പ്രധാനതലക്കെട്ടുകൾ

HDFC Bank: ജൂണിലെ ഒന്നാം പാദത്തിൽ ബാങ്കിന്റെ പ്രതിവർഷ ലോൺ വളർച്ച 14 ശതമാനം വർദ്ധിച്ച് 11.5 ലക്ഷം കോടി രൂപയായി.

Tech Mahindra: ആഗോളതലത്തിൽ വാക്സിൻ കണ്ടെത്തുന്നതിനായുള്ള പ്ലാറ്റ്ഫോം ‘വാക്സിൻ ലെഡ്ജർ’ നടപ്പാക്കാൻ  സ്റ്റാറ്റ്വിഗുമായി കെെകോർത്ത് കമ്പനി.

ഏപ്രിൽ-ജൂൺ പാദത്തിൽ വിൽപ്പന ഇരട്ടിയായി വർദ്ധിക്കുമെന്ന് പ്രതീക്ഷിക്കുന്നതായി രാജ്യത്തെ FMCG കമ്പനികൾ വ്യക്തമാക്കി.

NTPC: ഡൽഹിയിലും ലഡാക്കിലുമായി ഹൈഡ്രജൻ ഇന്ധന സെൽ ബസുകൾ വിന്യസിക്കുന്നതിനുള്ള ടെണ്ടർ സ്വന്തമാക്കി കമ്പനിയുടെ അനുബന്ധ സ്ഥാപനം.



Tata Motors:
ഉത്പാദന ചെലവ് വർദ്ധിച്ചതിനെ തുടർന്ന് പാസഞ്ചർ വാഹനങ്ങളുടെ വില വർദ്ധിപ്പിക്കാൻ ഒരുങ്ങി കമ്പനി.
 
NMDC: ഓപ്പൺ ഫോർ സെയിലിലൂടെ  കമ്പനിയുടെ 4 ശതമാനം ഓഹരി വിറ്റഴിക്കാൻ ഒരുങ്ങി കേന്ദ്ര സർക്കാർ. ഓഹരി ഒന്നിന് 165 രൂപ വീതം 11.72 കോടി ഇക്യുറ്റി ഓഹരികളാണ് വിറ്റഴിക്കുക.

Religare Enterprises:
570 കോടി രൂപയുടെ പുതിയ ഇക്വിറ്റി ഷെയറുകളുടെ മുൻഗണനാ ഇഷ്യുവിന് കമ്പനിക്ക്  അംഗീകാരം ലഭിച്ചു.

ആഭ്യന്തര വിമാനക്കമ്പനികൾക്ക് അവരുടെ പ്രീ-കൊവിഡ്  ലെവൽ ശേഷിയുടെ 65 ശതമാനം പ്രവർത്തിക്കാൻ അനുമതി നൽകി
സിവിൽ ഏവിയേഷൻ മന്ത്രാലയം.

ഇന്നത്തെ വിപണി സാധ്യത

ഇന്നലെ ഗ്യാപ്പ് അപ്പിൽ വ്യാപാരം ആരംഭിച്ച നിഫ്റ്റി ദിവസം മുഴുവൻ അത് നിലനിർത്തി. അസ്ഥിരമായി പോസിറ്റീവ് സൂചന നൽകി നിന്ന സൂചിക 15834 എന്ന നിലയിൽ വ്യാപാരം അവസാനിപ്പിച്ചു. കഴിഞ്ഞ ദിവസത്തെ വിപണി വിശേഷങ്ങൾ അറിയാൻ ലിങ്ക് സന്ദർശിക്കുക.

ബാങ്ക്  നിഫ്റ്റി ഇന്നലെ ശക്തമായ മുന്നേറ്റം കാഴ്ചവച്ചുവെന്ന് പറയാം. ബാങ്കിംഗ് ഭീമൻമ്മാരുടെ പിന്തുണയോടെ നേട്ടം കെെവരിച്ച സൂചിക 35000 നിലനിർത്തുകയും 35212 എന്ന നിലയിൽ വ്യാപാരം അവസാനിപ്പിക്കുകയും ചെയ്തു.

നിഫ്റ്റി മെറ്റൽ, റിയൽറ്റി എന്നീ  സൂചികകൾ ഇന്നലെ  ശക്തമായ മുന്നേറ്റം കാഴ്ചവച്ചു.



യൂറോപ്യൻ  വിപണികൾ തുടക്കത്തിൽ താഴേക്ക് വീണെങ്കിലും അവസാന നിമിഷം തിരികെ കയറി ലാഭത്തിൽ അടച്ചു. യുഎസ് വിപണി ഇന്നലെ തുറന്നിരുന്നില്ല.

ഏഷ്യൻ വിപണികൾ ഏറെയും ലാഭത്തിലാണ് വ്യാപാരം നടത്തുന്നത്. യുഎസ്, യൂറോപ്യൻ ഫ്യൂച്ചറുകളും നേരിയ ലാഭത്തിലാണുള്ളത്.

SGX NIFTY 15,840-ലാണ് വ്യാപാരം നടത്തുന്നത്. ഇത് ഇന്ത്യൻ വിപണിയിൽ ഒരു ഫ്ലാറ്റ് ഓപ്പണിംഗിനുള്ള സൂചന  നൽകുന്നു.

15,800, 15750 എന്നിവിടെയാണ് നിഫ്റ്റിക്ക്  ശക്തമായ സപ്പോർട്ട് ഉള്ളത്.

എക്കലത്തെയും ഉയർന്ന നിലയായ 15,900 നിഫ്റ്റിയുടെ ശക്തമായ പ്രതിരോധ മേഖലയാണ്. മൂന്ന് പ്രാവശ്യം ഇത് പരീക്ഷിക്കപ്പെട്ട് കഴിഞ്ഞു.

35,250,35,500 എന്നത്  ബാങ്ക് നിഫ്റ്റിയുടെ സുപ്രധാന  പ്രതിരോധ മേഖലകളാണ്. ഇത് ശ്രദ്ധിക്കുക.

34,650, 34,400 എന്നത് ബാങ്ക് നിഫ്റ്റിക്ക്  ശക്തമായ സപ്പോർട്ടാണ്.



വിദേശ നിക്ഷേപ സ്ഥാപനങ്ങൾ (FIIs) 338 കോടി രൂപയുടെ ഓഹരികൾ വിറ്റഴിച്ചപ്പോൾ ആഭ്യന്തര നിക്ഷേപ സ്ഥാപനങ്ങൾ (DIIs) ഇന്ത്യൻ   വിപണിയിൽ നിന്നും 645 കോടി രൂപയുടെ ഓഹരികൾ വാങ്ങികൂട്ടി.

നിഫ്റ്റിക്ക് 16000, 15900 എന്നിവിടെയാണ് ഏറ്റവും ഉയർന്ന കോൾ ഒഐ ഉള്ളത്. 15700, 15800 എന്നിവിടെ ഏറ്റവും ഉയർന്ന പുട്ട് ഒഐയും കാണപ്പെടുന്നു. നിഫ്റ്റി പിസിആർ 1.1 ആണ്. ഇത് സൂചിക നേരിയ തോതിൽ ബുള്ളിഷാണെന്ന സൂചന നൽകുന്നു. 15800ൽ അനേകം സ്ട്രാഡിലുകൾ ഉള്ളതായി കാണാം.

ബാങ്ക് നിഫ്റ്റിയിലെ കോൾ ഒഐകൾ എല്ലാം 35500ൽ നിന്നും 36000ലേക്ക് മാറിയതായി കാണാം.



ഇന്നലെ ഉയർന്ന പുട്ട് റെെറ്റിംഗുകൾ നമ്മൾ കണ്ടിരുന്നു. ഇത് വിപണിയുടെ താഴേക്കുള്ള നീക്കം പരിമിതമാണെന്ന സൂചന നൽകിയിരുന്നു.

സൂചികയുടെ ഹെവിവെയിറ്റുകളായ  പ്രധാന ബാങ്കിംഗ് ഓഹരികൾ എല്ലാം തന്നെ ഇന്നലെ ശക്തമായ മുന്നേറ്റം നടത്തിയിരുന്നു. ഇത് വിപണിയെ കൂടുതൽ ഉയരങ്ങളിലേക്ക് എത്തിച്ചു. ബാങ്കിംഗ് ഓഹരികളിലെ മുന്നേറ്റം ഇന്നും തുടരുമോ എന്നതാണ് ശ്രദ്ധിക്കേണ്ടത്. ഇത് തുടർന്നാൽ നിഫ്റ്റി കൂടുതൽ ഉയരങ്ങൾ കീഴടക്കിയേക്കും.

ഇത് സംഭവിച്ചില്ലെങ്കിൽ 16000 എന്ന നിർണായക നിലയിലേക്ക് എത്തുകയെന്നത് നിഫ്റ്റിക്ക്  കഠിനകരമായേക്കും.



നിഫ്റ്റി 15500 നും 15900നും ഇടയിലായി ഏറെ നാളായി അസ്ഥിരമായി നിൽക്കുകയാണ്. 34500നും 35800നും ഇടയിലായി ബാങ്ക് നിഫ്റ്റിയും അസ്ഥിരമായി നിൽക്കുന്നു. ഈ ലെവലുകൾ സൂചികയുടെ സപ്പോർട്ട്, റെസിസ്റ്റന്റെ എന്നിവയായി തുടരും. ഇവയിൽ നിന്നും പുറത്ത് കടന്നാൽ സൂചികയിൽ ശക്തമായ ഒരു ബ്രേക്ക് ഔട്ടോ ബ്രേക്ക്  ഡൗണോ സംഭവിച്ചേക്കാം.

ലൈവ് മാർക്കറ്റ് വാർത്തകൾക്കും അറിയിപ്പുകൾക്കുമായി മാർക്കറ്റ്ഫീഡ് ആപ്പ് സന്ദർശിക്കുക. ശുഭദിനം.

ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 226 പോയിന്റുകൾക്ക് മുകളിലായി 15926 എന്ന നിലയിൽ വ്യാപാരം ആരംഭിച്ച നിഫ്റ്റിക്ക് ഓപ്പണിംഗ് നിലമറികടന്ന് മുന്നേറാൻ സാധിച്ചില്ല. ദുർബലമായി താഴേക്ക് നീങ്ങിയ സൂചിക രാവിലത്തെ പകുതിയിൽ അധികം നേട്ടവും ഇല്ലാതെയാക്കി. തുടർന്ന് കഴിഞ്ഞ ദിവസത്തേക്കാൾ 132 പോയിന്റുകൾ/0.85 ശതമാനം മുകളിലായി 15832 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. ഇന്ന് ഗ്യാപ്പ് അപ്പിൽ 498 പോയിന്റുകൾക്ക് മുകളിലായി 34126 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി സാവധാനം […]
പ്രധാനതലക്കെട്ടുകൾ Zomato: ക്വിക്ക് കൊമേഴ്‌സ് കമ്പനിയായ ബ്ലിങ്ക് കൊമേഴ്‌സിന്റെ 33,018 ഇക്വിറ്റി ഓഹരികൾ 4,447.48 കോടി രൂപയ്ക്ക് ഓൾ-സ്റ്റോക്ക് ഇടപാടിൽ ഏറ്റെടുക്കാൻ ബോർഡ് അംഗീകാരം നൽകിയതായി കമ്പനി എക്‌സ്‌ചേഞ്ചുകളെ അറിയിച്ചു. Dr Reddy’s Laboratories: യുഎസ് ആസ്ഥാനമായ എറ്റോൺ ഫാർമയുടെ ബ്രാൻഡഡ്, ജനറിക് ഇൻജക്‌ടബിൾ ഉൽപ്പന്ന പോർട്ട്‌ഫോളിയോ ഏറ്റെടുക്കുന്നതായി കമ്പനി പ്രഖ്യാപിച്ചു. CSB Bank: ബാങ്കിന്റെ പാർട്ട് ടൈം ചെയർപേഴ്സണായി ഭാമ കൃഷ്ണമൂർത്തിയെ ബോർഡ് നിയമിച്ചതായി ബിഎസ്ഇ ഫയലിംഗിൽ വ്യക്തമാക്കി. SIS: കമ്പനിയുടെ ഇക്വിറ്റി ഓഹരികൾ തിരികെ […]
ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 100 പോയിന്റുകൾക്ക് മുകളിലായി 15657 എന്ന നിലയിൽ വ്യാപാരം ആരംഭിച്ച നിഫ്റ്റി അധികം ചാഞ്ചാട്ടത്തിന് വിധേയമായി കാണപ്പെട്ടില്ല. 100 പോയിന്റുകൾക്ക് ഉള്ളിൽ തന്നെയാണ് സൂചിക വ്യാപാരം നടത്തിയത്. ഇന്നലത്തെ പ്രതിബന്ധമായിരുന്ന 15630 ഇന്ന് സപ്പോർട്ടായി പ്രവർത്തിച്ചു. തുടർന്ന് കഴിഞ്ഞ ദിവസത്തേക്കാൾ 142 പോയിന്റുകൾ/0.92 ശതമാനം മുകളിലായി 15699 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 33434 എന്ന താഴ്ന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി വശങ്ങളിലേക്കാണ് ഇന്ന് […]

Advertisement