സർക്കാരുമായി 500 കോടി രൂപയുടെ ധാരണാപത്രം ഒപ്പുവച്ച് ജിഎച്ച്സിഎൽ

തമിഴ്‌നാട് സർക്കാരുമായി 500 കോടി രൂപ നിക്ഷേപിക്കുന്നതിനായി ധാരണാപത്രം ഒപ്പുവെച്ച് ജിഎച്ച്സിഎൽ ലിമിറ്റഡ്. കരാർ പ്രകാരം നെയ്ത്ത് വിഭാഗങ്ങൾക്കായി സിന്തറ്റിക്, സിന്തറ്റിക് കലർന്ന നൂൽ എന്നിവ നിർമ്മിക്കുന്നതിനായി തിരുച്ചിറപ്പള്ളി ജില്ലയിലെ മണപ്പാറയിൽ ജിഎച്ച്സിഎൽ 40,000 റിംഗ് സ്പിൻഡിലുകൾ സ്ഥാപിക്കും. 100 ശതമാനം കോട്ടൺ നൂലിൽ നെയ്ത തുണിത്തരങ്ങൾ നിർമ്മിക്കുന്നതിനായി മധുര ജില്ലയിലെ പരവൈയിലിൽ 24 നെയ്തിംഗ് മെഷീനുകളുള്ള 40,000 റിംഗ് സ്പിൻഡിലുകളും കമ്പനി സ്ഥാപിക്കും.

ആറാഴ്ചയ്ക്കിടെ മൂന്നാം തവണയും ഗ്യാസ് വില വർധിപ്പിച്ച് മഹാനഗർ ഗ്യാസ്

കംപ്രസ്ഡ് നാച്ചുറൽ ഗ്യാസ് (സിഎൻജി), പൈപ്പ്ഡ് നാച്ചുറൽ ഗ്യാസ് (പിഎൻജി) എന്നിവയുടെ വില വർദ്ധിപ്പിച്ച് മഹാനഗർ ഗ്യാസ് ലിമിറ്റഡ്. മുംബൈ മെട്രോപൊളിറ്റൻ പ്രദേശങ്ങളിൽ സിഎൻജിയുടെ അടിസ്ഥാന വില കിലോഗ്രാമിന് 3.06 രൂപയും ആഭ്യന്തര പിഎൻജിക്ക് സ്റ്റാൻഡേർഡ് ക്യൂബിക് മീറ്ററിന് (എസ്‌സിഎം) 2.26 രൂപയും വർധിപ്പിച്ചു. മൂന്നാം തവണയാണ് വില വർധിപ്പിക്കുന്നത്.

ഡിസംബറിൽ 700 കോടി രൂപയുടെ ഐപിഒ ആരംഭിക്കാൻ ശ്രീറാം പ്രോപ്പർട്ടീസ്

ഡിസംബർ രണ്ടാം വാരത്തിൽ 600-700 കോടി രൂപയുടെ പൊതു ലിസ്റ്റിംഗ് ശ്രീറാം പ്രോപ്പർട്ടീസ് ലിമിറ്റഡ് ആസൂത്രണം ചെയ്യുന്നതായി റിപ്പോർട്ടുകൾ. റെസിഡൻഷ്യൽ പ്രോപ്പർട്ടികൾക്കുള്ള ഡിമാൻഡ് വർധിക്കുകയും സെഗ്‌മെന്റിൽ നിക്ഷേപകരുടെ താൽപ്പര്യം വർദ്ധിപ്പിക്കുകയും ചെയ്യുന്നത് പരമാവധി ഉപയോഗപ്പെടുത്താനാണ് കമ്പനി ശ്രമിക്കുന്നത്.

മുൻഗണനാ ഇഷ്യൂ മാനദണ്ഡങ്ങൾ ലഘൂകരിക്കാൻ സെബി

പ്രിഫറൻഷ്യൽ ഷെയർ ഓഫറുകളുടെ വിലനിർണ്ണയ മാനദണ്ഡങ്ങളിലും പ്രൊമോട്ടർമാർക്കുള്ള ലോക്ക്-ഇൻ ആവശ്യകതകളിലും ഇളവ് വരുത്തിക്കൊണ്ട് നിയമങ്ങൾ പരിഷ്‌കരിക്കാൻ സെക്യൂരിറ്റീസ് ആൻഡ് എക്‌സ്‌ചേഞ്ച് ബോർഡ് ഓഫ് ഇന്ത്യ (സെബി). ഇത് കമ്പനികൾക്ക് ഫണ്ട് സ്വരൂപിക്കുന്നത് എളുപ്പമാക്കും. നിക്ഷേപകർക്ക് മുൻ‌ഗണനയുള്ള ഓഹരികൾ അനുവദിച്ചതിന് ശേഷം നിയന്ത്രണത്തിൽ മാറ്റം വരുമ്പോഴെല്ലാം കമ്പനികൾ മൂല്യനിർണ്ണയ റിപ്പോർട്ട് നേടണമെന്നും സെബി നിർദ്ദേശിച്ചിട്ടുണ്ട്.

"എന്റെ പരമാവധി ശ്രമിച്ചിട്ടും ലാഭകരമായ ഒരു ബിസിനസ് മോഡൽ സൃഷ്ടിക്കുന്നതിൽ ഞാൻ പരാജയപ്പെട്ടു. ഞാൻ ഒരിക്കലും ആരെയും മനപ്പൂർവ്വം വഞ്ചിക്കുകയോ തെറ്റിദ്ധരിപ്പിക്കുകയോ ചെയ്തിട്ടില്ല. ഒരു സംരംഭകനെന്ന നിലയിൽ ഞാൻ പരാജയപ്പെട്ടു." കത്തിൽ സിദ്ധാർത്ഥ കുറിച്ചു.
പ്രധാനതലക്കെട്ടുകൾ HCL Technologies: 42.5 മില്യൺ ഡോളറിന് ഹംഗേറിയൻ ഡാറ്റാ എഞ്ചിനീയറിംഗ് സേവന കമ്പനിയായ സ്റ്റാർഷെമയെ ഏറ്റെടുക്കുന്നതിനുള്ള കരാറിൽ കമ്പനി ഒപ്പുവച്ചു. 2022 മാർച്ചോടെ ഏറ്റെടുക്കൽ പൂർത്തിയാകുമെന്നാണ് പ്രതീക്ഷിക്കുന്നത്. Hero Motocorp: ആതർ എനർജിയിൽ കമ്പനി 420 കോടി രൂപ വരെ കൂടുതൽ നിക്ഷേപിക്കും. ഇതോടെ ഏതറിലെ ഹീറോ മോട്ടോകോർപ്പിന്റെ ഓഹരി പങ്കാളിത്തം നിലവിലെ 34.8 ശതമാനത്തിൽ നിന്ന് വർദ്ധിക്കും. Maruti Suzuki: ശനിയാഴ്ച മുതൽ ശരാശരി 1.7 ശതമാനം വില വർദ്ധിപ്പിച്ച് കമ്പനി. PVR: ആന്ധ്രാപ്രദേശിൽ […]
എച്ച്‌ഡിഎഫ്‌സി ബാങ്ക് ക്യു 3 ഫലങ്ങൾ: അറ്റാദായം 18 ശതമാനം വർധിച്ച് 10,342 കോടി രൂപയായി ഡിസംബറിൽ അവസാനിച്ച പാദത്തിൽ എച്ച്‌ഡിഎഫ്‌സി ബാങ്കിന്റെ അറ്റാദായം 18% വർധിച്ച് 10,342.2 കോടി രൂപയായി. മുൻ പാദത്തെ അപേക്ഷിച്ച് അറ്റാദായം 17% വർദ്ധിച്ചു. അതേ കാലയളവിൽ ബാങ്കിന്റെ അറ്റ ​​പലിശ വരുമാനം പ്രതിവർഷം 13% വർധിച്ച് 18,443.5 കോടി രൂപയായി. ബാങ്കിന്റെ മൊത്ത നിഷ്‌ക്രിയ ആസ്തികളുടെ (ജിഎൻപിഎ) അനുപാതം രണ്ടാം പാദത്തിൽ 1.35% ആയിരുന്നത് മൂന്നാം പാദത്തിൽ 1.26% ആയി. […]

Advertisement