അവന്യൂ സൂപ്പർമാർട്ട്സ് ക്യു 1 ഫലം, അറ്റാദായം 132 ശതമാനം വർദ്ധിച്ച് 115 കോടി രൂപയായി

ജൂണിലെ ഒന്നാം പാദത്തിൽ അവന്യൂ സൂപ്പർമാർട്ട്സിന്റെ പ്രതിവർഷ അറ്റാദായം 132 ശതമാനം വർദ്ധിച്ച് 115 കോടി രൂപയായി. ഇതേകാലയളവിൽ കമ്പനിയുടെ മൊത്തം വരുമാനം 31.3 ശതമാനം ഉയർന്ന് 5032 കോടി രൂപയായി. മുൻ പാദത്തെ അപേക്ഷിച്ച് അറ്റാദായം 73.5 ശതമാനവും വരുമാനം 31 ശതമാനവും ഇടിഞ്ഞു. 

കാറുകളുടെ വില ഒരു ലക്ഷം രൂപ വരെ വർദ്ധിപ്പിച്ച് മഹീന്ദ്ര

കാറുകളുടെ വില വർദ്ധിപ്പിച്ച് മഹീന്ദ്ര ആൻഡ് മഹീന്ദ്ര. തിരഞ്ഞെടുത്ത മോഡലുകൾക്ക് ഒരു ലക്ഷം രൂപ വരെ വില വർദ്ധിപ്പിച്ചേക്കും. എക്സ് യു വി 500 ന്റെ വില 2,912 രൂപയിൽ നിന്ന് 3,188 രൂപയായി ഉയർന്നു. ഈ വർഷം ഇത് മൂന്നാം തവണയാണ് കമ്പനി വാഹനങ്ങളുടെ വില വർദ്ധിപ്പിക്കുന്നത്.

മൊബിക്വിക് പ്രാരംഭ ഓഹരി വിൽപ്പനയ്ക്ക് ഒരുങ്ങുന്നതായി റിപ്പോർട്ട്

പ്രാരംഭ ഓഹരി വിൽപ്പനയിലൂടെ 250-300 ഡോളർ സമാഹരിക്കാൻ മൊബിക്വിക് ഒരുങ്ങുന്നതായി റിപ്പോർട്ടുകൾ. ഇതിനായി ഒരാഴ്ചയ്ക്ക് അകം കമ്പനി സെബിക്ക് അപേക്ഷ സമർപ്പിച്ചേക്കും. ബ്ലൂംബെർഗാണ് ഇത് സംബന്ധിച്ച റിപ്പോർട്ട് പുറത്തുവിട്ടത്.

2022 ഓടെ നാൽപ്പതിനായിരം ജീവനക്കാരെ പുതുതായി നിയമിക്കുമെന്ന് ടിസിഎസ്

ഇന്ത്യയിലുടനീളമുള്ള ക്യാമ്പസുകളിൽ നിന്ന് 40,000 ത്തിലധികം പേരെ പുതുതായി നിയമിക്കുമെന്ന് പ്രഖ്യാപിച്ച് ടാറ്റാ കൺസൾട്ടൻസി സർവീസസ്. പോയവർഷം 40,000 ബിരുദധാരികളെ കമ്പനി ക്യാമ്പസുകളിൽ നിന്നും നിയമിച്ചിരുന്നു. നിലവിൽ 5 ലക്ഷത്തിൽ അധികം ജീവനക്കാരാണ് കമ്പനിയിലുള്ളത്.

യൂണികെമിന്റെ  സിറ്റാഗ്ലിപ്റ്റിൻ ഗുളികകൾക്ക് അനുമതി നൽകി യുഎസ്എഫ്ഡിഎ

യൂണികെം ലാബ്സിന്റെ  പുതിയ സിറ്റാഗ്ലിപ്റ്റിൻ ഗുളികകൾക്ക് യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷന്റെ അനുമതി ലഭിച്ചു. ടൈപ്പ് -2 പ്രമേഹമുള്ള മുതിർന്നവരിൽ ഗ്ലൈസെമിക് നിയന്ത്രണം മെച്ചപ്പെടുത്തുന്നതിനാണ് മരുന്ന് ഉപയോഗിക്കുക. യൂണികെമിന്റെ ഗോവയിലെ ലാബിൽ മരുന്ന് നിർമിക്കും.

പുതിയ പദ്ധതികൾക്കായി 1 ബില്യൺ ഡോളർ നിക്ഷേപിക്കാൻ ഒരുങ്ങി ഗോദ്‌റെജ് പ്രോപ്പർട്ടീസ്

പുതിയ പദ്ധതികൾക്കായി ഒരു ബില്യൺ ഡോളർ നിക്ഷേപിക്കുമെന്ന്
പ്രഖ്യാപിച്ച് ഗോദ്‌റെജ് പ്രോപ്പർട്ടീസിന്റെ എക്സിക്യൂട്ടീവ് ചെയർമാൻ. മൂല്യത്തിലും വിൽപ്പനയുടെ വ്യാപ്തിയിലും ഇന്ത്യയിലെ ഏറ്റവും വലിയ ഡവലപ്പർ ഗോദ്‌റെജ് പ്രോപ്പർട്ടീസ് ആണെന്നും അദ്ദേഹം പറഞ്ഞു. 2021 സാമ്പത്തിക വർഷം കമ്പനിയുടെ സെയിൽസ് ബുക്കിംഗ് 14 ശതമാനം വർദ്ധിച്ച് 6725 കോടി രൂപയായി രേഖപ്പെടുത്തി.

3 ബില്യൺ ഡോളർ സമാഹരിക്കാൻ അപ്പോളോ ഗ്ലോബലുമായി ചർച്ച നടത്തി വോഡഫോൺ ഐഡിയ

അടുത്ത മൂന്ന് മാസത്തേക്കായി 3 ബില്യൺ ഡോളർ സമാഹരിക്കാൻ അപ്പോളോ ഗ്ലോബലുമായി ചർച്ച നടത്തി വോഡഫോൺ ഐഡിയ. ഇതിലൂടെ ലഭിക്കുന്ന പണം ഉപയോഗിച്ച് എജിആർ കുടിശ്ശിക വീട്ടാനാണ് ടെലികോം കമ്പനി ലക്ഷ്യമിടുന്നത്. 

ജൂണിൽ രാജ്യത്തെ ഇന്ധന ആവശ്യകത ഉയർന്നു

മേയില്‍ ഒന്‍പത് മാസത്തെ ഏറ്റവും താഴ്ന്ന നിലയിലേക്ക് ഇടിഞ്ഞ ഇന്ധന ആവശ്യകത ജൂണില്‍ വീണ്ടും ഉയർന്നു. മെയ് മാസത്തെ അപേക്ഷിച്ച്  ജൂണിൽ  ഇന്ധന ഉപഭോഗം 8 ശതമാനം ഉയർന്ന് 16.33 ദശലക്ഷം ടണ്ണായി. പെട്രോൾ വിൽപ്പന 2.4 മെട്രിക് ടണ്ണായി ഉയർന്നു. അതേസമയം, ഡീസലിന്റെ മൊത്തം വിൽ‌പന 12 ശതമാനം ഉയർന്ന്‌ 6.2 മെട്രിക് ടണ്ണായി.

ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 226 പോയിന്റുകൾക്ക് മുകളിലായി 15926 എന്ന നിലയിൽ വ്യാപാരം ആരംഭിച്ച നിഫ്റ്റിക്ക് ഓപ്പണിംഗ് നിലമറികടന്ന് മുന്നേറാൻ സാധിച്ചില്ല. ദുർബലമായി താഴേക്ക് നീങ്ങിയ സൂചിക രാവിലത്തെ പകുതിയിൽ അധികം നേട്ടവും ഇല്ലാതെയാക്കി. തുടർന്ന് കഴിഞ്ഞ ദിവസത്തേക്കാൾ 132 പോയിന്റുകൾ/0.85 ശതമാനം മുകളിലായി 15832 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. ഇന്ന് ഗ്യാപ്പ് അപ്പിൽ 498 പോയിന്റുകൾക്ക് മുകളിലായി 34126 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി സാവധാനം […]
പ്രധാനതലക്കെട്ടുകൾ Zomato: ക്വിക്ക് കൊമേഴ്‌സ് കമ്പനിയായ ബ്ലിങ്ക് കൊമേഴ്‌സിന്റെ 33,018 ഇക്വിറ്റി ഓഹരികൾ 4,447.48 കോടി രൂപയ്ക്ക് ഓൾ-സ്റ്റോക്ക് ഇടപാടിൽ ഏറ്റെടുക്കാൻ ബോർഡ് അംഗീകാരം നൽകിയതായി കമ്പനി എക്‌സ്‌ചേഞ്ചുകളെ അറിയിച്ചു. Dr Reddy’s Laboratories: യുഎസ് ആസ്ഥാനമായ എറ്റോൺ ഫാർമയുടെ ബ്രാൻഡഡ്, ജനറിക് ഇൻജക്‌ടബിൾ ഉൽപ്പന്ന പോർട്ട്‌ഫോളിയോ ഏറ്റെടുക്കുന്നതായി കമ്പനി പ്രഖ്യാപിച്ചു. CSB Bank: ബാങ്കിന്റെ പാർട്ട് ടൈം ചെയർപേഴ്സണായി ഭാമ കൃഷ്ണമൂർത്തിയെ ബോർഡ് നിയമിച്ചതായി ബിഎസ്ഇ ഫയലിംഗിൽ വ്യക്തമാക്കി. SIS: കമ്പനിയുടെ ഇക്വിറ്റി ഓഹരികൾ തിരികെ […]
ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 100 പോയിന്റുകൾക്ക് മുകളിലായി 15657 എന്ന നിലയിൽ വ്യാപാരം ആരംഭിച്ച നിഫ്റ്റി അധികം ചാഞ്ചാട്ടത്തിന് വിധേയമായി കാണപ്പെട്ടില്ല. 100 പോയിന്റുകൾക്ക് ഉള്ളിൽ തന്നെയാണ് സൂചിക വ്യാപാരം നടത്തിയത്. ഇന്നലത്തെ പ്രതിബന്ധമായിരുന്ന 15630 ഇന്ന് സപ്പോർട്ടായി പ്രവർത്തിച്ചു. തുടർന്ന് കഴിഞ്ഞ ദിവസത്തേക്കാൾ 142 പോയിന്റുകൾ/0.92 ശതമാനം മുകളിലായി 15699 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 33434 എന്ന താഴ്ന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി വശങ്ങളിലേക്കാണ് ഇന്ന് […]

Advertisement