ഇന്നത്തെ വിപണി വിശകലനം 

15,080 എന്ന നിലയിൽ ഗ്യാപ്പ് അപ്പിൽ തുറന്ന നിഫ്റ്റി ബാങ്കിംഗ് ഓഹരികളുടെ സഹായത്തോടെ ഇന്ന്  ശക്തമായ മുന്നേറ്റം കാഴ്ചവച്ചു.
എന്നാൽ 15170 എന്ന നിലയിൽ എത്തിയ സൂചിക ബാങ്കിംഗ് ഓഹരികൾക്ക് ഒപ്പം താഴേക്ക്  വീണു. ഓപ്പണിംഗ് റേഞ്ചിൽ എത്തിയ സൂചിക പിന്നീട് ഓട്ടോ, മെറ്റൽ ഓഹരികളുടെ സഹായത്തോടെ മുകളിലേക്ക് കത്തിക്കയറി. തുടർന്ന് കഴിഞ്ഞ ദിവസത്തേക്കാൾ  115  പോയിന്റുകൾ/ 0.77% മുകളിലായി 15,097 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു.

ഗ്യാപ്പ് അപ്പിൽ 36,779 എന്ന നിലയിൽ വ്യാപാരം ആരംഭിച്ച
ബാങ്ക് നിഫ്റ്റി 37000 മറികടന്നുവെങ്കിലും അത് നിലനിർത്താനായില്ല. പതിയെ താഴേക്ക് വീണ സൂചിക ഇന്നത്തെ ഓപ്പൺ റേഞ്ച് മറികടന്നെങ്കിലും ഇന്നലത്തെ ഉയർന്ന നിലയിൽ സപ്പോർട്ട് എടുത്ത് തിരികെ കയറി. തുടർന്ന്  കഴിഞ്ഞ ദിവസത്തേക്കാൾ 96 പോയിന്റ്/ 0.27 ശതമാനം മുകളിലായി 36,452 എന്ന നിലയിൽ സൂചിക വ്യാപാരം അവസാനിപ്പിച്ചു. 

നിഫ്റ്റി മെറ്റൽ ഇന്ന് 4 ശതമാനത്തിന് മുകളിൽ നേട്ടംകെെവരിച്ച് മികച്ച പ്രകടനം കാഴ്ചവച്ചു. നിഫ്റ്റി റിയൽറ്റി 1.68 ശതമാനവും ഉയർച്ച രേഖപ്പെടുത്തി. മീഡിയ ഓഹരികളും ഇന്ന് 1 ശതമാനത്തിലേറെ നേട്ടം കെെവരിച്ചു. മറ്റു മേഖല സൂചികകൾ  ഒന്നും തന്നെ ഇന്ന് 1 ശതമാനത്തിന് മുകളിൽ ഉയർച്ച രേഖപ്പെടുത്തിയില്ല.

ഏഷ്യൻ വിപണികൾ എല്ലാം തന്നെ ഇന്ന് ലാഭത്തിലാണ് വ്യാപാരം അവസാനിപ്പിച്ചത്. അതേസമയം യൂറോപ്യൻ വിപണികൾ എല്ലാം തന്നെ കയറിയിറങ്ങി (mixed) കിടക്കുകയാണ്. 

നിർണായക വാർത്തകൾ

Coal India ഓഹരികൾ ഇന്ന് 8 ശതമാനത്തിലേറെ നേട്ടം കെെവരിച്ച് നിഫ്റ്റിയുടെ ടോപ്പ് ഗെയിനേഴ്സ് പട്ടികയിൽ ഇടം നേടി. നിഫ്റ്റി മെറ്റൽ സൂചികയെ പിടിച്ചുയർത്തുന്നതിൽ ഓഹരി പ്രധാന പങ്കുവഹിച്ചു.

Heranba IPO അവസാന ദിവസം 77 തവണ ഓവർ സബ്സ്ക്രെെബ് ചെയ്യപെട്ടു. ഒപ്പം UPL 7 ശതമാനവും RCF 20 ശതമാനവും നേട്ടം കെെവരിച്ചു.

മെറ്റൽ ഓഹരികൾ എല്ലാം തന്നെ ഇന്ന് മികച്ച പ്രകടനമാണ് കാഴ്ചവച്ചത്. Hind Copper 10 ശതമാനം ഉയർന്ന് യു.സി (Upper Circuit) അടിച്ചു. Hindalco, NMDC, JSWSteel എന്നീ ഓഹരികൾ 3 മുതൽ 5 ശതമാനം വരെ നേട്ടം കെെവരിച്ചു.

BHEL ഓഹരികളിൽ ഇന്ന് ശക്തമായ വോളിയം ബ്രേക്ക് ഔട്ട് കാണപ്പെട്ടു. തുടർന്ന് ഓഹരി 4 ശതമാനത്തിന് മുകളിൽ നേട്ടം കെെവരിച്ചു.  

ശക്തമായ മുന്നേറ്റം നടത്തി Reliance ഓഹരികൾ ഇന്ന് നിഫ്റ്റിക്ക് കെെത്താങ്ങായി. 64 പോയിന്റുകളുടെ നേട്ടമാണ് റിലയൻസ് ഇന്ന് സൂചികയ്ക്ക് സംഭാവന ചെയ്തത്. റിലയൻസ് 2100 എന്ന നിർണായക നില മറികടന്നുവെന്നതും ശ്രദ്ധേയമാണ്. ഇത് വരാനിരിക്കുന്ന റാലിയുടെ സൂചനയായേക്കാം.

Nureca  ഓഹരികൾ ഇന്ന് വിപണിയിൽ വ്യാപാരം ആരംഭിച്ചു. 58.74 ശതമാനം പ്രീമിയത്തിൽ 400 രൂപയ്ക്ക് വ്യാപാരം ആരംഭിച്ച ഓഹരി വിപണി അവസാനിച്ചപ്പോൾ 666 എന്ന നിലയിൽ യുസി അടിയ്ക്കപ്പെട്ടു.

Tata Chemicals ഓഹരികൾ ഇന്ന് എക്കാലത്തേയും ഉയർന്ന വില രേഖപ്പെടുത്തി. ഏറെ നാളായി മൂല്യമില്ലെന്ന് അറിയപ്പെട്ടിരുന്ന ഓഹരി ഇപ്പോൾ അതിന്റെ മൂല്യം തിരിച്ചു പിടിച്ചിരിക്കുന്നു എന്ന് വേണം മനസിലാക്കാൻ. ദീർഘകാല നിക്ഷേപത്തിന് ഇത് ഒരു നല്ല സാധ്യത നൽകുന്നു.

ബി 2 ബി പോർട്ടലായ Jd Mart  വിവിധ പ്ലാറ്റ്ഫോമുകളിൽ അവതരിപ്പിച്ചതായി പ്രഖ്യാപിച്ചതിന് പിന്നാലെ Just Dial
ഓഹരികൾ 20 ശതമാനം ഉയർന്നു. 

വിപണി മുന്നിലേക്ക് 

റിലയൻസിന്റെ മാത്രം സഹായത്തോടെ നിഫ്റ്റി ഇന്ന് ശക്തമായ മുന്നേറ്റമാണ് നടത്തിയത്. സൂചിക 15100 വരെ എത്തിയതിനാൽ തന്നെ വിപണി ബുള്ളിഷാണെന്ന് കരുതപ്പെടാം. ഒരുപക്ഷേ റിലയൻസ് അതിന്റെ പൂർവാധികം ശക്തിയോടെ തിരികെ വന്ന് എക്കാലത്തേയും ഉയർന്ന നിലകെെവരിച്ചാൽ നിഫ്റ്റിയും പുതിയ ഉയരങ്ങൾ കീഴടക്കിയേക്കും. കർഷക പ്രക്ഷോഭം, ഫ്യൂച്ചർ കരാർ എന്നീ പ്രശ്നങ്ങൾ പരിഹരിക്കപ്പെട്ടാൽ അംബാനിക്ക് ഈ നേട്ടം തീർച്ചയായും കെെവരിക്കാനാകും.

അദാനി പോർട്ട്സ് ഓഹരികൾ നിങ്ങൾ ഏവരും ദീഘകാല നിക്ഷേപത്തിനായി തിരഞ്ഞെടുത്തിടുണ്ടെന്ന് പ്രതീക്ഷിക്കുന്നു. ഓഹരി ഇന്ന് മാത്രം 5 മുതൽ 6 ശതമാനം വരെ നേട്ടമാണ് കെെവരിച്ചത്. ഇനിയും വാങ്ങിയിട്ടില്ലാത്തവർക്ക് താഴ്ച്ചയിൽ വാങ്ങുന്നതിനെ പറ്റി ചിന്തിക്കാവുന്നതാണ്. അദാനി പോർട്ടിനെ പറ്റി മാർക്കറ്റ്ഫീഡ് എഴുതിയ ലേഖനം വായിക്കാൻ ലിങ്ക് സന്ദർശിക്കുക.

പി.എസ്.യു റാലി തുടരുന്നത് വളരെ രസകരമാണ്. ഇന്നത്തെ ടോപ്പ് ഗെയിനേഴ്സിലെ 4 ഓഹരികളും ഇവയാണ്. പി.എസ്.യു നിക്ഷേപകർക്ക് മികച്ച ലാഭം നൽകുമെന്ന് പ്രതീക്ഷിക്കാം. വളം ഓഹരികളും ഇന്ന് മികച്ച പ്രകടനമാണ് കാണിച്ചത്. ഹെറാണ ഐ.പി.ഒക്കായി അപേക്ഷിച്ചുവെന്ന് കരുതുന്നു. അല്ലാത്തവർക്കായി ഇന്ന്  5 മണിവരെ സമയമുണ്ട്.

ഏവരും രാത്രിയിലെ സ്റ്റോക്ക് മാർക്കറ്റ് ഷോയിൽ പങ്കെടുക്കുമെന്നും അതിലൂടെ മികച്ച സ്റ്റോക്കുകൾ കണ്ടെത്തുമെന്നും പ്രതീക്ഷിക്കുന്നു. 

ഇന്നത്തെ വിപണി വിശകലനം ഓക്ടോബർ 14ന് ശേഷമുള്ള ഏറ്റവും ഉയർന്ന നിലയിൽ നേരിയ ലാഭത്തിൽ അടച്ച് നിഫ്റ്റി. 18246 എന്ന നിലയിൽ വ്യാപാരം ആരംഭിച്ച നിഫ്റ്റി ഇന്ന് രൂക്ഷമായ ചാഞ്ചാട്ടത്തിന് വിധേയമായി. ആദ്യത്തെ കയറ്റത്തിനും ഇറക്കത്തിനും ശേഷം സൂചിക ലാഭത്തിൽ കാണപ്പെട്ടു. തുടർന്ന് കഴിഞ്ഞ ദിവസത്തേക്കാൾ 52 പോയിന്റുകൾ/ 0.29 ശതമാനം മുകളിലായി 18308 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. ബാങ്ക് നിഫ്റ്റി 38269 എന്ന നിലയിൽ വ്യാപാരം ആരംഭിച്ചതിന് പിന്നാലെ ശക്തമായ മുന്നേറ്റം നടത്തിയെങ്കിലും […]
"എന്റെ പരമാവധി ശ്രമിച്ചിട്ടും ലാഭകരമായ ഒരു ബിസിനസ് മോഡൽ സൃഷ്ടിക്കുന്നതിൽ ഞാൻ പരാജയപ്പെട്ടു. ഞാൻ ഒരിക്കലും ആരെയും മനപ്പൂർവ്വം വഞ്ചിക്കുകയോ തെറ്റിദ്ധരിപ്പിക്കുകയോ ചെയ്തിട്ടില്ല. ഒരു സംരംഭകനെന്ന നിലയിൽ ഞാൻ പരാജയപ്പെട്ടു." കത്തിൽ സിദ്ധാർത്ഥ കുറിച്ചു.
പ്രധാനതലക്കെട്ടുകൾ HCL Technologies: 42.5 മില്യൺ ഡോളറിന് ഹംഗേറിയൻ ഡാറ്റാ എഞ്ചിനീയറിംഗ് സേവന കമ്പനിയായ സ്റ്റാർഷെമയെ ഏറ്റെടുക്കുന്നതിനുള്ള കരാറിൽ കമ്പനി ഒപ്പുവച്ചു. 2022 മാർച്ചോടെ ഏറ്റെടുക്കൽ പൂർത്തിയാകുമെന്നാണ് പ്രതീക്ഷിക്കുന്നത്. Hero Motocorp: ആതർ എനർജിയിൽ കമ്പനി 420 കോടി രൂപ വരെ കൂടുതൽ നിക്ഷേപിക്കും. ഇതോടെ ഏതറിലെ ഹീറോ മോട്ടോകോർപ്പിന്റെ ഓഹരി പങ്കാളിത്തം നിലവിലെ 34.8 ശതമാനത്തിൽ നിന്ന് വർദ്ധിക്കും. Maruti Suzuki: ശനിയാഴ്ച മുതൽ ശരാശരി 1.7 ശതമാനം വില വർദ്ധിപ്പിച്ച് കമ്പനി. PVR: ആന്ധ്രാപ്രദേശിൽ […]

Advertisement