ഇന്നത്തെ വിപണി വിശകലനം

ചാഞ്ചാട്ടങ്ങൾക്ക് ഒപ്പം അവസാനത്തെ രണ്ട് മണിക്കൂറിൽ താഴേക്ക് വീണ് വിപണി.

17560 എന്ന നിലയിൽ വലിയ വ്യാപാരം ആരംഭിച്ച നിഫ്റ്റ് ഇന്ന് ചാഞ്ചാട്ടത്തിന് വിധേയമായിരുന്നു. സാവധാനം മുകളിലേക്ക് കയറിയ സൂചിക 17600 പരീക്ഷിച്ചെങ്കിലും ഇത് മറികടക്കാൻ സാധിച്ചില്ല. ഇവിടെ അനുഭവപ്പെട്ട വിൽപ്പന സമ്മർദ്ദത്തെ തുടർന്ന് ദിവസത്തെ ഉയർന്ന നിലയിൽ നിന്നും സൂചിക താഴ്ന്ന നിലയിലേക്ക് വീണു.

തുടർന്ന് കഴിഞ്ഞ ദിവസത്തേക്കാൾ 88 പോയിന്റുകൾ/ 0.50 ശതമാനം താഴെയായി 17415 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു.

ബാങ്ക് നിഫ്റ്റി 37412 എന്ന നിലയിൽ വ്യാപാരം ആരംഭിച്ചതിന് പിന്നാലെ താഴേക്ക് നീങ്ങിയെങ്കിലും 10 മണിക്ക് ശേഷം ബ്രേക്ക് ഔട്ട് നടത്തി മുന്നേറി. തുടർന്ന് 37900 വരെ എത്തിയ സൂചിക 1 മണിയോടെ താഴേക്ക് വീണു. അവസാന നിമിഷം അരങ്ങേറിയ വിൽപ്പന സൂചികയെ രാവിലത്തെ ഓപ്പണിംഗ് നിലയിലേക്ക് എത്തിച്ചു.

തുടർന്ന് കഴിഞ്ഞ ദിവസത്തേക്കാൾ 169 പോയിന്റുകൾ/ 0.45 ശതമാനം മുകളിലായി 37442 എന്ന നിലയിൽ ബാങ്ക് നിഫ്റ്റി വ്യാപാരം അവസാനിപ്പിച്ചു.

നിഫ്റ്റി മീഡിയ(+2%), നിഫ്റ്റി ഓട്ടോ(-1.2%), നിഫ്റ്റി ഐടി(-1.5%), നിഫ്റ്റി എഫ്.എം.സി.ജി(-0.99%) എന്നിങ്ങനെ കാണപ്പെട്ടു. മറ്റു മേഖലാ സൂചികകൾ അസ്ഥിരമായി കാണപ്പെട്ടു.

ഏഷ്യൻ വിപണികൾ ഏറെയും ഇന്ന് നഷ്ടത്തിലാണ് വ്യാപാരം അവസാനിപ്പിച്ചത്. യൂറോപ്യൻ വിപണികൾ കയറിയിറങ്ങിയാണ് വ്യാപാരം നടത്തുന്നത്.

നിർണായക വാർത്തകൾ

Adani Ports(+4.6%) ഓഹരി ഇന്നും നേട്ടം കെെവരിച്ച് നിഫ്റ്റിയുടെ ടോപ്പ് ഗെയിനേഴ്സ് പട്ടികയിൽ ഇടംനേടി. Coal India(+1.8%) ഓഹരിയും നേട്ടം കെെവരിച്ചു.

ONGC(+4.6%), BPCL(+1.4%), NTPC(+1.3%), IOC(+1.1%) എന്നിവയും ലാഭത്തിൽ അടച്ചു.

Kotak Bank(+1.4%), ICICI Bank(+1.1%) എന്നീ ഓഹരികളും നേട്ടം കെെവരിച്ച് ടോപ്പ് ഗെയിനേഴ്സ് പട്ടികയിൽ ഇടംനേടി. ബാങ്ക് നിഫ്റ്റിയിൽ നിന്നുള്ള മറ്റു ഓഹരികൾ അസ്ഥിരമായി നിന്നു. IndusInd Bank(-1.1%) ഓഹരി വീണ്ടും ദുർബലമായി തുടർന്നു.

എഫ്എംസിജി ഓഹരികൾ ഇന്ന് നഷ്ടത്തിൽ അടച്ചു.  Tata Consumer(-2.6%) ടോപ്പ് ലൂസർ പട്ടികയിലേക്ക് തള്ളപ്പെട്ടു. ITC(-1.6%), Britannia(-1%), Dabur(-1.4%), UBL(-1.4%) എന്നിവയും നഷ്ടത്തിൽ അടച്ചു.

നിഫ്റ്റി ഓട്ടോയിലും ഇന്ന് വിൽപ്പന അരങ്ങേറി. Eicher Motors(-2.3%), Maruti(-2.3%), TVS Motors(-1.4%), Tata Motors(-1.3%) എന്നിവ നഷ്ടത്തിൽ അടച്ചു.

സോണി പിക്ചേഴ്സുമായി ചേരുന്നതിനുള്ള അവസാന ഘട്ടത്തിലാണെന്ന് കമ്പനി സി.ഇ.ഒ പറഞ്ഞതിന് പിന്നാലെ ZEEL(+7%) ഓഹരി ലാഭത്തിൽ അടച്ചു.

Vodafone Idea(+3.7%) ഇന്ന് നേട്ടം കെെവരിച്ചപ്പോൾ,  Bharti Airtel(0%) ഓഹരിക്ക് രാവിലത്തെ നേട്ടം നിലനിർത്താൻ സാധിച്ചില്ല.

സ്വകാര്യവത്ക്കരണ വാർത്ത പുറത്തുവന്നതിന് പിന്നാലെ IOB(+13.6%), Central Bank(+10.4%) എന്നിവ നേട്ടത്തിൽ അടച്ചു.

എൻഎസ്ഇയിൽ കമ്പനിയുടെ ഇക്വിറ്റി ഷെയറുകൾ ലിസ്റ്റ് ചെയ്യുന്നത് നാളെ മുതൽ പ്രാബല്യത്തിൽ വരുമെന്ന് അറിയിച്ചതിന് പിന്നാലെ Bajaj Healthcare(+12.7%) നേട്ടത്തിൽ അടച്ചു. നിലവിൽ ഓഹരി ബി.എസ്.ഇയിൽ മാത്രമെ ലിസ്റ്റ് ചെയ്തിട്ടുള്ളു.

വിപണി മുന്നിലേക്ക് 

ജർമ്മനി ചിലപ്പോൾ മുഴുവനായി ലോക്ക്ഡൌൺ പ്രഖ്യാപിച്ചേക്കും. ഒപ്പം വാക്സിനേഷനും നിർബന്ധമാക്കിയേക്കും. ഈ വാർത്ത പുറത്തുവന്നതിന് പിന്നാലെയാണ് മാർക്കറ്റ് ഇന്ന് താഴേക്ക് വീണത്. എന്നാൽ ജർമ്മൻ വിപണി അധികം താഴേക്ക് വീണില്ല.

അദാനി എന്റർപ്രൈസസിന്റെ ഓഹരികൾ എക്കാലത്തെയും ഉയർന്ന നിലയിൽ എത്തിയതോടെ മുകേഷ് അംബാനിയെ പിന്തള്ളി ഏഷ്യയിലെ ഏറ്റവും വലിയ സമ്പന്നനായി ഗൗതം അദാനി. ക്രൂഡോയിൽ വലിയ തോതിൽ ഇറക്കുമതി ചെയ്യുന്ന രാജ്യമാണ് ഇന്ത്യ, എണ്ണവില കുറയുന്നത് നേട്ടമാണ്.

ICICI Bank, Kotak Bank എന്നീ ബാങ്കുകളുടെ പിന്തുണയോടെ ബാങ്ക് നിഫ്റ്റി ഇന്ന് ലാഭത്തിൽ തന്നെ അടച്ചു. അതേസമയം SBI ഓഹരിയിൽ വളരെ വലിയ വോള്യത്തിൽ തന്നെ വിൽപ്പന അരങ്ങേറി. IndusInd Bank ഓഹരി 2021 മെയ്ക്ക് ശേഷമുള്ള ഏറ്റവും താഴ്ന്ന നില രേഖപ്പെടുത്തി.

വിപണി അസ്ഥിരമായി നിൽക്കുന്നതാണ് ഇപ്പോൾ കാണാനാകുന്നത്. ഓക്ടോബറിലെ പതനത്തിന് ശേഷം നവംബറിന്റെ തുടക്കത്തിൽ തന്നെ ഇത് കാണപ്പെട്ടിരുന്നു. കഴിഞ്ഞ ആഴ്ചത്തെ പതനത്തിന് ശേഷവും വിപണി ഇനിയും അസ്ഥിരമായി തുടർന്നേക്കും.

മാസത്തെ എക്സ്പെയറി ആയതിനാൽ തന്നെ നാളെ വിപണിയിൽ ചാഞ്ചാട്ടം രൂക്ഷമായേക്കം.

ഏവരും സ്റ്റോക്ക് മാർക്കറ്റ് ഷോയിൽ പങ്കെടുക്കുമെന്ന്  പ്രതീക്ഷിക്കുന്നു.

പുനരുൽപ്പാദിപ്പിക്കാവുന്ന, താപ ബിസിനസ്സുകളുടെ പുനഃസംഘടനയ്ക്ക് അംഗീകാരം നൽകി ജെഎസ്ഡബ്ല്യു എനർജി ബോർഡ് ഗ്രീൻ (പുനരുപയോഗിക്കാവുന്ന), ഗ്രേ (താപ) ബിസിനസുകളുടെ പുനഃസംഘടനയ്ക്ക് ജെഎസ്ഡബ്ല്യു എനർജി ലിമിറ്റഡിന്റെ ബോർഡ് ഓഫ് ഡയറക്‌ടേഴ്‌സിന്റെ അംഗീകാരം. നിലവിലുള്ളതും വരാനിരിക്കുന്നതുമായ എല്ലാ പുനരുപയോഗ ഊർജ ബിസിനസുകളും കമ്പനിയുടെ പൂർണ ഉടമസ്ഥതയിലുള്ള ഉപസ്ഥാപനമായ ജെഎസ്ഡബ്ല്യു എനർജി നിയോ ലിമിറ്റഡിന് കീഴിലായിരിക്കും. ഫണ്ട് ശേഖരണത്തിനും ഓഹരി ഉടമകൾക്ക് മൂല്യം അൺലോക്ക് ചെയ്യുന്നതിനും കാര്യക്ഷമമായ ഒരു ഹോൾഡിംഗ് ഘടന സജ്ജീകരിക്കുന്നതിനും ഇത് സഹായിക്കും. കോവിഡ്-19 പ്രതിരോധത്തിനായി ഐടിസി നാസൽ […]
ഇന്നത്തെ വിപണി വിശകലനം റിലയൻസ്, ഇൻഫോസിസ് ഓഹരികളുടെ പിന്തുണയോടെ മാസത്തെ എക്സ്പെയറിയിൽ ലാഭത്തിൽ അടച്ച് നിഫ്റ്റി. 17421 എന്ന നിലയിൽ വലിയ വ്യാപാരം ആരംഭിച്ച നിഫ്റ്റി താഴേക്ക് വീഴാൻ ശ്രമം നടത്തി. എന്നാൽ കഴിഞ്ഞ ദിവസത്തെ താഴ്ന്ന നില പരീക്ഷിച്ച സൂചിക ഇവിടെ നിന്നും തിരികെകയറി. 17550 ശക്തമായി മറികടക്കാൻ സാധിക്കാതിരുന്നതിനെ തുടർന്ന് സൂചിക അസ്ഥിരമായി നിന്നു.തുടർന്ന് കഴിഞ്ഞ ദിവസത്തേക്കാൾ 121 പോയിന്റുകൾ/ 0.70 ശതമാനം മുകളിലായി 17536 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. ബാങ്ക് […]
2021-ന്റെ ആരംഭത്തിൽ പഞ്ചാബ് നാഷണൽ ബാങ്ക് ഹൗസിംഗ് ഫിനാൻസ് മുൻഗണനാ ഓഹരികളും കൺവെർട്ടിബിൾ ബോണ്ടുകളും വിതരണം ചെയ്തു കൊണ്ട്  4,000 കോടി രൂപ സമാഹരിക്കാൻ പദ്ധതിയിട്ടു. പിഎൻബി ഹൗസിംഗ് ഫിനാൻസ് ഈ ഓഹരികൾ സ്വകാര്യ ഇക്വിറ്റി സ്ഥാപനമായ കാർലൈൽ ഗ്രൂപ്പിന്റെ നേതൃത്വത്തിലുള്ള നിക്ഷേപ സ്ഥാപനങ്ങൾക്കും ആദിത്യ പുരിയുടെ കുടുംബ നിക്ഷേപ സ്ഥാപനങ്ങൾക്കും മറ്റ് ഒരു കൂട്ടം ഓഹരി ഉടമകൾക്കും അനുവദിക്കാൻ തീരുമാനിച്ചു. എന്നാൽ പ്രോക്സി ഉപദേശക സ്ഥാപനമായ എസ്ഇഎസ്, സെബിക്ക് മുമ്പാകെ ഒരു പ്രശ്നം ഉന്നയിക്കുകയും അത് […]

Advertisement