ഒക്ടോബറിൽ 8 മില്യൺ കൊവിഡ്  വാക്സിൻ  കയറ്റുമതി ചെയ്യാൻ ഒരുങ്ങി ഇന്ത്യ

കൊവിഡ് വാക്സിൻ വിദേശത്തേക്ക് കയറ്റുമതി ചെയ്യുന്നതിനുള്ള നിരോധനം അവസാനിപ്പിച്ച് ഇന്ത്യ. ഒക്ടോബർ അവസാനത്തോടെ ഇന്ത്യ എട്ട് ദശലക്ഷം കൊവിഡ് -19 വാക്സിൻ ഡോസുകൾ കയറ്റുമതി ചെയ്യും. ഏഷ്യ-പസഫിക് മേഖലകളിൽ കൊവിഡ് വാക്സിനുകൾ കയറ്റി അയയ്ക്കുന്നതിൽ ചൈനീസ് സ്വാധീനം ശക്തമാണ്. ഇതിനെ ചെറുക്കാനാണ് ഇന്ത്യ, ജപ്പാൻ, ഓസ്‌ട്രേലിയ, യുഎസ് തുടങ്ങിയ രാജ്യങ്ങൾ ശ്രമിക്കുന്നത്. ഇതേ തുടർന്നാണ് ‘ക്വാഡ്’ നേതാക്കളുടെ യോഗത്തിൽ വാക്സിനുകളുടെ കയറ്റുമതി പുനരാരംഭിക്കുമെന്ന് പ്രധാനമന്ത്രി നരേന്ദ്ര മോദി ഉറപ്പു നൽകിയത്.  

കുടിശ്ശിക വീണ്ടെടുക്കാൻ അൻസൽ ഹൗസിംഗിന്റെ ഓഹരികളുടെ ഒരു ഭാഗം വിറ്റ് എച്ച്ഡിഎഫ്സി

കുടിശ്ശിക വീണ്ടെടുക്കുന്നതിനായി അൻസൽ ഹൗസിംഗ് ലിമിറ്റഡിൽ നിന്ന് ആവശ്യപ്പെട്ട ഓഹരികളുടെ ഒരു ഭാഗം വിറ്റ് ഹൗസ് ഡെവലപ്മെന്റ് ഫിനാൻസ് കോർപ്പറേഷൻ (എച്ച്ഡിഎഫ്സി). കമ്പനിയുടെ ഓഹരി മൂലധനത്തിന്റെ 2.13% ആണ് വിറ്റത്. 12.67 ലക്ഷം ഓഹരികളാണിത്. ഓഗസ്റ്റ് 4 നാണ് എച്ച്ഡിഎഫ്സി വായ്പ കുടിശ്ശിക വീണ്ടെടുക്കാനായി അൻസൽ ഹൗസിംഗിന്റെ 46.2 ലക്ഷം ഓഹരികൾ ആവശ്യപ്പെട്ടത്. ഇത് കമ്പനിയുടെ ഓഹരി മൂലധനത്തിന്റെ 7.78% ആണ്.

അൻപത്തിയാറ് സി- 295 മിലിട്ടറി ട്രാൻസ്പോർട്ട് എയർക്രാഫ്റ്റുകൾ നിർമിക്കാൻ കരാർ ഏറ്റെടുത്ത് ടാറ്റയും എയർബസും

അൻപത്തിയാറ് സി-295 എം ഡബ്ള്യു ട്രാൻസ്പോർട്ട് എയർക്രാഫ്റ്റുകൾ നിർമിക്കാനായി ടാറ്റയുമായും എയർബസ് ഡിഫൻസ് ആന്റ് സ്പേസുമായും കരാർ ഒപ്പിട്ട് പ്രതിരോധ മന്ത്രാലയം. 22,000 കോടി രൂപയുടേതാണ് കരാർ. കരാർ അനുസരിച്ച് നാല് വർഷത്തിനുള്ളിൽ എയർബസ് ഡിഫൻസ് ആൻഡ് സ്പെയ്സ് നാല് വർഷത്തിനുള്ളിൽ 16 എയർക്രാഫ്റ്റുകൾ നിർമിക്കും. എയർബസ് ഡിഫൻസ് ആൻഡ് സ്പേസിന്റേയും ടാറ്റാ അഡ്വാൻസ്ഡ് സിസ്റ്റം ലിമിറ്റഡിന്റെയും കൺസോർഷ്യമായിരിക്കും പത്ത് വർഷത്തിനുള്ളിൽ ബാക്കിയുള്ള 40 വിമാനങ്ങൾ നിർമിക്കുക. 5 മുതൽ 10 ടൺ വരെ ശേഷിയുള്ള കട്ടിംഗ് എഡ്ജ് സാങ്കേതികവിദ്യയുള്ള ഗതാഗത വിമാനമാണ് സി-295 എം ഡബ്ള്യു.

5 വർഷത്തിനുള്ളിൽ വരുമാനം ഇരട്ടിയാക്കാൻ എൽ ആൻഡ് ടി

ലാർസൺ ആൻഡ് ടൂബ്രോയുടെ വരുമാനം അടുത്ത അഞ്ച് വർഷത്തിനുള്ളിൽ ഇരട്ടിയാക്കാൻ കമ്പനി ലക്ഷ്യമിടുന്നതായി കമ്പനിയുടെ സിഇഒയും എംഡിയുമായ എസ്എൻ സുബ്രഹ്മണ്യൻ പറഞ്ഞു. കമ്പനിയുടെ 2021-26 സാമ്പത്തിക വർഷത്തിലെ കോമ്പൗണ്ട് ആനുവൽ ഗ്രോത്ത് റേറ്റ് അഥവാ സിഎജിആർ 16.4% ആണ്. അതേസമയം അന്താരാഷ്ട്രതലത്തിലെ ഓർഡറുകൾ ശക്തമായി തുടരുന്നുണ്ടെന്നും സിഇഒ കൂട്ടിച്ചേർത്തു. എൽ & ടി യുടെ മൊത്തം ഓർഡറിന്റെ 20% ആണിത്.

ബയോകോണിന്റെ മലേഷ്യൻ നിർമാണ യൂണിറ്റ് പരിശോധിച്ച ശേഷം 6 നിരീക്ഷണങ്ങളുമായി യുഎസ്എഫ്ഡിഎ

ബയോകോൺ ലിമിറ്റഡിന്റെ മലേഷ്യൻ സബ്‌സിഡിയറിയുടെ നിർമാണ ശാല പരിശോധിച്ച ശേഷം ആറ് നിരീക്ഷണങ്ങളുമായി യുഎസ് ഫുഡ് & ഡ്രഗ് അഡ്മിനിസ്ട്രേഷൻ (യുഎസ്എഫ്ഡിഎ). സെപ്റ്റംബർ 13 നും 24 നും ഇടയിലാണ് ഇൻസുലിൻ ആസ്പാർട്ടിനായുള്ള എസ്ഡിഎൻ ബിഎച്ച്ഡിയുടെ നിർമാണ കേന്ദ്രത്തിന്റെ ഓൺ-സൈറ്റ് പ്രീ-അപ്രൂവൽ പരിശോധന നടത്തിയത്.

ദീർഘകാല ഫൈനാൻസിലൂടെ 1,000 കോടി രൂപ സമാഹരിക്കാൻ  ബാലകൃഷ്ണ ഇൻഡസ്ട്രീസ്

ദീർഘകാല ഫൈനാൻസിലൂടെ 1,000 കോടി രൂപ സമാഹരിക്കാനുള്ള നിർദ്ദേശം ബാൽകൃഷ്‌ണ ഇൻഡസ്ട്രീസിന്റെ ഡയറക്ടർ ബോർഡ് അംഗീകരിച്ചു. വിദേശ കറൻസി ബോണ്ടുകൾ, നോൺ കൺവേർട്ടിബിൾ ഡിബഞ്ചറുകൾ എന്നിവയിൽ നിന്നുള്ള വാണിജ്യ വായ്പകൾ എന്നിവ വഴിയാണ് ഫണ്ട് ശേഖരിക്കുക. 1,000 കോടി രൂപയുടെ ശേഷി വിപുലീകരിക്കാനുള്ള പദ്ധതിയുമുണ്ട്. മഹാരാഷ്ട്രയിലെ വാലൂജിലെ പുതിയ നിർമാണ യൂണിറ്റിൽ ഈ മാസം ആദ്യം മുതൽ ട്രയൽ ഉത്പാദനവും ആരംഭിച്ചിട്ടുണ്ട്.

എൻഎച്ച്എഐയുടെ 844 കോടി രൂപയുടെ ഓർഡർ ഐആർബി ഇൻഫ്രയ്ക്ക്

ഐആർബി ഇൻഫ്രാസ്ട്രക്ചർ ഡെവലപ്പേഴ്സിന് തമിഴ്നാട്ടിലെ റോഡ് നിർമാണത്തിനായി നാഷണൽ ഹൈവേസ് അതോറിറ്റി ഓഫ് ഇന്ത്യയുടെ കത്ത് ലഭിച്ചു. ഹൈബ്രിഡ് അന്യൂറ്റി മോഡിൽ തമിഴ്‌നാട്ടിലെ പാണ്ടവാക്കം മുതൽ കന്നിഗായ്പെയർ വരെയുള്ള ചിറ്റൂർ-തച്ചൂർ റോഡിന്റെ ആറു വരി നിർമാണമാണ് പദ്ധതി. 844.14 കോടി രൂപയാണ് പദ്ധതിയുടെ ചെലവ്.

ഒക്ടോബർ 22 മുതൽ മഹാരാഷ്ട്രയിൽ സിനിമാ തിയേറ്ററുകൾ തുറന്നു പ്രവർത്തിക്കും

ഒക്ടോബർ 22 മുതൽ സംസ്ഥാനത്തെ സിനിമാ  തിയേറ്ററുകൾ  പ്രവർത്തിക്കാൻ അനുവദിക്കുമെന്ന് മഹാരാഷ്ട്ര മുഖ്യമന്ത്രി ഉദ്ധവ് താക്കറെ. എല്ലാ തിയറ്ററുകളും  കൊവിഡ് പ്രോട്ടോക്കോൾ നിർബന്ധമായും പാലിക്കണം. ഇത് സംബന്ധിച്ചുള്ള സ്റ്റാൻഡേർഡ് ഓപ്പറേറ്റിംഗ് നടപടിക്രമങ്ങൾ (എസ്ഒപി) സംസ്ഥാന സർക്കാർ ഉടൻ പുറത്തിറക്കും. ഒക്ടോബർ 4 മുതൽ സംസ്ഥാനത്തെ സ്കൂളുകളും തുറന്നു പ്രവർത്തിക്കും.

ഇന്നത്തെ വിപണി വിശകലനം ഇന്ന് 17401 എന്ന നിലയിൽ ഫ്ലാറ്റായി വ്യാപാരം ആരംഭിച്ച നിഫ്റ്റി 1740-500ന് അടുത്തായി പ്രതിബന്ധം നേരിട്ടു. പിന്നീട് ലളിതമായി ഇത് മറികടന്ന സൂചിക മുന്നേറ്റം നടത്തി. തുടർന്ന് കഴിഞ്ഞ ദിവസത്തേക്കാൾ 127 പോയിന്റുകൾ/0.73 ശതമാനം മുകളിലായി 17525 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 37847 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി താഴേക്ക് നീങ്ങി. ശേഷം 37700ൽ ശക്തമായ സപ്പോർട്ട് എടുത്ത സൂചിക ദിവസത്തെ താഴ്ന്ന നിലയിൽ നിന്നും 1.65 […]
പ്രധാനതലക്കെട്ടുകൾ State Bank of India: ജൂൺ പാദത്തിൽ കമ്പനിയുടെ അറ്റാദായം 6.70 ശതമാനം ഇടിഞ്ഞ് 6068 കോടി രൂപയായി. നികുതിക്ക് ശേഷമുള്ള ലാഭം എന്നത് മുൻ പാദത്തിൽ 6504 കോടി രൂപയായിരുന്നു.Titan: ജൂൺ പാദത്തിൽ അറ്റാദായം മൂന്ന് മടങ്ങ് വർദ്ധിച്ച് 790 കോടി രൂപയായി. Tata Motors: ഫോർഡ് ഇന്ത്യയുടെ സാനന്ദ് ആസ്ഥാനമായുള്ള നിർമ്മാണ പ്ലാന്റ് 725.7 കോടി രൂപയ്ക്ക് ഏറ്റെടുക്കാൻ കമ്പനിയുടെ അനുബന്ധ സ്ഥാപനം കരാറിൽ ഒപ്പുവച്ചു. Marico: ജൂൺ പാദത്തിൽ കമ്പനിയുടെ ഏകീകൃത […]
ഇന്നത്തെ വിപണി വിശകലനം ഇന്ന് 17423 എന്ന നിലയിൽ വ്യാപാരം ആരംഭിച്ച നിഫ്റ്റി 4 മണിക്കൂറോളം അസ്ഥിരമായി നിന്നു. ശേഷം താഴേക്ക് വീണ സൂചിക 17350ൽ സപ്പോർട്ട് രേഖപ്പെടുത്തി.തുടർന്ന് കഴിഞ്ഞ ദിവസത്തേക്കാൾ 15 പോയിന്റുകൾ/0.09 ശതമാനം മുകളിലായി 17397 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 37868 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി താഴേക്ക് നീങ്ങി. ശേഷം 38150 ശക്തമായ സപ്പോർട്ട് ആയി മാറി. ഇവിടെ നിന്നും തിരികെ കയറിയ സൂചിക നേരിയ നേട്ടം […]

Advertisement