ഇന്നത്തെ വിപണി വിശകലനം

ആഴ്ചയിലെ അവസാന ദിനം ഫ്ലാറ്റായി അടച്ച് ഇന്ത്യൻ വിപണി.

ഗ്യാപ്പ് ഡൌണിൽ 18197 എന്ന നിലയിൽ വ്യാപാരം ആരംഭിച്ച നിഫ്റ്റി താഴേക്ക് വീണു. ആദ്യത്തെ 3 മിനിറ്റിൽ തന്നെ 80 പോയിന്റുകളുടെ പതനത്തിനാണ് സൂചിക സാക്ഷ്യംവഹിച്ചത്. എന്നാൽ ഇവിടെ നിന്നും സപ്പോർട്ട് എടുത്ത സൂചിക തിരികെ കയറി. എങ്കിലും ലാഭത്തിൽ അടയ്ക്കാൻ സൂചികയ്ക്ക് സാധിച്ചില്ല.

തുടർന്ന് കഴിഞ്ഞ ദിവസത്തേക്കാൾ 2 പോയിന്റുകൾ/ 0.01 ശതമാനം താഴെയായി 18255 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു.

ബാങ്ക് നിഫ്റ്റി 38304 എന്ന നിലയിൽ വ്യാപാരം ആരംഭിച്ചതിന് പിന്നാലെ ചാഞ്ചാട്ടത്തിന് വിധേയമായി കാണപ്പെട്ടു. സാവധാനം താഴേക്ക് വീണ സൂചിക 38000ൽ സപ്പോർട്ട് രേഖപ്പെടുത്തി. സ്വകാര്യ ബാങ്കുകളുടെ പിന്തുണയോടെ 400 പോയിന്റുകളുടെ വീണ്ടെടുക്കലാണ് ഇവിടെ നിന്നും ഉണ്ടായത്.

തുടർന്ന് കഴിഞ്ഞ ദിവസത്തേക്കാൾ 99 പോയിന്റുകൾ/ 0.26 ശതമാനം താഴെയായി 38370 എന്ന നിലയിൽ ബാങ്ക് നിഫ്റ്റി വ്യാപാരം അവസാനിപ്പിച്ചു. 

നിഫ്റ്റി റിയൽറ്റി (+1.1%) നേട്ടത്തിൽ അടച്ചു. മറ്റു മേഖലാ സൂചികകൾ അസ്ഥിരമായി കാണപ്പെട്ടു.

ഏഷ്യൻ വിപണികൾ ഏറെയും ഇന്ന് നഷ്ടത്തിലാണ് വ്യാപാരം അവസാനിപ്പിച്ചത്. യൂറോപ്യൻ വിപണികളും നഷ്ടത്തിലാണ് ഇപ്പോൾ വ്യാപാരം നടത്തുന്നത്. 

നിർണായക വാർത്തകൾ 

Tata Consumer (+4.4%), TCS(+1.8%) എന്നീ ഓഹരികൾ ഇന്ന് നേട്ടം കെെവരിച്ച് നിഫ്റ്റിയുടെ ടോപ്പ് ഗെയിനേഴ്സ് പട്ടികയിൽ ഇടംനേടി. 

ഡിസംബറിലെ പതനത്തിന് ശേഷം RBL Bank (+5.4%) ഓഹരി ഇന്നും ശക്തമായ വീണ്ടെടുക്കൽ കാഴ്ചവച്ചു. AU Bank (-3.5%) ഓഹരി ലാഭമെടുപ്പിന് വിധേയമായി.

BEL (+5%), HAL (+3.4%), BDL (+6.2%), Concor (+3.3%) എന്നീ ഓഹരികൾ നേട്ടത്തിൽ അടച്ചു. IRCTC (+4%) ഓഹരിയും മുന്നേറ്റം നടത്തി.
മൂന്നാം പാദ ഫലങ്ങൾ പുറത്തുവന്നതിന് പിന്നാലെ Mindtree (-4.1%) ഓഹരി താഴേക്ക് വീണു.

എണ്ണ വിപണന കമ്പനികളിൽ ശക്തമായ ബെെയിംഗ് അനുഭവപ്പെട്ടു. BPCL (+1%), IOC (+1.7%) എന്നിവ നേട്ടം കെെവരിച്ച് നിഫ്റ്റിയുടെ ടോപ്പ് ഗെയിനേഴ്സ് പട്ടികയിൽ ഇടംനേടി. ONGC (-1.7%) ഓഹരി ലാഭമെടുപ്പിന് വിധേയമായി.

കമ്പനിയുടെ  ഹൈദരാബാദ് യൂണിറ്റിന് യുഎസ്എഫ്ഡിഎയുടെ മുന്നറിയിപ്പ് കത്ത് ലഭിച്ചതിന് പിന്നാലെ ഗ്യാപ്പ് ഡൌണിൽ തുറന്ന Aurobindo (-3.1%) ഓഹരി നഷ്ടത്തിൽ അടച്ചു. Granules (+4.4% ) 5 മാസത്തെ ഉയർന്ന നിലരേഖപ്പെടുത്തി.

വിപണി മുന്നിലേക്ക് 

ഇന്ത്യയുടെ ഡിസംബറിലെ മൊത്തവ്യാപാര വില 13.56 ശതമാനമായി രേഖപ്പെടുത്തി. നവംബറിൽ ഇത് 14.23 ശതമാനം മാത്രമായിരുന്നു. മൊത്ത ഇന്ധന, ഊർജ്ജ പണപ്പെരുപ്പം 32.3 ശതമാനം എന്ന വലിയ നിരക്കിൽ എത്തി.

നിഫ്റ്റി ഇന്ന് 18200ന് മുകളിൽ ദിവസത്തെ ചാർട്ടിലെ സപ്പോർട്ട് നിലയിലാണുള്ളത്. നിഫ്റ്റി 8 ദിവസമായി ലാഭത്തിലുള്ള കാൻഡിലാണ് രൂപപ്പെടുത്തിയിട്ടുള്ളത്. തുടർച്ചയായി രണ്ട് ദിവസങ്ങൾ ഫ്ലാറ്റായി കാണപ്പെട്ടതിനാൽ തന്നെ മുന്നേറ്റത്തിന്റെ ശക്തി കുറഞ്ഞതായി കാണാം.

ഫെബ്രുവരി 1ന്  അവതരിപ്പിക്കാനിരിക്കുന്ന ബജറ്റ് 2022ന് മുമ്പായി നിക്ഷേപകരും ഊഹക്കച്ചവടക്കാരും സമ്മർദ്ദം അനുഭവിക്കുന്നതായി കാണാം. വിപണിയെ കുത്തനെ താഴേക്ക് വലിക്കാൻ കരടികൾ ശ്രമിക്കുമ്പോൾ എക്കാലത്തെയും പുതിയ ഉയർന്ന നില സ്വന്തമാക്കാനുള്ള ശ്രമത്തിലാണ് കാളകൾ.

റീട്ടെയിൽ നിക്ഷേപകർ വരുന്ന രണ്ട് ആഴ്ച ക്ഷമയോടെ സുരക്ഷിതരായി ഇരിക്കാൻ ശ്രദ്ധിക്കുക. 39000ന് മുകളിലായി ബാങ്ക് നിഫ്റ്റി ബുള്ളിഷായി കാണപ്പെട്ടേക്കും. ശ്രദ്ധിക്കുക.

ഏവരും സ്റ്റോക്ക് മാർക്കറ്റ് ഷോയിൽ പങ്കെടുക്കുമെന്ന്  പ്രതീക്ഷിക്കുന്നു.

ഇന്നത്തെ വിപണി വിശകലനം വിപണിയെ താഴേക്ക് വലിച്ച് റിലയൻസ്, കൈത്താങ്ങായി മറ്റു ഹെവിവെയിറ്റ് ഓഹരികൾ. ഇന്ന് 15703 എന്ന നിലയിലാണ് വ്യാപാരം ആരംഭിച്ച നിഫ്റ്റി അസ്ഥിരമായി മിനിറ്റുകളോളം കാണപ്പെട്ടു. പിന്നീട് 200 പോയിന്റുകളോളം നിഫ്റ്റിയെ താഴേക്ക് വലിച്ച റിലയൻസ് ദിവസത്തെ താഴ്ന്ന നിലയിലേക്ക് സൂചികയെ കൊണ്ട് പോയി. ശേഷം 15500ൽ നിന്നും സപ്പോർട്ട് എടുത്ത് 1.8 ശതമാനം സൂചിക തിരികെ കയറി. തുടർന്ന് കഴിഞ്ഞ ദിവസത്തേക്കാൾ 28 പോയിന്റുകൾ/0.18 ശതമാനം താഴെയായി 15752 എന്ന നിലയിൽ നിഫ്റ്റി […]
വരുന്ന 30 വർഷത്തിനുള്ളിൽ രാജ്യത്തെ കാർബൺ മുക്തമാക്കുക എന്നതാണ് ഇന്ത്യയുടെ പ്രഖ്യാപിത നയം. ഇതിന്റെ ഭാഗമായി ഫോസിൽ ഇന്ധനങ്ങളുടെ ആവശ്യകത കുറയ്ക്കുകയും പുറത്തുനിന്നുള്ള ഇറക്കുമതി വെട്ടിക്കുറയ്ക്കുന്നതിനുമായി റിലയൻസുമായി കേന്ദ്ര സർക്കാർ ചർച്ചനടത്തിവരികയാണ്. പുതിയ നയങ്ങൾ കൊണ്ട് വന്ന് കൊണ്ട് 2022 ഓടെ 175 ജിഗാവാട്ടിന്റെ പുനരുപയോഗ ഊർജം ശേഷി കൈവരിക്കാനാണ് രാജ്യം ലക്ഷ്യമിടുന്നത്. ഇതിന്റെ ഭാഗമായി തന്നെ ഇന്ത്യ ഇപ്പോൾ ഗ്രീൻ ഹൈഡ്രജന്റെ ഉത്പാദനം വർദ്ധിപ്പിക്കാൻ ഒരുങ്ങുകയാണ്. ഇന്നത്തെ ലേഖനത്തിലൂടെ ഗ്രീൻ ഹൈഡ്രജൻ മേഖലയെ പറ്റിയും അവയിലെ […]
പ്രധാനതലക്കെട്ടുകൾ Globus Spirits: തിലക്നഗർ ഇൻഡസ്ട്രീസിന്റെ ഉടമസ്ഥതയിലുള്ള ഡിസ്റ്റിലറികൾക്ക് ആവശ്യമായ എഞ്ചിനീയറിംഗ്, അറ്റകുറ്റപ്പണികൾ, മാർക്കറ്റിംഗ് സേവനങ്ങൾ എന്നിവ കമ്പനി നൽകും. UPL: നേച്ചർ ബ്ലിസ് അഗ്രോയുടെ 100 ശതമാനം ഓഹരി  സ്വന്തമാക്കി കമ്പനി. Lupin: കമ്പനിയുടെ പുതിയ ഡ്രഗ് ആപ്ലിക്കേഷനായ പാലിപെരിഡോൺ എക്സ്റ്റെൻഡഡ്-റിലീസ് ടാബ്‌ലെറ്റുകൾക്ക് യുഎസ് ഫുഡ് ആന്റ് ഡ്രഗ് ആഡ്മിനിസ്ട്രേഷന്റെ അനുമതി ലഭിച്ചു. ഇന്നത്തെ വിപണി സാധ്യത ഇന്നലെ ഫ്ലാറ്റായി 15790 എന്ന നിലയിൽ വ്യാപാരം ആരംഭിച്ച നിഫ്റ്റി വളരെ പെട്ടെന്ന് മുകളിലേക്ക് കയറിയെങ്കിലും താഴേക്ക് […]

Advertisement