ഇന്നത്തെ വിപണി വിശകലനം

ആഴ്ചയിലെ രണ്ടാം ദിനം അസ്ഥിരമായി വിപണി, നിഫ്റ്റി ഫ്ലാറ്റായി അടച്ചു.

നേരിയ ഗ്യാപ്പ് അപ്പിൽ 17403 എന്ന നിലയിൽ വ്യാപാരം ആരംഭിച്ച നിഫ്റ്റി താഴേക്ക് നീങ്ങി കഴിഞ്ഞ ദിവസത്തെ താഴ്ന്ന നിലരേഖപ്പെടുത്തി. ഇവിടെ സപ്പോർട്ട് എടുക്കാൻ ശ്രമിച്ച സൂചിക അതിന് സാധിക്കാതെ ഉച്ചയോടെ താഴേക്ക് വീണ് 17280 രേഖപ്പെടുത്തി.

തുടർന്ന് കഴിഞ്ഞ ദിവസത്തേക്കാൾ 16 പോയിന്റുകൾ/ 0.09 ശതമാനം താഴെയായി 17362 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു.

36590 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി ഇന്ന്
താഴേക്ക് നീങ്ങി 36500 മറികടന്നു. സെപ്റ്റംബർ 1ന് ശേഷം ആദ്യമായാണ് സൂചിക ഇത് മറികടക്കുന്നത്. ശേഷം  36,150-36,200 എന്നിവിടെ സപ്പോർട്ട് എടുത്ത സൂചിക തിരികെ കയറി  ദിവസത്തെ ഉയർന്ന നിലസ്വന്തമാക്കി. എന്നാൽ അവസാന നിമിഷം സൂചിക താഴേക്ക് വീണു.

തുടർന്ന് കഴിഞ്ഞ ദിവസത്തേക്കാൾ 124 പോയിന്റുകൾ/ 0.34 ശതമാനം താഴെയായി 36468 എന്ന നിലയിൽ ബാങ്ക് നിഫ്റ്റി വ്യാപാരം അവസാനിപ്പിച്ചു. 

നിഫ്റ്റി റിയൽറ്റി 2.33 ശതമാനവും നിഫ്റ്റി ഐടി 1.3 ശതമാനവും നഷ്ടം രേഖപ്പെടുത്തി. നിഫ്റ്റി പി.എസ്.യു ബാങ്ക് 1.25 ശതമാനം നഷ്ടം രേഖപ്പെടുത്തി. മറ്റു മേഖലകൾ അസ്ഥിരമായി കാണപ്പെട്ടു.

ഏഷ്യൻ വിപണികൾ ഏറെയും ഇന്ന് കയറിയിറങ്ങി കാണപ്പെട്ടു. അതേസമയം യൂറോപ്യൻ വിപണികൾ നഷ്ടത്തിലാണ് വ്യാപാരം നടത്തുന്നത്.

നിർണായക വാർത്തകൾ 

HDFC ഇന്ന് 2.5 ശതമാനം നേട്ടം കെെവരിച്ച് നിഫ്റ്റിയുടെ ടോപ്പ് ഗെയിനേഴ്സ് പട്ടികയിൽ ഇടംനേടി.

മറ്റു ബാങ്കിംഗ് ഇതര ഓഹരികളായ Can Fin Homes(+4%), LIC Housing Finance(+4.7%), IDFC First Bank(+2.7%), MFSL(+1.8%) എന്നിങ്ങനെ നേട്ടത്തിൽ അടച്ചു.

രാജ്യത്തെ ടെലികോം മേഖലയ്ക്കായുള്ള ദുരിതാശ്വാസ പാക്കേജ് കേന്ദ്ര മന്ത്രിസഭ നാളെ പരിഗണിച്ചേക്കും. Bharti Airtel(+2.4%), Idea(+13.7%), Indus Tower(+7.9%), Reliance(+0.6%) എന്നിങ്ങനെ നേട്ടം കെെവരിച്ചു.

ഐഡിയക്ക് പണം വായ്പ നൽകിയിട്ടുള്ള IndusInd Bank(+0.94%), IDFC First Bank(+2.7%) എന്നിങ്ങനെ ഉയർന്നു.

ആഗോള റേറ്റിംഗ് ഏജൻസിയായ സിഎൽഎസ്എ  ബെെ റേറ്റിംഗ് നൽകിയതിന്  പിന്നാലെ ITC 1.17 ശതമാനം നേട്ടം കെെവരിച്ചു.

പി.എസ്.യു കമ്പനികളായ IRCTC(+9.2%), Cochin Shipyard(+2.1%) എന്നിങ്ങനെ ഉയർന്നു. ഇന്ത്യൻ നാവികസേനയിൽ നിന്ന് കൊച്ചിൻ ഷിപ്പിയാർഡ് 10000 കോടി രൂപയുടെ ഓർഡർ സ്വന്തമാക്കിയിരുന്നു.

ഇലക്ട്രോണിക് കമ്പനികൾ എല്ലാം തന്നെ ഇന്ന് നേട്ടം കെെവരിച്ചു.  Voltas(+5.7%), IFBIND(+4.4%), Blue Star(+1.4%), Bajaj Electricals(+2.8%), Whirlpool(+3.9%), V-Guard(+3.7%) എന്നിങ്ങനെ ഉയർന്നു.

ഊജ്ജീവൻ  ഓഹരികളുടെ പതനം വീണ്ടും തുടർന്നു. Ujjivan(-10%-LC), Ujjivan Small Finance Bank(-3.5%) എന്നിങ്ങനെ നഷ്ടത്തിൽ അടച്ചു.

ഇന്നലത്തെ മുന്നേറ്റത്തിന് ശേഷം റിയൽറ്റി ഓഹരികളായ DLF(-2.7%), Oberoi Realty(-3.2%), Godrej Properties(-1.7%), Prestige(-5.8%), Sobha(-5.7%), IBREALEST(-2.1%) എന്നിങ്ങനെ നഷ്ടത്തിൽ അടച്ചു. 


ടെക്സ്റ്റൈൽ വ്യവസായത്തിനായുള്ള പിഎൽഐ സ്കീം സെപ്റ്റംബർ 8 ന് മന്ത്രിസഭ പരിഗണിക്കും. Bombay Dyeing(+2.4%),Kitex(+3.4%), Sutlej textiles(+2.5%), Welspun (+1.8%) എന്നിങ്ങനെ നേട്ടം കെെവരിച്ചു.

ഖനന വിപുലീകരണത്തിനായി ഓസ്‌ട്രേലിയൻ സർക്കാരിൽ നിന്ന് കമ്പനിയുടെ അനുബന്ധ സ്ഥാപനമായ വൊലോൻഗോംഗ് കോളിന് അംഗീകാരം ലഭിച്ചതിന് പിന്നാലെ Jindal Steel 2.4 ശതമാനം ഉയർന്നു. ആഗസ്റ്റ് മാസം കമ്പനിയുടെ വിൽപ്പന 6 ശതമാനം വർദ്ധിച്ചു.

ആദ്യ ബാച്ച് സ്പുട്നിക് വി വാക്സിൻ പുറത്തിറക്കിയതിന് പിന്നാലെ Panacea Biotech 9.2 ശതമാനം ലാഭത്തിൽ അടച്ചു. 

വിപണി മുന്നിലേക്ക് 

രാവിലത്തെ പതനത്തിന് ശേഷം HDFC, HDFC Bank എന്നീ ഓഹരികൾ വിപണിക്ക് കെെത്താങ്ങായി നിലകൊണ്ടു. നിഫ്റ്റി ഇന്ന് 17280 തകർത്ത് താഴേക്ക് വീണിരുന്നെങ്കിൽ 100-150 പോയിന്റുകളുടെ നഷ്ടത്തിന് കൂടി സൂചിക സാക്ഷ്യംവഹിച്ചേനെ.

മേഖലയ്ക്ക് ദുരിതാശ്വാസ പാക്കേജ് ലഭിക്കുമെന്ന പ്രതീക്ഷയിൽ ടെലികോം ഓഹരികൾ ഇന്ന് കത്തിക്കയറി.

ആഗസ്റ്റ് 9ന് ശേഷമുള്ള ദിവസ കാൻഡിലുകളിൽ ആദ്യമായി നിഫ്റ്റി  തുടർച്ചയായ രണ്ട് ചുവന്ന കാൻഡിലുകൾ രൂപപ്പെടുത്തി. ഐടി ഓഹരികൾ ഇന്ന് നഷ്ടത്തിൽ അടച്ചു. 20 പോയിന്റാണ് ഇൻഫോസിസ് ഓഹരി സൂചികയെ താഴേക്ക് വലിച്ചത്.

ഇന്നലെ അവധിയായിരുന്ന യുഎസ് വിപണി ഇന്ന് രാത്രി തുറക്കും. ആഗോള വിപണിയിൽ അപ്രതീക്ഷിത നീക്കം സംഭവിച്ചാൽ വിപണിയിൽ നാളെ ചാഞ്ചാട്ടം രൂക്ഷമായേക്കാം. ബുധനാഴ്ച ദിവസങ്ങളിൽ പൊതുവെ വിപണിയിൽ ചാഞ്ചാട്ടം കൂടുതലാണ്.

നിഫ്റ്റിയിൽ ഒരു തിരുത്തൽ ഏത് നിമിഷവും സംഭവിക്കുമെന്ന് പ്രതീക്ഷിക്കാം. ഇന്ന് പുതിയ ഉയർന്ന നില കെെവരിക്കാൻ നിഫ്റ്റി ശ്രമം നടത്തിയെങ്കിലും അതിന് സാധിച്ചില്ല. ഇതിനൊപ്പം വി.ഐ.എക്സ് ഉയർന്നതും വിപണി ദുർബലമാണെന്ന സൂചന നൽകുന്നു. ഇതിനൊപ്പം ബാങ്ക് നിഫ്റ്റിയും 36500 എന്ന സപ്പോർട്ട് തകർത്ത് താഴേക്ക് വീണു.

നാളെയോട് കൂടി കാര്യങ്ങൾ കൂടുതൽ വ്യക്തമാകും. നിഫ്റ്റി 17000-ത്തിലേക്കൊ അതിന് താഴേക്കൊ വീണാൽ നെഗറ്റീവായി കരുതാം. നിഫ്റ്റി 17500ലേക്ക് കയറിയാൽ അല്ലെന്നും കരുതാവുന്നതാണ്.

ഏവരും  സ്റ്റോക്ക് മാർക്കറ്റ് ഷോയിൽ പങ്കെടുക്കുമെന്ന്  പ്രതീക്ഷിക്കുന്നു. 

സ്വതന്ത്ര വ്യാപാര കരാറിൽ പങ്കാളികളാകാൻ ബ്രിട്ടനും ന്യൂസിലന്റും 16 മാസത്തെ ചർച്ചകൾക്ക് ശേഷം താരിഫ് കുറയ്ക്കാനും സേവന വ്യാപാരം മെച്ചപ്പെടുത്താനുമായി സ്വതന്ത്ര വ്യാപാര കരാറിൽ ഒപ്പിടാൻ തീരുമാനിച്ച് ബ്രിട്ടനും ന്യൂസിലൻഡും. കരാർ പ്രാബല്യത്തിൽ വരുന്ന ദിവസം മുതൽ ഇരു രാജ്യങ്ങൾക്കുമായി ഉൽപന്നങ്ങളുടെ തീരുവ 97% ഒഴിവാക്കുമെന്നും കരാർ 1 ബില്യൺ ഡോളറിന്റെ ജിഡിപി വർധനവ് ഉണ്ടാക്കുമെന്നും ന്യൂസിലന്റ് പ്രധാനമന്ത്രി ജസിന്ദ ആർഡെർൻ പറഞ്ഞു. കരാറിലൂടെ ബുൾഡോസറുകൾ, വൈൻ, ബസുകൾ, വസ്ത്രങ്ങൾ എന്നിവയുടെ നിരക്കുകൾ കുറയ്ക്കും. അതേസമയം കരാർ […]
ഐഇഎക്സ് ക്യു 2 ഫലം, അറ്റാദായം 75 ശതമാനം വർദ്ധിച്ച് 77 കോടി രൂപയായി സെപ്റ്റംബറിലെ രണ്ടാം പാദത്തിൽ ഇന്ത്യൻ എനർജി എക്സ്ചേഞ്ചിന്റെ (ഐഇഎക്സ്) ഏകീകൃത അറ്റാദായം 75 ശതമാനം വർദ്ധിച്ച് 77 കോടി രൂപയായി. മുൻ പാദത്തെ അപേക്ഷിച്ച് അറ്റാദായം 25 ശതമാനം വർദ്ധിച്ചു. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള പ്രതിവർഷ വരുമാനം 33 ശതമാനം വർദ്ധിച്ച് 7096 കോടി രൂപയായി. അസംസ്കൃതവസ്തുക്കളുടെ വില 56% വർദ്ധിച്ച് 109 കോടി രൂപയായി. അതേസമയം കമ്പനി 2: […]
ഇന്നത്തെ വിപണി വിശകലനം നിഫ്റ്റി ലാഭമെടുപ്പിന് വിധേയമായപ്പോൾ എക്കാലത്തെയും പുതിയ ഉയർന്ന നില സ്വന്തമാക്കി ബാങ്ക് നിഫ്റ്റി. 120 പോയിന്റുകളുടെ ഗ്യാപ്പ് അപ്പിൽ 18384 എന്ന നിലയിൽ വ്യാപാരം ആരംഭിച്ച നിഫ്റ്റി ഇന്ന്  വലിയ തോതിൽ ലാഭമെടുപ്പിന് വിധേയമായി. ഐടി, റിലയൻസ് ഓഹരികൾ ചേർന്ന് കൊണ്ട് സൂചികയെ താഴേക്ക് വലിച്ച് 18200ന് കീഴെ എത്തിച്ചു. ഇവിടെ നിന്നും തിരികെ കയറാൻ ശ്രമം നടത്തിയെങ്കിലും സാധിച്ചില്ല. പിന്നാലെ 18050 എന്ന സപ്പോർട്ടിലേക്ക് സൂചിക വീണു. നിക്ഷേപ സ്ഥാപനങ്ങൾ ഓഹരികൾ […]

Advertisement