നിക്ഷേപകർ എന്നും   ഐ.പി.ഒകൾക്കായി കാത്തിരിക്കാറുണ്ട് . ഓരോ കമ്പനിയും പബ്ലിക്ക് ആയി ലിസ്റ്റ് ചെയ്യുമ്പോൾ ഓരോ നിക്ഷേപകനും അതേപറ്റി കൂടുതൽ പഠിക്കാനും അറിയാനും ശ്രമിക്കും. ശരിയായ പഠനത്തിലൂടെ  മികച്ച ഐ.പി.ഒകൾ  കണ്ടെത്തി നേട്ടം കെെവരിക്കുന്നവരും  നമ്മുക്കിടയിലുണ്ട്. 2021ലെ ആദ്യ ഐ.പി.ഒ  IRFC നടത്തി കഴിഞ്ഞു. ഇതിന് പിന്നാലെ രണ്ടാം സ്ഥാനം കരസ്ഥമാക്കാൻ എത്തുകയാണ്  Indigo Paints. ജനുവരി 20ന് ആരംഭിക്കുന്ന ഐ.പി.ഒ 22 വരെ തുടരും. ഐ.പി.ഒയ്ക്കായി അപേക്ഷിക്കും മുമ്പ് ഇൻഡിഗോ പെയിന്റ്സിനെ   കൂടുതൽ അടുത്തറിയാം. 

കമ്പനിയെ പറ്റി കൂടുതൽ അറിയാം

ഐ.പി.ഒയ്ക്കായി അപേക്ഷിക്കുന്നതിന് മുമ്പ് തന്നെ കമ്പനി എന്താണെന്നും അതിന്റെ ബിസിനസ് എന്താണെന്നും മനസിലാക്കേണ്ടത് വളരെ അത്യാവശ്യമാണ്.

ഇൻഡിഗോ പെയിന്റ്സ് വിവിധ തരം അലങ്കാര പെയിന്റുകൾ നിർമ്മിക്കുന്ന കമ്പനിയാണ്. എമൽ‌ഷനുകൾ‌, വുഡ് കോട്ടിംഗുകൾ‌, ഡിസ്റ്റെം‌പറുകൾ‌, ഇനാമലുകൾ‌, പുട്ടികൾ‌, സിമൻറ് പെയിന്റുകൾ‌ എന്നിവ ഇതിന്റെ ഉത്പ്പന്ന ശ്രേണിയിൽ‌ ഉൾപ്പെടും. ഇത്തരത്തിൽ വ്യത്യസ്ഥമായ ഉത്പന്നങ്ങൾ നിർമ്മിക്കുന്ന രാജ്യത്തെ ആദ്യത്തെ കമ്പനി കൂടിയാണ് ഇൻഡിഗോ പെയിന്റ്സ്. ഗ്ലോബൽ കോട്ട് എമൽഷനുകൾ, ഡേർട്ട് പ്രൂഫ്, വാട്ടർപ്രൂഫ് എക്സ്റ്റീരിയർ ലാമിനേറ്റ്, പി യു സൂപ്പർ ഗ്ലോസ് ഇനാമൽ എന്നിവയും ഇതിൽ ഉൾപ്പെടുന്നു.

രാജസ്ഥാനിലെ  ജോധ്പൂർ  തമിഴ്നാട്ടിലെ പുതുക്കോട്ടെെ,  കേരളത്തിൽ കൊച്ചി എന്നിവിടങ്ങളിലായി  ഇൻഡിഗോ പെയിന്റ്സിന്  മൂന്ന് നിർമ്മാണ ശാലകളുണ്ട്. ഇവിടങ്ങളിൽ നിന്ന് കമ്പനിക്ക്  നിർമാണത്തിന് ആവശ്യമായ സാധനങ്ങൾ വളരെ വേഗത്തിൽ ലഭ്യമാകുന്നതിനാൽ    കമ്പനിയുടെ ചെലവ് കുറവാണ്. 

FY20ലെ വരുമാന  കണക്കുകൾ പ്രകാരം ഇൻഡിഗോ പെയിന്റ്സ് അഞ്ചാം സ്ഥാനത്താണുള്ളത്. ഒരു പെയിന്റ് കമ്പനിയെന്ന നിലയിൽ  ശക്തമായ വിതരണ ശൃംഖലയാണ്  ഇൻഡിഗോ പെയിന്റ്സിനുള്ളത്.

27 സംസ്ഥാനങ്ങളിലും 7 കേന്ദ്ര ഭരണ പ്രദേശങ്ങളിലും നീണ്ടു നിവർന്ന് കിടക്കുകയാണ് ഇൻഡിഗോ പെയിന്റ്സിന്റെ  വിതരണം ശൃംഖലയെന്നത് ഏറെ ശ്രദ്ധേയമാണ്. ഇക്കാരണത്താൽ തന്നെ കമ്പനിക്ക് ശക്തമായ ഒരു വിതരണ ശൃംഖല രാജ്യത്തുണ്ടെന്ന് കണാനാകും.  

ഐ.പി.ഒ  വിശദാംശങ്ങൾ

ഇൻഡിഗോ പെയിന്റ്സിന്റെ ഐ.പി.ഒ 2021 ജനുവരി 20ന് ആരംഭിച്ച്
ജനുവരി  22ന് അവസാനിക്കും. ഐ.പി.ഒയുടെ മുഴുവൻ വിതരണ സംഖ്യ 1176 കോടി രൂപയാണ്.  ഐപിഒയുടെ പ്രൈസ് ബാൻഡ് ഇക്വിറ്റി ഷെയർ ഒന്നിന്  1488 മുതൽ 1490 രൂപ  വരെയാകും. അതിനാൽ നിങ്ങൾക്ക് കുറഞ്ഞത് 10 ഷെയർ( ഒരു ലോട്ട്) എങ്കിലും വാങ്ങേണ്ടി വരും.  13 ലോട്ട് അഥവ 130 ഷെയറിൽ  കൂടുതൽ നിങ്ങൾക്ക്  വാങ്ങാനുമാകില്ല. ഇതിനാൽ തന്നെ മിനിമം 14900 രൂപയെങ്കിലും ഈ ഐ.പി.ഒ വാങ്ങാൻ നിങ്ങൾക്ക് ചെലവാക്കേണ്ടി വരും. ഏറ്റവും കൂടുതൽ വാങ്ങാൻ 193,700  രൂപ വരെ  ചെലവു വരും. 

നിലവിൽ  60.5 ശതമാനം ഓഹരികളാണ്  കമ്പനിയുടെ പ്രൊമോട്ടർമാർ കെെവശം വച്ചിരിക്കുന്നത്. ഐ.പി.ഒ കഴിയുമ്പോൾ  ഇത് 54 ശതമാനമായി കുറയും. ജനുവരി 28ന്  ഐ.പി.ഒ ആർക്കൊക്കേ ലഭ്യമായെന്ന് അറിയാനാകും. ഫെബ്രുവരി 2 ഓടെ ഇൻഡിഗോ പെയിന്റ്സ്   വിപണിയിൽ  ലിസ്റ്റ്  ചെയ്യപ്പെടുകയും  ചെയ്യും.

സെക്വോയ ക്യാപിറ്റൽ ഇന്ത്യ ഇൻവെസ്റ്റ്‌മെന്റ്സ് IV, എസ്‌.സി‌.ഐ ഇൻവെസ്റ്റ്‌മെന്റ് വി എന്നീ നിക്ഷേപ സ്ഥാപനങ്ങൾ യഥാക്രമം 20.05 ലക്ഷം ഇക്വിറ്റി ഷെയറുകളും 21.65 ലക്ഷം ഷെയറുകളും വിൽക്കും.
ഐ.പി.ഒയുടെ ഭാഗമായി കമ്പനി പ്രൊമോട്ടർ Hemant Jalan 16.70 ലക്ഷ്യം ഇക്യൂറ്റി ഷെയറുകൾ വിൽക്കും. 

ഇൻഡിഗോ പെയിന്റ്സ് ഐ.പി.ഒയിലൂടെ ലഭിക്കുന്ന പണം നാല്  തരത്തിൽ ചിലവഴിക്കും

കമ്പനിയുടെ ആവശ്യങ്ങൾക്കായും മറ്റുവിപുലീകരണങ്ങൾക്കായും ആകും ആദ്യം തുക വിലയിരുത്തുക. പുതുക്കോട്ടയിലെ തങ്ങളുടെ നിർമ്മാണ ശാല വിപുലീകരിക്കാൻ കമ്പനി പദ്ധതിയിടുന്നു. കുറഞ്ഞ ചെലവിൽ കൂടുതൽ ഉത്പദനം നടത്താൻ കമ്പനിക്ക് ഇത് സഹായകരമാകും. കൂടുതൽ ടിൻറിംഗ് മെഷിനുകളും ഗൈറോ ഷേക്കറുകളും വാങ്ങാനാണ് കമ്പനി രണ്ടാം ഘട്ടത്തിൽ തുക മാറ്റിവയ്ക്കുക. മൂന്നാമതായി കമ്പനിയുടെ മുഴുവൻ കടങ്ങൾ വീട്ടുക, അധികമുളള തുക കമ്പനിയുടെ കോർപ്പറേറ്റ് ആവശ്യങ്ങൾക്കായി വകമാറ്റും.

സാമ്പത്തിക അവലോകനം

30 September 202031 March 202031 March 201931 March 2018
Total Assets411.29421.95373.18297.39
Total Income260.24626.43537.26403.10
Profit after Tax27.2047.8126.8712.86

കഴിഞ്ഞ മൂന്ന് വർഷത്തിനുള്ളിലുള്ള കമ്പനിയുടെ വരുമാനവും ലാഭവും അടങ്ങുന്ന കണക്കുകളാണ് മുകളിലത്തെ ടേബിളിൽ കാണാനാവുക.

FY19 നെ അപേക്ഷിച്ച്  FY20ൽ കമ്പനിയുടെ വരുമാനം  16 ശതമാനം വർദ്ധിച്ചു. ഇതേ കാലയളവിൽ  കമ്പനിയുടെ ലാഭം  80 ശതമാനം വർദ്ധനവ് രേഖപ്പെടുത്തി 26.7ൽ നിന്ന് 47.81 കോടിയോളം ഉയർന്നു. കഴിഞ്ഞ ഒരു വർഷത്തിനുള്ളിൽ കമ്പനിയുടെ കടം 26.91ൽ നിന്നും 24.71 ആയി കുറഞ്ഞു. ഇത്  ഇൻഡിഗോ പെയിന്റ്സിനെ സംബന്ധിച്ചിടത്തോളം വളരെ നല്ല സൂചനയാണ് നൽകുന്നത്. 2020-21 ന്റെ ആദ്യ പകുതിയിൽ കമ്പനി 260 കോടി രൂപയുടെ വരുമാനം രേഖപ്പെടുത്തി. എന്നാൽ FY20ൽ കമ്പനിയ്ക്ക് മികച്ച പ്രകടനം കാഴ്ചവയ്ക്കാനായില്ല. ഇത് കൊവിഡ് പ്രതിസ്ഥിമൂലം മാത്രമാണ്. 

അപകടസാധ്യത

ഇന്ത്യൻ പെയിന്റ് നിർമാണ   മേഖലയിൽ  ഏഷ്യൻ പെയിന്റ്സ് ,ബർഗർ പെയിന്റ്സ്, കൻസായി നെറോലാക്ക്, അക്സോനോബൽ
തുടങ്ങി നിരവധി  ബ്രാൻഡഡ്  കമ്പനികളുണ്ട്. സെയിൽസിന്റെ കണക്കെടുത്താൽ  ഇൻഡിഗോ പെയിന്റ്സിന്റെ സ്ഥാനം ഈ കമ്പനികൾക്കും  വളരെ പിന്നിലാണ്.

കമ്പനിയുടെ ബ്രാൻഡ് പേര് പെരുമ എല്ലാം തന്നെ ബിസിനസിൽ വളരെ പ്രാധാന്യം അഹിക്കുന്ന ഒന്നാണ്. ഇതിനാൽ തന്നെ കമ്പനിയുടെ ബ്രാൻഡിനോട് ഉള്ള വിശ്വാസമോ മൂലം നേരത്തെ ഉപയോഗിച്ചിരുന്ന ബ്രാൻഡോ മാത്രമെ ഏറയും ഉപഭോക്താക്കൾ തിരിഞ്ഞെടുക്കുകയുള്ളു. ഇക്കാരണത്താൽ തന്നെ പുതിയ കമ്പനികൾ ഉപഭോക്താക്കളുടെ മനസിൽ സ്ഥാനം പിടിക്കാൻ ഏറെ സമയമെടുക്കും.

ഇൻഡിഗോ പെയിന്റ്സ് അവരുടെ ഡീലർമാരുമായി ഹ്രസ്വകാല കരാറുകൾ ഉണ്ടാക്കുന്ന രീതിയാണ് പിന്തുടരുന്നത്. കരാറുകൾ നിരന്തരം പുതുക്കുകയും ചെയ്യുന്നു.  എന്നാൽ ഇതിൽ വീഴ്ച സംഭവിച്ചാൽ അത് കമ്പനിയുടെ ബിസിനസിനെ തന്നെ ബാധിച്ചേക്കാം. ഇൻഡിഗോ പെയിന്റ്സ് അവരുടെ നിർമാണത്തിന് ആവശ്യമായ ചില വസ്തുക്കൾ വിദേശ രാജ്യങ്ങളിൽ നിന്നുമാണ് ഇറക്കുമതി ചെയ്യുന്നത്. ഇറക്കുമതിയിൽ ഏതെങ്കിലും തരം നിയന്ത്രണം ഏർപ്പെടുത്തിയാൽ ഇത് കമ്പനിയുടെ നിർമാണ ചെലവ് വർദ്ധിപ്പിക്കും.

ഐ.പി.ഒ വിവരങ്ങൾ ചുരുക്കത്തിൽ

IPO DateJan 20, 2021 – Jan 22, 2021
Issue TypeBook Built Issue IPO
Face ValueRs 10 per equity share
IPO PriceRs 1488 to Rs 1490 per equity share
Lot Size10 Shares
Offer for Sale (goes to promoters)58,40,000 Equity Shares 
Fresh Issue (goes to the company)Rs 300 crore
Issue SizeRs 1,176 Crore
Listing AtBSE, NSE

നിഗമനം

ബിസിനസ് സാധ്യതകൾ പരിശോധിച്ചാൽ കമ്പനി മികച്ച പ്രകടനമാണ് കഴിഞ്ഞ കുറച്ചു വർഷങ്ങളായി കാഴ്ചവയ്ക്കുന്നത്. മികച്ച രീതിയിലുള്ള വളർച്ചയും  രേഖപ്പെടുത്തിയിട്ടുണ്ട്. അടിസ്ഥാനപരമായി വളരെ ശക്തമായി നിലക്കൊള്ളുന്ന ഈ കമ്പനിയുടെ  ROE  24 ശതമാനമാണുള്ളത്.  ROCE  27.5 ശതമാനവും കാണാനാകും. വളരെ വലിയ രീതിയിൽ ഉപഭോക്താക്കൾക്ക് ആവശ്യമായ ഉത്പങ്ങൾ കമ്പനി നിർമ്മിക്കുന്നു. ഇത് എല്ലാത്തരം കസ്റ്റമേയ്സിനും ആവശ്യമായ ഉത്പനങ്ങൾ ലഭ്യമാക്കാൻ സഹായിക്കും. ഇത് കമ്പനിയുടെ കച്ചവട സാധ്യത വർദ്ധിപ്പിക്കും.

പെയിന്റ് നിർമാണ മേഖലയിൽ വളരെ വലിയ മത്സരം നടക്കുന്നതിനാൽ ശക്തരായ മറ്റു കമ്പനികൾ ഇൻഡിഗോ പെയിന്റ്സിന് ഭീഷണിയായേക്കാം.  ഇതിനാൽ തന്നെ ഈ കമ്പനികളോട് മത്സരിക്കാൻ ഇൻഡിഗോ പെയിന്റ്സ് പുതിയ തന്ത്രങ്ങൾ പയറ്റേണ്ടി വരും.

ഒക്ടോബറിൽ 8 മില്യൺ കൊവിഡ്  വാക്സിൻ  കയറ്റുമതി ചെയ്യാൻ ഒരുങ്ങി ഇന്ത്യ കൊവിഡ് വാക്സിൻ വിദേശത്തേക്ക് കയറ്റുമതി ചെയ്യുന്നതിനുള്ള നിരോധനം അവസാനിപ്പിച്ച് ഇന്ത്യ. ഒക്ടോബർ അവസാനത്തോടെ ഇന്ത്യ എട്ട് ദശലക്ഷം കൊവിഡ് -19 വാക്സിൻ ഡോസുകൾ കയറ്റുമതി ചെയ്യും. ഏഷ്യ-പസഫിക് മേഖലകളിൽ കൊവിഡ് വാക്സിനുകൾ കയറ്റി അയയ്ക്കുന്നതിൽ ചൈനീസ് സ്വാധീനം ശക്തമാണ്. ഇതിനെ ചെറുക്കാനാണ് ഇന്ത്യ, ജപ്പാൻ, ഓസ്‌ട്രേലിയ, യുഎസ് തുടങ്ങിയ രാജ്യങ്ങൾ ശ്രമിക്കുന്നത്. ഇതേ തുടർന്നാണ് ‘ക്വാഡ്’ നേതാക്കളുടെ യോഗത്തിൽ വാക്സിനുകളുടെ കയറ്റുമതി പുനരാരംഭിക്കുമെന്ന് പ്രധാനമന്ത്രി […]
1,000 മെഗാവാട്ടിന്റെ ഗ്രിഡ് കണക്റ്റഡ് സോളാർ പവർ പ്രോജക്റ്റ് സ്ഥാപിക്കാൻ ഒരുങ്ങി എസ്ജെവിഎൻ ഇന്ത്യൻ റിന്യൂവബിൾ എനർജി  ഡവലപ്മെന്റ് ഏജൻസിയുടെ കെെയ്യിൽ നിന്നും 1,000 മെഗാവാട്ടിന്റെ ഗ്രിഡ് കണക്റ്റഡ് സോളാർ പവർ പ്രോജക്റ്റ് സ്ഥാപിക്കാനുള്ള കരാർ നേടി സത്‌ലജ് ജൽ വിദ്യുത് നിഗം. പദ്ധതിയുടെ നിർമാണത്തിനും വികസനത്തിനുമുള്ള താത്ക്കാലിക ചെലവ് 5,500 കോടി രൂപയാണ്. പ്രാരംഭ വർഷത്തിൽ ഇതിൽ നിന്നും 2,365 ദശലക്ഷം യൂണിറ്റ് വൈദ്യുതി ഉത്പാദിപ്പിക്കാമെന്നാണ് പ്രതീക്ഷിക്കുന്നത്. പദ്ധതിയിൽ നിന്ന് ഉത്പാദിപ്പിക്കുന്ന വൈദ്യുതി നേരിട്ടോ വൈദ്യുതി […]
ഇന്നത്തെ വിപണി വിശകലനം ഉയർന്ന ഗ്യാപ്പ് അപ്പിൽ വ്യാപാരം ആരംഭിച്ചതിന് ശേഷം നേരിയ ലാഭത്തിൽ അടച്ച് നിഫ്റ്റി. ഗ്യാപ്പ് അപ്പിൽ 17902 എന്ന നിലയിൽ വ്യാപാരം ആരംഭിച്ച നിഫ്റ്റി ഇന്ന് ഐടി ഓഹരികളുടെ പിന്തുണയോടെ ശക്തമായ മുന്നേറ്റം കാഴ്ചവച്ചു. നിമിഷങ്ങൾക്കുള്ളിൽ തന്നെ എക്കാലത്തെയും ഉയർന്ന നിലയായ 17950 രേഖപ്പെടുത്തിയ സൂചിക പിന്നീട് ദുർബലമായി കാണപ്പെട്ടു. ശേഷം ഇവിടെ നിന്നും 130 പോയിന്റുകളാണ് സൂചിക താഴേക്ക് വീണത്. തുടർന്ന് കഴിഞ്ഞ ദിവസത്തേക്കാൾ 30 പോയിന്റുകൾ/ 0.17 ശതമാനം മുകളിലായി […]

Advertisement