ഇന്നത്തെ വിപണി വിശകലനം

വന്യമായ നീക്കങ്ങൾക്ക് ഒടുവിൽ ഫ്ലാറ്റായി അടച്ച് നിഫ്റ്റി.

17068 എന്ന നിലയിൽ നേരിയ ഗ്യാപ്പ് അപ്പിൽ വ്യാപാരം ആരംഭിച്ച നിഫ്റ്റി കുത്തനെ താഴേക്ക് വീണു. 10 മിനിറ്റ് കൊണ്ട് 290 പോയിന്റുകൾ താഴേക്ക് വീണ സൂചിക 16800ന് താഴേക്ക് വീണു. ഇവിടെ നിന്നും ശക്തമായ വീണ്ടെടുക്കൽ നടത്തിയ സൂചിക തിരികെ കയറി അസ്ഥിരമായി നിന്നു.

തുടർന്ന് കഴിഞ്ഞ ദിവസത്തേക്കാൾ 27 പോയിന്റുകൾ/ 0.16 ശതമാനം മുകളിലായി 17054 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു.

ബാങ്ക് നിഫ്റ്റി 36242 എന്ന നിലയിൽ ഗ്യാപ്പ് അപ്പിൽ വ്യാപാരം ആരംഭിച്ചതിന് പിന്നാലെ 900 പോയിന്റുകൾ താഴേക്ക് വീണു. ഇവിടെ നിന്നും നിമിഷ നേരം കൊണ്ട് തിരികെ കയറിയ സൂചിക ലാഭത്തിൽ വ്യാപാരം നടത്തിയെങ്കിലും അവസാനം ഉണ്ടായ ചാഞ്ചാട്ടത്തെ തുടർന്ന് താഴേക്ക് വീണു.

തുടർന്ന് കഴിഞ്ഞ ദിവസത്തേക്കാൾ 49 പോയിന്റുകൾ/ 0.14 ശതമാനം താഴെയായി 35976 എന്ന നിലയിൽ ബാങ്ക് നിഫ്റ്റി വ്യാപാരം അവസാനിപ്പിച്ചു. 

നിഫ്റ്റി പി.എസ്.യു ബാങ്ക് (-2%), നിഫ്റ്റി മീഡിയ(-2.2%), നിഫ്റ്റി റിയൽറ്റി(-1.6%), നിഫ്റ്റി ഫാർമ (-1%) എന്നിവ ഒരു ശതമാനത്തിന് മുകളിൽ നഷ്ടത്തിൽ അടച്ചു. മറ്റു മേഖലാ സൂചികകൾ അസ്ഥിരമായി കാണപ്പെട്ടു.

ഏഷ്യൻ വിപണികൾ എല്ലാം തന്നെ നഷ്ടത്തിലാണ് ഇന്ന് വ്യാപാരം അവസാനിപ്പിച്ചത്. അതേസമയം യൂറോപ്യൻ വിപണികൾ എല്ലാം തന്നെ ലാഭത്തിലാണ് വ്യാപാരം നടത്തുന്നത്.

നിർണായക വാർത്തകൾ

Kotak Bank(+2.8%), Bajaj Finance(+1.4%), Bajaj Finserv(+1.2%), HDFC Bank(+0.76%) എന്നിവ ഇന്ന് ലാഭത്തിൽ അടച്ചു.

HCL Tech(+2%), TCS(+1.6%), WIPRO(+1.4%) തുടങ്ങിയ ഐടി ഓഹരികളും ഇന്ന് ലാഭത്തിൽ അടച്ചു. 

അന്താരാഷ്ട്ര വിപണിയിൽ ഓയിൽ വില ഇടിഞ്ഞതിനെ തുടർന്ന് BPCL(-2.4%), ONGC(-2%), IOC(-1.7%) എന്നിവ നഷ്ടത്തിൽ അടച്ചു കൊണ്ട് നിഫ്റ്റിയുടെ ടോപ്പ് ലൂസർ പട്ടികയിലേക്ക് തള്ളപ്പെട്ടു.

LalPathlab(+6.2%), IPCA Labs(+5.1%), Polymed(+5.1%), Pfizer(+2.7%) എന്നീ ഹെൽത്ത് കെയർ ഓഹരികൾ ലാഭത്തിൽ അടച്ചു. അതേസമയം ഇന്നലെ കത്തിക്കയറിയ ഫാർമ ഓഹരികളായ Granules(-5.6%), Cadila(-3.5%), Glenmark(-3.6%), Sunpharma(-2.1%) എന്നിവ താഴേക്ക് വീണു.

പ്രതിരോധ ഓഹരികളായ BEML(+13.1%), BDL(+6.4%) എന്നിവ ഇന്ന് ശക്തമായ മുന്നേറ്റം നടത്തി.

3000 കോടി രൂപ മൂലധനച്ചെലവുള്ള ബാംഗ്ലൂർ വിപണിയിലേക്ക് കടന്നതിന് ശേഷം 2025-2026 ഓടെ ഏകദേശം 20,000 കോടി വിൽപ്പന പ്രതീക്ഷിക്കുന്നതായി പറഞ്ഞതിന് പിന്നാലെ Macrotech Developers(+3.4%) ഓഹരി നേട്ടത്തിൽ അടച്ചു.

ഇവി ചാർജിംഗ്, ഇവി മോട്ടോർ, ഇവി കൺട്രോളർ ബിസിനസ്സ് എന്നിവയിലേക്ക് പ്രവേശിക്കുമെന്ന് പറഞ്ഞതിന് പിന്നാലെ Shakti Pumps(+6.8%) നേട്ടത്തിൽ അടച്ചു.

വിപണി മുന്നിലേക്ക് 

രൂക്ഷമായ ചാഞ്ചാട്ടത്തിനാണ് നിഫ്റ്റി ഇന്ന് സാക്ഷ്യംവഹിച്ചത്. വ്യാപാരം ആരംഭിച്ച ആദ്യ മണിക്കൂറുകളിൽ തന്നെ വിപണി മുകളിലേക്കും താഴേക്കുമായി വന്യമായ നീക്കം നടത്തി.

ഉച്ചയ്ക്ക് ശേഷം ലേശം സ്ഥിരത കെെവരിച്ചെങ്കിലും മൊത്തത്തിൽ വിപണി ഇപ്പോഴും ശക്തമായിട്ടില്ല. കൊവിഡ് പ്രസിസന്ധി വർദ്ധിച്ചാൽ വിപണിയിൽ വീണ്ടും ഇടിവ് സംഭവിക്കുമോ എന്ന ഭയം നിലനിൽക്കുന്നത് കാണാം.

പോസ്റ്റ്-അറൈവൽ കൊവിഡ് -19 പരിശോധനയ്‌ക്കൊപ്പം പുതിയ ‘ഒമിക്‌റോൺ’ വേരിയന്റുമായി ബന്ധപ്പെട്ട കേസുകൾ കണക്കിലെടുത്ത് അന്താരാഷ്ട്ര യാത്രക്കാർക്കായി ഇന്ത്യ പുതിയ മാർഗ്ഗനിർദ്ദേശങ്ങൾ പുറപ്പെടുവിച്ചിട്ടുണ്ട്.



നിഫ്റ്റിയുടെ എക്കാലത്തെയും ഉയർന്ന നിലയിൽ നിന്ന് ഏകദേശം 10 ശതമാനത്തിന്റെ ഇടിവാണ് ഇന്നത്തെ താഴ്ന്ന നില സൂചിപ്പിക്കുന്നത്. ഈ നില തകർന്നാൽ വിപണി വീണ്ടും ഇടിഞ്ഞേക്കും.

യൂറോപ്യൻ വിപണികൾ യുഎസ് ഫ്യൂച്ചേഴ്സ് എന്നിവ ലാഭത്തിലാണ് കാണപ്പെടുന്നത്. വിപണി തകരുമ്പോൾ നല്ല നിലവാരമുള്ള ഓഹരികളിലേക്കും ഇടിഎഫുകളിലേക്കും നിങ്ങളുടെ  എസ്.ഐ.പി നിക്ഷേപം തുടരുക എന്നതാണ് ഏറ്റവും മികച്ച തന്ത്രം.

ഏവരും സ്റ്റോക്ക് മാർക്കറ്റ് ഷോയിൽ പങ്കെടുക്കുമെന്ന്  പ്രതീക്ഷിക്കുന്നു. 

ഇന്നത്തെ വിപണി വിശകലനം ഇന്ന് 17401 എന്ന നിലയിൽ ഫ്ലാറ്റായി വ്യാപാരം ആരംഭിച്ച നിഫ്റ്റി 1740-500ന് അടുത്തായി പ്രതിബന്ധം നേരിട്ടു. പിന്നീട് ലളിതമായി ഇത് മറികടന്ന സൂചിക മുന്നേറ്റം നടത്തി. തുടർന്ന് കഴിഞ്ഞ ദിവസത്തേക്കാൾ 127 പോയിന്റുകൾ/0.73 ശതമാനം മുകളിലായി 17525 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 37847 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി താഴേക്ക് നീങ്ങി. ശേഷം 37700ൽ ശക്തമായ സപ്പോർട്ട് എടുത്ത സൂചിക ദിവസത്തെ താഴ്ന്ന നിലയിൽ നിന്നും 1.65 […]
പ്രധാനതലക്കെട്ടുകൾ State Bank of India: ജൂൺ പാദത്തിൽ കമ്പനിയുടെ അറ്റാദായം 6.70 ശതമാനം ഇടിഞ്ഞ് 6068 കോടി രൂപയായി. നികുതിക്ക് ശേഷമുള്ള ലാഭം എന്നത് മുൻ പാദത്തിൽ 6504 കോടി രൂപയായിരുന്നു.Titan: ജൂൺ പാദത്തിൽ അറ്റാദായം മൂന്ന് മടങ്ങ് വർദ്ധിച്ച് 790 കോടി രൂപയായി. Tata Motors: ഫോർഡ് ഇന്ത്യയുടെ സാനന്ദ് ആസ്ഥാനമായുള്ള നിർമ്മാണ പ്ലാന്റ് 725.7 കോടി രൂപയ്ക്ക് ഏറ്റെടുക്കാൻ കമ്പനിയുടെ അനുബന്ധ സ്ഥാപനം കരാറിൽ ഒപ്പുവച്ചു. Marico: ജൂൺ പാദത്തിൽ കമ്പനിയുടെ ഏകീകൃത […]
ഇന്നത്തെ വിപണി വിശകലനം ഇന്ന് 17423 എന്ന നിലയിൽ വ്യാപാരം ആരംഭിച്ച നിഫ്റ്റി 4 മണിക്കൂറോളം അസ്ഥിരമായി നിന്നു. ശേഷം താഴേക്ക് വീണ സൂചിക 17350ൽ സപ്പോർട്ട് രേഖപ്പെടുത്തി.തുടർന്ന് കഴിഞ്ഞ ദിവസത്തേക്കാൾ 15 പോയിന്റുകൾ/0.09 ശതമാനം മുകളിലായി 17397 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 37868 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി താഴേക്ക് നീങ്ങി. ശേഷം 38150 ശക്തമായ സപ്പോർട്ട് ആയി മാറി. ഇവിടെ നിന്നും തിരികെ കയറിയ സൂചിക നേരിയ നേട്ടം […]

Advertisement