ഇന്നത്തെ വിപണി വിശകലനം


രൂക്ഷമായ ചാഞ്ചാട്ടത്തിനൊപ്പം വിപണി നേരിയ നഷ്ടത്തിൽ അടച്ചു.

ഗ്യാപ്പ് അപ്പിൽ 17294 എന്ന നിലയിൽ വ്യാപാരം ആരംഭിച്ച നിഫ്റ്റി ഇന്ന് തകർന്ന് താഴേക്ക് വീണു. തിരികെ കയറാൻ ശ്രമംനടത്തിയെങ്കിലും അതിന് സാധിക്കാതിരുന്ന സൂചിക 17080ൽ സപ്പോർട്ട് രേഖപ്പെടുത്തി. ഉച്ചയ്ക്ക് ശേഷം വിപണി ശക്തമായ വീണ്ടെടുക്കൽ നടത്തി.

തുടർന്ന് കഴിഞ്ഞ ദിവസത്തേക്കാൾ 70 പോയിന്റുകൾ/ 0.40 ശതമാനം താഴെയായി 17153 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു.

ഗ്യാപ്പ് അപ്പിൽ 35709 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി ഇന്ന് ഉച്ചവരെ 36500ന് അടുത്തായി വ്യാപാരം നടത്തി. കുത്തനെ താഴേക്ക് വീണ വിപണി അവസാന നിമിഷം തിരികെ കയറി.

തുടർന്ന് കഴിഞ്ഞ ദിവസത്തേക്കാൾ 177 പോയിന്റുകൾ/ 0.33 ശതമാനം താഴെയായി 35410 എന്ന നിലയിൽ ബാങ്ക് നിഫ്റ്റി വ്യാപാരം അവസാനിപ്പിച്ചു.

നിഫ്റ്റി റിയൽറ്റി(+1.2%)  ഇന്ന് നേട്ടത്തിൽ അടച്ചു. നിഫ്റ്റി ഐടി 1 ശതമാനത്തിൽ ഏറെ താഴേക്ക് വീണു. മറ്റു മേഖലാ സൂചികകൾ അസ്ഥിരമായി കാണപ്പെട്ടു.

ഏഷ്യൻ വിപണികൾ കയറിയിറങ്ങിയാണ് വ്യാപാരം അവസാനിപ്പിച്ചത്. യൂറോപ്യൻ വിപണികൾ ഫ്ലാറ്റായാണ് ഇപ്പോൾ വ്യാപാരം നടത്തുന്നത്. 

നിർണായക വാർത്തകൾ 

പുതിയ ഇലക്ട്രിക് വാഹനം അവതരിപ്പിച്ചതിന് പിന്നാലെ Bajaj Auto(+1.97%) ഓഹരി നിഫ്റ്റിയുടെ ടോപ്പ് ഗെയിനേഴ്സ് പട്ടികയിൽ ഇടംനേടി.

മൂല്യനിർണ്ണയം വളരെ ഉയർന്നതാണെന്ന് ജെപി മോർഗൻ പറഞ്ഞതിന് പിന്നാലെ Titan(-3.61%) ഓഹരി കുത്തനെ താഴേക്ക് വീണു.

Indus Tower(-5%) ഓഹരി ഉയർന്ന വോള്യത്തിൽ കുത്തനെന താഴേക്ക് വീണ് 52 ആഴ്ചയിലെ താഴ്ന്ന നിലരേഖപ്പെടുത്തി.

അതേസമയം ConCoR(+10.99%)  ഓഹരി ശക്തമായ ബ്രേക്ക് ഔട്ട് നടത്തി നവംബറിലെ ഉയർന്ന നില കൈവരിച്ചു.  Tata Elxsi(+10.93%)  ഓഹരിയും എക്കാലത്തെയും ഉയർന്ന നില രേഖപ്പെടുത്തി.

Indian Hotels(+3.9%),  LemonTree(+9.8%), EI Hotel(+7.4%) എന്നീ ഹോട്ടൽ ഓഹരികൾ ഇന്ന് നേട്ടത്തിൽ അടച്ചു.

ഓപ്പൺ മാർക്കറ്റിൽ നിന്നും ഓഹരി ഒന്നിന് 11000 രൂപ വീതം തിരികെ വാങ്ങാൻ അനുമതി നൽകിയതിന് പിന്നാലെ Atul(+2.4%) നേട്ടത്തിൽ അടച്ചു.

വിപണി മുന്നിലേക്ക് 

രണ്ട് ആഴ്ചത്തെ നേട്ടത്തിന് ശേഷം ആഴ്ചയിൽ നഷ്ടത്തിൽ അടച്ച് നിഫ്റ്റി. വിപണിയിലെ പകുതിയിൽ ഏറെ ഓഹരികളും ഈ ആഴ്ച താഴേക്ക് വീണു.

ഏറെയും ബാങ്കിംഗ് ഓഹരികൾ ആഴ്ചയിൽ താഴേക്ക് വീണു. അതേസമയം നിഫ്റ്റി മെറ്റൽ 5 ശതമാത്തിലേറെ നേട്ടത്തിൽ അടച്ചു.

റിലയൻസ് ഓഹരി എക്കാലത്തെയും ഉയർന്ന നിലയിൽ നിന്നും 6 ശതമാനം ദുരെ മാത്രമാണുള്ളത്. ഈ നിലമറിടന്നാൽ സൂചിക ശക്തമായ മുന്നേറ്റം നടത്തിയേക്കും.

നിഫ്റ്റി അസ്ഥിരമായപ്പോൾ സ്മോൾ, മിഡ് ക്യാപ്പ് എന്നിവ മിന്നുപ്രകടനം കാഴ്ചവച്ചു. ഇത് ട്രെൻഡ് നിലനിർത്തിയേക്കാം. നിഫ്റ്റിക്ക് 17000 സപ്പോർട്ടായും 17400 പ്രതിബന്ധമായും കാണപ്പെടുന്നു.  വിപണി ഈ റേഞ്ചിൽ തുടർന്നാൽ സ്മോൾ ക്യാപ്പ് ഓഹരികൾ ശക്തമായ മുന്നേറ്റം നടത്തിയേക്കും.

ഏവരും സ്റ്റോക്ക് മാർക്കറ്റ് ഷോയിൽ പങ്കെടുക്കുമെന്ന്  പ്രതീക്ഷിക്കുന്നു. 

ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 226 പോയിന്റുകൾക്ക് മുകളിലായി 15926 എന്ന നിലയിൽ വ്യാപാരം ആരംഭിച്ച നിഫ്റ്റിക്ക് ഓപ്പണിംഗ് നിലമറികടന്ന് മുന്നേറാൻ സാധിച്ചില്ല. ദുർബലമായി താഴേക്ക് നീങ്ങിയ സൂചിക രാവിലത്തെ പകുതിയിൽ അധികം നേട്ടവും ഇല്ലാതെയാക്കി. തുടർന്ന് കഴിഞ്ഞ ദിവസത്തേക്കാൾ 132 പോയിന്റുകൾ/0.85 ശതമാനം മുകളിലായി 15832 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. ഇന്ന് ഗ്യാപ്പ് അപ്പിൽ 498 പോയിന്റുകൾക്ക് മുകളിലായി 34126 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി സാവധാനം […]
പ്രധാനതലക്കെട്ടുകൾ Zomato: ക്വിക്ക് കൊമേഴ്‌സ് കമ്പനിയായ ബ്ലിങ്ക് കൊമേഴ്‌സിന്റെ 33,018 ഇക്വിറ്റി ഓഹരികൾ 4,447.48 കോടി രൂപയ്ക്ക് ഓൾ-സ്റ്റോക്ക് ഇടപാടിൽ ഏറ്റെടുക്കാൻ ബോർഡ് അംഗീകാരം നൽകിയതായി കമ്പനി എക്‌സ്‌ചേഞ്ചുകളെ അറിയിച്ചു. Dr Reddy’s Laboratories: യുഎസ് ആസ്ഥാനമായ എറ്റോൺ ഫാർമയുടെ ബ്രാൻഡഡ്, ജനറിക് ഇൻജക്‌ടബിൾ ഉൽപ്പന്ന പോർട്ട്‌ഫോളിയോ ഏറ്റെടുക്കുന്നതായി കമ്പനി പ്രഖ്യാപിച്ചു. CSB Bank: ബാങ്കിന്റെ പാർട്ട് ടൈം ചെയർപേഴ്സണായി ഭാമ കൃഷ്ണമൂർത്തിയെ ബോർഡ് നിയമിച്ചതായി ബിഎസ്ഇ ഫയലിംഗിൽ വ്യക്തമാക്കി. SIS: കമ്പനിയുടെ ഇക്വിറ്റി ഓഹരികൾ തിരികെ […]
ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 100 പോയിന്റുകൾക്ക് മുകളിലായി 15657 എന്ന നിലയിൽ വ്യാപാരം ആരംഭിച്ച നിഫ്റ്റി അധികം ചാഞ്ചാട്ടത്തിന് വിധേയമായി കാണപ്പെട്ടില്ല. 100 പോയിന്റുകൾക്ക് ഉള്ളിൽ തന്നെയാണ് സൂചിക വ്യാപാരം നടത്തിയത്. ഇന്നലത്തെ പ്രതിബന്ധമായിരുന്ന 15630 ഇന്ന് സപ്പോർട്ടായി പ്രവർത്തിച്ചു. തുടർന്ന് കഴിഞ്ഞ ദിവസത്തേക്കാൾ 142 പോയിന്റുകൾ/0.92 ശതമാനം മുകളിലായി 15699 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 33434 എന്ന താഴ്ന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി വശങ്ങളിലേക്കാണ് ഇന്ന് […]

Advertisement