ഇന്ത്യൻ സിമന്റ് മേഖലയിലേക്ക് കടക്കാൻ ഒരുങ്ങി അദാനി ഗ്രൂപ്പ്
ഇന്ത്യയിലെ സിമന്റ് മേഖലയിലേക്ക് കടക്കാൻ ഒരുങ്ങി അദാനി ഗ്രൂപ്പ്. ഇതിനായി 10 ലക്ഷം രൂപയുടെ ഓഹരി മൂലധനവും 5 ലക്ഷം രൂപയുടെ പെയ്ഡ്-അപ്പ് മൂലധനവുമുള്ള പുതിയ അനുബന്ധ സ്ഥാപനമായ അഡാനി സിമന്റ് ആരംഭിച്ചതായി അദാനി എന്റർപ്രൈസസ് അറിയിച്ചു.
കാർലൈൽ ഗ്രൂപ്പുമായുള്ള പി‌എൻ‌ബി ഹൗസ്സിംഗ് ഫിനാൻസിന്റെ 4000 കോടി രൂപയുടെ കരാർ പരിശോധിക്കാൻ ഒരുങ്ങി സെബി
യു‌എസ് കമ്പനിയായ കാർലൈൽ ഗ്രൂപ്പുമായുള്ള പി‌എൻ‌ബി ഹൗസ്സിംഗ് ഫിനാൻസ് ലിമിറ്റഡിന്റെ 4,000 കോടി രൂപയുടെ കരാർ പരിശോധിക്കാൻ ഒരുങ്ങി സെബി. പൊതു ഓഹരി ഉടമകൾ‌ക്ക് എതിരായ “അന്യായമായ ഇടപാട്” എന്ന് പ്രോക്സി ഉപദേശക സ്ഥാപനം വിശേഷിപ്പിച്ചതിന് പിന്നാലെയാണ് സെബിയുടെ ഇടപെടൽ.
ജെ കെ സിമൻറ് ക്യു 4 ഫലം, അറ്റാദായം 32 ശതമാനം വർദ്ധിച്ച് 216 കോടി രൂപയായി
മാർച്ചിലെ നാലം പാദത്തിൽ ജെ കെ സിമന്റിന്റെ പ്രതിവർഷ അറ്റാദായം 32.76 ശതമാനം വർദ്ധിച്ച് 215.91 കോടി രൂപയായി. മുൻപാദത്തെ അപേക്ഷിച്ച് അറ്റാദായം 1.58 ശതമാനമായി ഇടിഞ്ഞു. ഇതേകാലയളവിൽ കമ്പനിയുടെ പ്രതിവർഷ വരുമാനം 37.84 ശതമാനം വർദ്ധിച്ച് 2168.18 കോടി രൂപയായി. അതേസമയം ഓഹരി ഒന്നിന് 15 രൂപ വീതം കമ്പനി ഇടക്കാല ലാഭവിഹിതം പ്രഖ്യാപിച്ചു.
മേയിൽ ഇന്ത്യയുടെ ഇന്ധന ആവശ്യകത ഇടിഞ്ഞു
കൊവിഡിന്റെ രണ്ടാം തരംഗത്തെ തുടർന്ന് മേയിൽ രാജ്യത്തെ ഇന്ധന ഉപഭോഗം കുറഞ്ഞു. മൊത്തം ഇന്ധന ആവശ്യകത പോയ മാസത്തെ അപേക്ഷിച്ച് 11.3 ശതമാനം ഇടിഞ്ഞ് 15.1 മില്യൺ ടണ്ണായി. പെട്രോൾ ഉപഭോഗം പോയ മാസത്തെ അപേക്ഷിച്ച് 16 ശതമാനം ഇടിഞ്ഞ് 1.99 മില്യൺ ടണ്ണായി. ഡീസൽ ഉപഭോഗം 17 ശതമാനം ഇടിഞ്ഞ് 5.53 ടണ്ണായി.
ഇന്ത്യൻ ഹ്യൂം പൈപ്പ് ക്യു 4 ഫലം, അറ്റാദായം 51.7 ശതമാനം വർദ്ധിച്ച് 38 കോടി രൂപയായി
മാർച്ചിലെ നാലം പാദത്തിൽ ഇന്ത്യൻ ഹ്യൂം പൈപ്പിന്റെ പ്രതിവർഷ അറ്റാദായം 51.7 ശതമാനം വർദ്ധിച്ച് 38 കോടി രൂപയായി. മുൻപാദത്തെ അപേക്ഷിച്ച് അറ്റാദായം 767.95 ശതമാനമായി ഉയർന്നു. ഇതേകാലയളവിൽ കമ്പനിയുടെ പ്രതിവർഷ വരുമാനം 20.8 ശതമാനം വർദ്ധിച്ച് 481.03 കോടി രൂപയായി. അതേസമയം ഓഹരി ഒന്നിന് 2 രൂപ വീതം കമ്പനി ഇടക്കാല ലാഭവിഹിതം പ്രഖ്യാപിച്ചു.
സ്വാം ഡിജിറ്റൽ പ്രൈവറ്റ് ലിമിറ്റഡ് ഏറ്റെടുക്കാൻ ഒരുങ്ങി ഇൻഫോ എഡ്ജ്
ബെംഗളൂരു ആസ്ഥാനമായി പ്രവർത്തിക്കുന്ന സ്വാം ഡിജിറ്റൽ പ്രൈവറ്റ് ലിമിറ്റഡ് ഏറ്റെടുക്കാൻ ഒരുങ്ങി ഇൻഫോ എഡ്ജ് ഇന്ത്യ ലിമിറ്റഡ്. എഐ, മെഷീൻ ലേണിംഗ്-പവേർഡ് റിക്രൂട്ട്‌മെന്റ് മാനേജ്‌മെന്റ് സോഫ്റ്റ്വെയർ കമ്പനിയാണ് സ്വാം ഡിജിറ്റൽ.
വി‌ആർ‌എൽ ലോജിസ്റ്റിക്സ് ക്യു 4 ഫലം, അറ്റാദായം 6.5 ശതമാനം ഇടിഞ്ഞ് 37.16 കോടി രൂപയായി
മാർച്ചിലെ നാലം പാദത്തിൽ വി‌ആർ‌എൽ ലോജിസ്റ്റിക്സിന്റെ അറ്റാദായം മുൻ പാദത്തെ അപേക്ഷിച്ച് 6.5 ശതമാനം ഇടിഞ്ഞ് 37.16 കോടി രൂപയായി. പോയവർഷത്തെ അപേക്ഷിച്ച് അറ്റാദായം 1644 ശതമാനമായി ഉയർന്നു. ഇതേകാലയളവിൽ കമ്പനിയുടെ പ്രതിവർഷ വരുമാനം 20.54 ശതമാനം വർദ്ധിച്ച് 603.02 കോടി രൂപയായി. അതേസമയം ഓഹരി ഒന്നിന് 4 രൂപ വീതം കമ്പനി ഇടക്കാല ലാഭവിഹിതം പ്രഖ്യാപിച്ചു.
96.77 ലക്ഷം ഇക്വിറ്റി ഓഹരികൾ വിതരണം ചെയ്തു കൊണ്ട് 300 കോടി രൂപ സമാഹരിക്കാൻ ഒരുങ്ങി ഐനോക്സ് ലഷർ
യോഗ്യതയുള്ള സ്ഥാപനങ്ങൾക്ക് 96.77 ലക്ഷം ഇക്വിറ്റി ഓഹരികൾ വിതരണം ചെയ്തു കൊണ്ട് 300 കോടി രൂപ സമാഹരിക്കാൻ ഒരുങ്ങി ഐനോക്സ് ലഷർ ലിമിറ്റഡ്. ഓഹരി ഒന്നിന് 310 രൂപ വീതമാണ് വിതരണം ചെയ്യുക. ഇത് വെള്ളിയാഴ്ചത്തെ ക്ലോസിംഗ് വിലയേക്കാൾ 5 ശതമാനം കിഴിവിലാണുള്ളത്. ജൂൺ 8ന് ആരംഭിക്കുന്ന ഓഹരി വിതരണം ജൂൺ 11ന് അവസാനിക്കും.
അനുപം രസായൻ ക്യു 4 ഫലം, അറ്റാദായം 113 ശതമാനം വർദ്ധിച്ച് 22 കോടി രൂപയായി
മാർച്ചിലെ നാലം പാദത്തിൽ അനുപം രസായന്റെ പ്രതിവർഷ അറ്റാദായം 113 ശതമാനം വർദ്ധിച്ച് 22 കോടി രൂപയായി. മുൻപാദത്തെ അപേക്ഷിച്ച് അറ്റാദായം 2.31 ശതമാനമായി ഉയർന്നു. ഇതേകാലയളവിൽ കമ്പനിയുടെ പ്രതിവർഷ വരുമാനം 65.9 ശതമാനം വർദ്ധിച്ച് 274.16 കോടി രൂപയായി. അതേസമയം ഓഹരി ഒന്നിന് 0.5 രൂപ വീതം കമ്പനി ഇടക്കാല ലാഭവിഹിതം പ്രഖ്യാപിച്ചു.
