5ജി സ്‌പെക്‌ട്രം ലേലം ജൂൺ ആദ്യം: അശ്വിനി വൈഷ്ണവ്

ജൂൺ ആദ്യം തന്നെ 5G സ്പെക്ട്രം ലേലം നടത്താൻ സർക്കാർ പദ്ധതിയിടുന്നതായി ടെലികോം മന്ത്രി അശ്വിനി വൈഷ്ണവ്. സ്‌പെക്‌ട്രം വിലയെക്കുറിച്ചുള്ള ആശങ്കകൾ പരിഹരിക്കാനുള്ള നടപടികൾ പുരോഗമിക്കുകയാണെന്നും നടപടികൾ സമയബന്ധിതമായി പൂർത്തിയാക്കാൻ ശ്രമിക്കുകയാണെന്നും മന്ത്രി പറഞ്ഞു. 30 വർഷത്തേക്ക് ഒരു ലക്ഷം മെഗാഹെർട്‌സ് സ്‌പെക്‌ട്രത്തിന് 7.5 ലക്ഷം കോടി രൂപ എന്ന വലിയ ലേല നിർദ്ദേശമാണ് ട്രായ് അംഗീകരിച്ചത്. 20 വർഷത്തേക്ക് ഇത് 5.07 ലക്ഷം കോടി രൂപയായിരിക്കും.

ഇന്ത്യ മോർട്ട്ഗേജ് ഗ്യാരണ്ടി കോർപ്പറേഷന്റെ 31% ഓഹരികൾ ഏറ്റെടുത്ത് കാനഡ ആസ്ഥാനമായുള്ള സാജൻ

ഇന്ത്യ മോർട്ട്ഗേജ് ഗ്യാരന്റി കോർപ്പറേഷന്റെ (ഐഎംജിസി) 31 ശതമാനം ഓഹരി ഏറ്റെടുത്ത് ബ്രൂക്ക്ഫീൽഡ് സബ്സിഡിയറിയും കനേഡിയൻ മോർട്ട്ഗേജ് ഇൻഷുററുമായ സാഗൻ. ഇടപാടിന്റെ മൂല്യം എത്രായാണെന്ന് ഇതുവരെ വെളിപ്പെടുത്തിയിട്ടില്ല. റെഗുലേറ്ററി അംഗീകാരങ്ങൾക്ക് വിധേയമായി ഇടപാട് പൂർത്തിയാക്കും. ബിസിനസ്സ് വിപുലീകരിക്കുന്നതിനും സാങ്കേതിക കഴിവുകളും പ്രവർത്തനവും മെച്ചപ്പെടുത്തുന്നതിനുമായി ഐഎംജിസി ഈ തുക വിനിയോ​ഗിക്കും. ഇന്ത്യയിലെ ആദ്യത്തെ മോർട്ട്ഗേജ് ഗ്യാരന്റി കമ്പനിയായ (എംജിസി) ഐഎംജിസി 2008 ലാണ് സ്ഥാപിതമായത്. നാഷണൽ ഹൗസിംഗ് ബാങ്ക്, ഇന്റർനാഷണൽ ഫിനാൻസ് കോർപ്പറേഷൻ, ഏഷ്യൻ ഡെവലപ്‌മെന്റ് ബാങ്ക്, എനാക്റ്റ് ഹോൾഡിംഗ്സ് ഇൻക് എന്നിവയിൽ നിന്ന് കമ്പനിക്ക് നിക്ഷേപം ലഭിക്കുകയും ചെയ്തിട്ടുണ്ട്.

പി&ജി ഹൈജീൻ ആൻഡ് ഹെൽത്ത് കെയർ ക്യു 3 ഫലങ്ങൾ: ലാഭം 4.6% വർധിച്ച് 102.85 കോടി രൂപയായി

2022 മാർച്ചിൽ അവസാനിച്ച മൂന്നാം പാദത്തിൽ പ്രോക്ടർ ആൻഡ് ഗാംബിൾ ഹൈജീൻ ആൻഡ് ഹെൽത്ത് കെയർ ലിമിറ്റഡിന്റെ അറ്റാദായം 4.59 ശതമാനം വർധിച്ച് 102.85 കോടി രൂപയായി 98.33 കോടി രൂപയായി. ഇതേകാലയളവിൽ അതിന്റെ പ്രവർത്തനങ്ങളിൽ നിന്നുള്ള വരുമാനം മുൻ വർഷത്തെ 759.66 കോടി രൂപയിൽ നിന്ന് 28.11 ശതമാനം വർധിച്ച് 973.26 കോടി രൂപയായി മാറി. അതേസമയെ കമ്പനിയുടെ മൊത്തം ചെലവ് മുൻ വർഷത്തെ 645.18 കോടി രൂപയിൽ നിന്ന് 28.36 ശതമാനം ഉയർന്ന് 828.19 കോടി രൂപയായിട്ടുണ്ട്.

എസ്ബിഐ ലൈഫ് ക്യു 4 ഫലങ്ങൾ: ലാഭം 26% വർധിച്ച് 672 കോടി രൂപയായി

എസ്ബിഐ ലൈഫ് ഇൻഷുറൻസിന്റെ അറ്റാദായം മുൻ പാദത്തിലെ 532.30 കോടി രൂപയിൽ നിന്ന് പ്രതിവർഷം 26.27 ശതമാനം വർധിച്ച് 672.15 കോടി രൂപയായി. അതേസമയം ബാങ്കിന്റെ അറ്റ പ്രീമിയം വരുമാനം മുൻ പാദത്തിലെ 15,555.74 കോടി രൂപയിൽ നിന്ന് 12% വർധിച്ച് 17,433.77 കോടി രൂപയായി. അവലോകന പാദത്തിൽ മൊത്ത വരുമാനം മുൻ വർഷത്തെ 20,896.70 കോടി രൂപയിൽ നിന്ന് 2.5 ശതമാനം വർധിച്ച് 21,427.88 കോടി രൂപയായിട്ടുണ്ട്.

വേദാന്ത ക്യു 4 ഫലങ്ങൾ: ലാഭം 10% ഇടിഞ്ഞ് 5,799 കോടി രൂപയായി

നടപ്പ് സാമ്പത്തിക വർഷത്തിന്റെ നാലാം പാദത്തിൽ വേദാന്തയുടെ അറ്റാദായം 4.8 ശതമാനം ഇടിഞ്ഞ് 7,261 കോടി രൂപയായി. മുൻ വർഷം ഇതേ കാലയളവിൽ 7,629 കോടി രൂപയായിരുന്നു വേദാന്തയുടെ അറ്റാദായം. ഇതേകാലയളവിൽ കമ്പനിയുടെ പ്രവർത്തനങ്ങളിൽ നിന്നുള്ള വരുമാനം മുൻ പാദത്തിലെ 27,874 കോടി രൂപയിൽ നിന്ന് 41.14 ശതമാനം വർധിച്ച് 39,342 കോടി രൂപയായിട്ടുണ്ട്.

ബൈക്ക്-ടാക്‌സി പ്ലാറ്റ്‌ഫോം റാപ്പിഡോയും ടിവിഎസും തമ്മിൽ പങ്കാളിത്തത്തിൽ ഏർപ്പെടുന്നു

തന്ത്രപരമായ പങ്കാളിത്തത്തിൽ ഏർപ്പെട്ട് ടിവിഎസ് മോട്ടോർ കമ്പനിയും ബൈക്ക്-ടാക്സി പ്ലാറ്റ്‌ഫോമായ റാപിഡോയും. ഇരുകമ്പനികളും മൊബിലിറ്റി ഇൻഡസ്‌ട്രിയിലെ തങ്ങളുടെ സമന്വയം പ്രയോജനപ്പെടുത്താൻ ഒരുങ്ങുകയാണ്. ഇതിനായി ധാരണാപത്രത്തിലും ഒപ്പുവച്ചു കഴിഞ്ഞു. ഐസിഇ, ഇവി വിഭാഗങ്ങളിലെ ഇരുചക്രവാഹനങ്ങളെയും മുച്ചക്ര വാഹനങ്ങളും ഉൾക്കൊള്ളുന്നതാണ് പങ്കാളിത്തം.

വയാകോം 18 ന് 2 ബില്യൺ ഡോളർ നിക്ഷേപം

വയാകോം 18 ൽ 13,500 കോടി രൂപയുടെ (1.8 ബില്യൺ ഡോളർ) നിക്ഷേപം നടത്താൻ ഒരുങ്ങി ജെയിംസ് മർഡോക്കിന്റെയും വാൾട്ട് ഡിസ്നി ഇന്ത്യയുടെ മുൻ മേധാവി ഉദയ് ശങ്കറിന്റെയും ബോധി ട്രീ സിസ്റ്റംസ്. റിലയൻസിന്റെ ഉടമസ്ഥതയിലുള്ള ടിവി18, യുഎസ് ആസ്ഥാനമായുള്ള മീഡിയ കമ്പനിയായ പാരാമൗണ്ട് ഗ്ലോബൽ എന്നിവയുടെ ഇന്ത്യൻ സംയുക്ത സംരംഭമാണ് വയാകോം 18 മീഡിയ പ്രൈവറ്റ് ലിമിറ്റഡ്. ഇത്കൂടാതെ റിലയൻസ് ഇൻഡസ്ട്രീസിന്റെ പൂർണ ഉടമസ്ഥതയിലുള്ള ഉപസ്ഥാപനമായ റിലയൻസ് പ്രോജക്ട്‌സ് ആൻഡ് പ്രോപ്പർട്ടി മാനേജ്‌മെന്റ് സർവീസസ് ലിമിറ്റഡ് വയാകോമിൽ 1,645 കോടി രൂപ കൂടി നിക്ഷേപിക്കും. പാരാമൗണ്ട് ഗ്ലോബൽ ഒരു ഷെയർഹോൾഡറായി തുടരുകയും അതിന്റെ പ്രീമിയം ഉള്ളടക്കം വയാകോം 18 ന് നൽകുകയും ചെയ്യും.

മിഷൻ കർമ്മയോഗിന് 47 മില്യൺ ഡോളർ അനുവദിച്ച് വേൾഡ് ബാങ്ക്

സിവിൽ സർവീസ് ശേഷി വർദ്ധിപ്പിക്കുന്നതിനുള്ള ദേശീയ പരിപാടിയായ ഇന്ത്യാ ഗവൺമെന്റിന്റെ മിഷൻ കർമ്മയോഗിയെ പിന്തുണയ്ക്കുന്നതിനായി 47 മില്യൺ ഡോളറിന്റെ പദ്ധതിക്ക് അംഗീകാരം നൽകി വേൾഡ് ബാങ്ക് ബോർഡ് ഓഫ് എക്സിക്യൂട്ടീവ് ഡയറക്ടർമാർ. വേൾഡ് ബാങ്ക് തന്നെയാണ് ഇക്കാര്യം പ്രസ്ഥാവനയിൽ അറിയിച്ചത്.

രാജ്യത്തുടനീളമുള്ള ദശലക്ഷക്കണക്കിന് സിവിൽ സർവീസുകാരുടെ കഴിവുകൾ മെച്ചപ്പെടുത്താൻ ലക്ഷ്യമിട്ടുള്ള പദ്ധതിയാണ് മിഷൻ കർമ്മയോഗി. ചിന്തയും സമീപനവും മാറ്റിയെടുക്കുക മാനവ വിഭവശേഷി ഭരണ സമ്പ്രദായങ്ങൾ മെച്ചപ്പെടുത്തുക എന്നിവയും ഇതിലൂടെ ലക്ഷ്യമിടുന്നുണ്ട്.

ഇന്ത്യയിലുടനീളം ഏകദേശം 18 ദശലക്ഷം സിവിൽ സർവ്വീസ് ഉദ്യോഗസ്ഥർ ജോലി ചെയ്യുന്നുണ്ട്. ഇതിൽ ഏകദേശം മൂന്നിൽ രണ്ട് പേരും ജോലി ചെയ്യുന്നത് സംസ്ഥാന സർക്കാർ തലത്തിലോ തദ്ദേശീയ ഭരണ തലത്തിലോ ആണ്. കഴിഞ്ഞ പത്തുവർഷമായിട്ട് രാജ്യം ഈ പ്രകടനം ക്രമാനുഗതമായി മെച്ചപ്പെടുത്തിവരികയാണ്. ഇതിനൊപ്പം മിഷൻ കർമ്മയോഗി നടപ്പിലാക്കുന്നതിലൂടെ രാജ്യത്തിന്റെ സിവിൽ സർവീസ് സേനയെ ഭാവിയെ മുൻനിർത്തി കൂടുതൽ സജ്ജമാക്കാനും ഇരുപത്തിയൊന്നാം നൂറ്റാണ്ടിലെ വെല്ലുവിളികളെ നേരിടാൻ പ്രാപ്തമാക്കാനുമാണ് ലക്ഷ്യമിടുന്നത് എന്നാണ് സർക്കാർ പ്രസ്താവനയിൽ പറയുന്നത്.

പിഎൻബി ഹൗസിംഗ് ഫിനാൻസ് ക്യു 4 ഫലങ്ങൾ: അറ്റാദായം 34% വർധിച്ച് 170 കോടി രൂപയായി

പിഎൻബി ഹൗസിംഗ് ഫിനാൻസിന്റെ ഏകീകൃത അറ്റാദായം മുൻവർഷത്തെ 127 കോടി രൂപയിൽ നിന്ന് 34 ശതമാനം വർധിച്ച് 170 കോടി രൂപയായി. അതേസമയം വിൽപന 18.52 ശതമാനം കുറഞ്ഞ് 6195.93 കോടി രൂപയായിട്ടുണ്ട്. അറ്റ പലിശ വരുമാനം മുൻവർഷത്തെ 593 കോടി രൂപയുമായി താരതമ്യം ചെയ്യുമ്പോൾ 37% കുറഞ്ഞ് 377 കോടി രൂപയായി. മൊത്തം എൻപിഎ വായ്പാ ആസ്തിയുടെ 7.61 ശതമാനണ്. അതേസമയം 4.49 ശതമാനമാണ് അറ്റ ​​എൻപിഎ അനുപാതം.

മഹാരാഷ്ട്രയിലുടനീളം 5,000 ഇവി ചാർജിംഗ് പോയിന്റുകൾ സ്ഥാപിക്കാൻ ടാറ്റ പവർ

മഹാരാഷ്ട്രയിലെ നാഷണൽ റിയൽ എസ്റ്റേറ്റ് ഡെവലപ്‌മെന്റ് കൗൺസിലുമായി (NAREDCO) ടാറ്റ പവർ സഹകരിച്ച് 5,000 വരെ ഇലക്ട്രിക് വെഹിക്കിൾ ചാർജിംഗ് ഔട്ട്‌ലെറ്റുകൾ സ്ഥാപിക്കാൻ ടാറ്റാ പവർ. നാഷണൽ റിയൽ എസ്റ്റേറ്റ് ഡെവലപ്‌മെന്റ് കൗൺസിൽ അം​ഗങ്ങളുടെ ഡെവലപ്പർ പ്രോപ്പർട്ടികളിലായിരിക്കും ഇവ സ്ഥാപിക്കുക. ഇതിനായി ഇരുകമ്പനികളും ധാരണാപത്രത്തിൽ ഒപ്പു വച്ചിട്ടുണ്ട്. ടാറ്റ പവറിന്റെ EZ ചാർജ് മൊബൈൽ ആപ്പ് വഴി അംഗങ്ങളുടെ പ്രോപ്പർട്ടികളിലുടനീളം ഇവി ഉടമകൾക്ക് 24×7 വാഹന ചാർജിംഗ്, നിരീക്ഷണം, ഇ-പേയ്‌മെന്റ് സേവനങ്ങൾ എന്നിവ ലഭിക്കും.

ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 226 പോയിന്റുകൾക്ക് മുകളിലായി 15926 എന്ന നിലയിൽ വ്യാപാരം ആരംഭിച്ച നിഫ്റ്റിക്ക് ഓപ്പണിംഗ് നിലമറികടന്ന് മുന്നേറാൻ സാധിച്ചില്ല. ദുർബലമായി താഴേക്ക് നീങ്ങിയ സൂചിക രാവിലത്തെ പകുതിയിൽ അധികം നേട്ടവും ഇല്ലാതെയാക്കി. തുടർന്ന് കഴിഞ്ഞ ദിവസത്തേക്കാൾ 132 പോയിന്റുകൾ/0.85 ശതമാനം മുകളിലായി 15832 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. ഇന്ന് ഗ്യാപ്പ് അപ്പിൽ 498 പോയിന്റുകൾക്ക് മുകളിലായി 34126 എന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി സാവധാനം […]
പ്രധാനതലക്കെട്ടുകൾ Zomato: ക്വിക്ക് കൊമേഴ്‌സ് കമ്പനിയായ ബ്ലിങ്ക് കൊമേഴ്‌സിന്റെ 33,018 ഇക്വിറ്റി ഓഹരികൾ 4,447.48 കോടി രൂപയ്ക്ക് ഓൾ-സ്റ്റോക്ക് ഇടപാടിൽ ഏറ്റെടുക്കാൻ ബോർഡ് അംഗീകാരം നൽകിയതായി കമ്പനി എക്‌സ്‌ചേഞ്ചുകളെ അറിയിച്ചു. Dr Reddy’s Laboratories: യുഎസ് ആസ്ഥാനമായ എറ്റോൺ ഫാർമയുടെ ബ്രാൻഡഡ്, ജനറിക് ഇൻജക്‌ടബിൾ ഉൽപ്പന്ന പോർട്ട്‌ഫോളിയോ ഏറ്റെടുക്കുന്നതായി കമ്പനി പ്രഖ്യാപിച്ചു. CSB Bank: ബാങ്കിന്റെ പാർട്ട് ടൈം ചെയർപേഴ്സണായി ഭാമ കൃഷ്ണമൂർത്തിയെ ബോർഡ് നിയമിച്ചതായി ബിഎസ്ഇ ഫയലിംഗിൽ വ്യക്തമാക്കി. SIS: കമ്പനിയുടെ ഇക്വിറ്റി ഓഹരികൾ തിരികെ […]
ഇന്നത്തെ വിപണി വിശകലനം ഇന്ന് ഗ്യാപ്പ് അപ്പിൽ 100 പോയിന്റുകൾക്ക് മുകളിലായി 15657 എന്ന നിലയിൽ വ്യാപാരം ആരംഭിച്ച നിഫ്റ്റി അധികം ചാഞ്ചാട്ടത്തിന് വിധേയമായി കാണപ്പെട്ടില്ല. 100 പോയിന്റുകൾക്ക് ഉള്ളിൽ തന്നെയാണ് സൂചിക വ്യാപാരം നടത്തിയത്. ഇന്നലത്തെ പ്രതിബന്ധമായിരുന്ന 15630 ഇന്ന് സപ്പോർട്ടായി പ്രവർത്തിച്ചു. തുടർന്ന് കഴിഞ്ഞ ദിവസത്തേക്കാൾ 142 പോയിന്റുകൾ/0.92 ശതമാനം മുകളിലായി 15699 എന്ന നിലയിൽ നിഫ്റ്റി വ്യാപാരം അവസാനിപ്പിച്ചു. 33434 എന്ന താഴ്ന്ന നിലയിൽ വ്യാപാരം ആരംഭിച്ച ബാങ്ക് നിഫ്റ്റി വശങ്ങളിലേക്കാണ് ഇന്ന് […]

Advertisement